بطالة حملة الماجستير والدكتوراة

[Om Maya]

المشاركة الأصلية كتبت بواسطة saad.alkhafji 1 يفتح التسجيل في شهر ثلاثه ميلادي لأكثر التخصصات. 2 راجعي موقع قياس بأستمرار ودوني عندك في الجوال أو على ورق متى أقرب موعد إختبار قدرات الجامعيين(( تكلفته 150 ريال وممكن يكون شمله الإعفاءما أدري بالظبط)) 3 التوفل أو ألأيلتس كلهم واحد الأول أمريكي ويعتمد على الكمبيوتر بحيث يجب تكون محترف في الطباعه وغيره حتى المقابله speaking يكون بالكمبيوتر, أما الثاني بريطاني وهو تقليدي ((ورق وقلم والمقابله مع إنسان مثلك تتكلم معه وبالنسبه من واقع تجربه أسهل وطبعا الناس مهارتها تختلف)) ((الإثنين تكلفتها متقاربه ألف ريال تقريبا وتقام بإستمرار في المدن االكبرى الرياض و جده و الدمام والخبر والمدينه المنوره وغيرها. 4 لدي فكره إذا أردتي الدراسه داخل المملكه فقط فيكفيك إختبار ((كفايات اللغه الإنجليزيه )) وهو معادل للتوفل والايلتس داخل المملكه فقط وليس معترفا به في الخارج. " ميزته سهل نسبيا والأهم قيمته 150 ريال فقط " ويعقد أيضا في عدة مدن وممكن التسجيل فيه من خلال موقع www.qeyas.com افتحي ملف في الموقع وسجلي في قدرات الجامعيين والكفايات من الان وتوكلي على الله أولا وأخيرا

الله يعطيك العافية ارائك مرتبة وواضحة والاخت بيلف ماقصرت كمان.
انا فعلا فاتحة ملف في مركز قياس بس لسه مابدأ التقديم للاختبارات القادمة
واسعار الاختبارات هذه مو مشكلة عندي مادام اتوفرت منحة للماستر الخاص
الله ييسر امورنا اجمعين
طيب سؤال اخير هل في كتب للايلتس مثل كتب التحضير للتوفل؟ وايهما افضل اشتري الكتاب أو اني اسجل في دورة ؟ انا الحمدلله لغتي جيدة نوعا ما بس افكر في دورة مثل دورة التحضير لاختبار التوفل

[ابن نويصر]

السلام عليكم
بطالة الماجستير والدكتوراة ليست جديدة
مثل مامرينا بمرحلة بطالة بكالوريوس حالياً وقبل سنوات
سوف نمر بمرحلة بطالة ماجستير وبعدها مرحلة بطالة دكتوراة !وهكذا !!!!
مصر من 20 سنة لديها بطالة برتبة بروفيسور !!!! ماهم لاقين وظايف !
وحالياً وضعنا بهالطريقة وبنفس المسلسل لبعض الدول ! ولاهو شماته او استهزاء بتلك الدول !
لا !!!!
انا اقووول ان هذا هو السيناريو الطبيعي !
كل الناس تاخذ ماجستير او دكتوراة وبش بيصير؟ نتيجة واضحة
ان حصلنا المستوى فلله الحمد والمنة وإن ماحصلناه الحمد لله اولاً واخيراً وقدر الله وماشاء فعل!
على الأقل اثبت نفسك بحصولك على ماجستير ودرجة علمية جيدة على مستوى دولي ...

باختصار النجاح لايحدده شهادة ! والوظائف الأن اصبحت لاتعتمد على ا لشهادات والمناصب كذلك !
نحن في مرحلة الكفاءه !!
فقد يرأسك ويديرك شخص لايملك إلا بكالوريوس ومعك دكتوراة ! ليس شرط انك افضل منه ! بشهادة الدكتوراة ! فقد يملك مالا تملكه!!
لكن اللعبة في
أن تملك مالايملكه الأخرين +شهادة تدعم خبرتك وقدراتك !
احد الشركات قبل رمضان اعلنت عن 3 وظائف مرتباتها قووووية وعاااالية جداً
بعد التقديم
طلبو منهم 2 اختبار مماثل لقياس في التخصص الدقيق للوظيفة
ومقابلة شخصية !
قريب لي فشل مع انه درجاته كلها عالية ماعدا في المقابلة !
والسبب اسلوبه في اللجنه والمقابلة الشخصية ماكان جيد ولبق !

[بيلف]

^^

في تحيز للأجانب بشكل غريب و قد يكون له سبب سياسي في دعم أقتصاد الدول المجاوره
من مصر و الأردن...

عندنا 3000 عاطل دراسات عليا و في أحصائية حافز لدينا 300 الف حامل بكالوريوس و 1300 ماجستير و 26 زمالة و 20 دكتوراة عاطلين مسجلين في حافز

وفي المقابل في الخدمة المدنية يوجد 20 الف وظيفة حكومية عليها أجانب من حملت من الماستر و الدكتوراه

أذن مشكلة عدم وجود وظايف غير صحيحه !!!

مين وضع بدل الندرة في الجامعات وجعل من بعض الأكاديميين ضعاف النفوس يشكلون عصابات
على السعوديين و السعوديات

تعريف بدل الندرة :
إذا كان تخصص عضو هيئة التدريس غير موجود منه سعوديين بنسبة 50% في القسم
فإنه يأخذ بدل ندرة وهو 20 الى 40 % من راتبه

يعني تبغى زيادة في الراتب >> خلي القسم نص سعوديين و نص أجانب ...
حتى السعوديين مو شرط نص عادي لو أقل

بالتالي راح يحاولون الفاسدين و يسعون بشتى الطرق ان هذه النسبة ما تكتمل عن طريق
توظيف الأجانب وعدم توظيف السعوديين و السعوديات

يعني عضو هيئة تدريس راتبه 20 الف فجأه القسم وظف سعودي واحد راح البدل 40%

بالتالي طار من راتبه -8 الاف و صار راتبه 12 الف هو و باقي الشلة معقوله كذا !!!!!

السؤال

ماهو الهدف من البدل ؟

هل هي طريقة غير مباشره لتوظيف الأجانب ؟

هل هذا البدل مكأفاه لتوظيفك للأجانب ؟

هذا الكلام ما كتبته عشان أحبط أحد لا والله بس المعرفة وقياس حجم المشكلة هي أول خطوات التغيير في المجتمع

بالعكس أشحنو نفسكم بالله الكريم وأجعلو من طموحكم ينتصر عليهم و تحققو كل ماتتمنو لهذا الوطن