سؤال لمن اختبر ستب

[خجل~]

نموذجي (A)



اليسيننق -1-
وحده تسال واحد عن عائلة فلان هل فيه احد في المنزل
انا اخترت
nobody

-2-
حوار بين بائعه ووحده ترغب في شراء تيشيرت لون التيشيرت
wite

-3-
شركة وضعت انسر مشين وكان عليه اسئلة
عن المحادثة عبارة عن ايش
answer massen
اسم الشركة
al riyadh tawen
متى راح تفتح
next thursday
ليه اغلقت
emmergensy family

-4-
حوار في المطعم بين نادل ورجل يطلب الطعام لعائلته
السؤال كم عدد الاشخاص الي طلب لهم
4
مانوع الطعام الي يقدمه المطعم
متنوع

-5-
خالد ومحمد اصدقاء ويسولفون مع بعض
الاسئلة
مانوع العلاقه بينهم
they are frinds
ليه خالد ماسافر هذه الاجازة
becouse his father busy
هل هو مرتاح في دبي
yes he like lives in duby but he missing saudia arabia
فيه سؤال ماني فاكرته
اظن اجابته ان خالد عنده بزنس في دبي

-6-
حوار بين اثنين اصدقاء واحد فيهم مدرس هذا الحوار ماقدرت اسمعه زين

-7-
واحد يكلم موظفة خطوط لعمل حجز
الاسئلة عن
ماهي وظيفة الموظفة ؟


رقم الرحلة
1066
نوع المقعد
Aisle seat
موعد الرحلة
13 septermper

-8-
واحد يسال واحد عن موعد الرحلة
بعد 30 دقيقة

-9-
واحد يسال وحدة عن زيارته لاوروبا
والسؤال هي سافرة بواسطة ايش
انا اخترت by car
مو متاكدة من الاجابة

-10-



القطع
قطعة كانت تتحدث عن العولمة وانها منذو القدم مو شي جديد وعلى سبيل المثال انتشار النباتات من
منطقة لمنطقة واعتمادها في الغذاء .. الخ

الاسئلة مو متذكرتها كيثر
الي اذكر منها
1- كلمة THEY في القطعة تعود على ايش؟
2- كلمة وش معناتها ( اظنه نبات )
3- الفلفل اصله من وين
امريكا الشمالية والجنوبية
4- كلمة برضة وش معناتهاجات قبل كلمة money اتوقع اجابتها old
5- اختار عنوان للقطعه


قطعة ثانية عن الاهتمام بالاخرين

قطعة عن وحدة وبنتها عند محل ونزل عليهم المطر

قطعة عن التغير الايجابي
جدول صغير عن مادة English 133
وجت عليها اسئلة


القرامر متنوع وعن البيسك قرامر



بالوفيق للجميع

[دعائي لله وحده]

الحمد لله اختبرت واعتقد الاسئلة كانت سهله الى حد ما ارجو من الله التوفيق لي ولجميع من اختبر بس عندي سؤالين : الدرجة المطلوبة ههي 52 من كم ؟؟ يعني كم الدرجة النهائية هل هي 100 او كم بالضبط ؟؟
متى بتطلع النتائج ؟؟
والله يوفق اللي يجاوبني

المشاركة الأصلية كتبت بواسطة خجل~ نموذجي (A) -9- واحد يسال وحدة عن زيارته لاوروبا والسؤال هي سافرة بواسطة ايش انا اخترت by car مو متاكدة من الاجابة بالوفيق للجميع

شكرا لكي اختي على المشاركة الجميلة بس اعتقد في رقم 9 انه كانت الاجابة by ship
تحياتي

[كريستاله*]

حسبي الله ونعم الوكيل
اللهم اجرني في مصيبتي واخلفني خيرا منها
بالنسبه لي مااديت حسب الجهد الي بذلته
حسافه الوقت والجهد الي ضيعته
مع اني قبل الامتحان كنت عامله لنفسي امتحان تجريبي بالنت للتوفل وامتحان تحديد مستوى من موقع بريطاني وجايبه درجه عاليه مره واخطائي كان محدوده
لاكن دخلت الامتحان تحطمت تماما احسه امتحان عجيب غريب وعلى كثر ماحفظت الفاظ وكلمات الا اني ماستوعبت القطع ولاجا من الكلمات الي حفظتها الا بعدد الاصابع تحطمت جدا لدرجة اني من ثاني امتحان طفشت وتوترت وكان همي اخلص بسرعه كان ودي اسلم الملف بعد ماظلله كله عشوائي واطلع لاكن كان ممنوع وجاني زهق مو طبيعي بعد ماانحبطت من الليسوننق هو يتكلم بجهه وانا مادري وين الله حاطني لا والصوت مو واضح احس فيه خمجه كفايه بالتوفل الا اني سمعتله سيديهات ليسوننق باللهجه البريطانيه اوضح من الي بستيب بكثير اما هذا صوته ضخم ولادري ايش يبرجم
اخر شي سويته اني كل جزء من الاختبار انط لقرامر احل الي اعرفه منه والي مااعرفه اختار عشوائي واجي للقطع احل الاسئله على مزاجي شي اقراها وشي احل من غير مااضيع وقتي فيها لاني حاولت اقرا كذا قطعه مافهمت كثير
وعاااامل الوقت هو المسبب الرئيسي لكل هالتوتر واللخبطه من البدايه كل ماابدا بسؤال اركز فيه احس شي يقولي امشي يابنت ولاتضيعي وقتك فاظطر اذا حست بالسؤال اظلل عشوائي وامشي والقى نفسي خلصت بدري المهم انا دعيت قبل الامتحان قلت ياربي انا تعبت كثير يارب توفقني وتسدد اختياري
اذا على حلي ماني متفائله بشي ولااذكر اني حليت شي متأكده منه
اما اذا كان على توفيق الله فاتمنى ان يوفقني لو في 50 درجه او حتى اقل عالاقل ترفعني بالمفاضله
ولاكن اتوب مااد اضيع وقتي بمذاكرة الانجليزي لاني ماستفدت ولااحس هالامتحان لتحديد المستوى ابدا بل انه تعجيييييز
حتى ان بنت خالتي معي بنفس الامتحان وتخصصها انجليزي قسم ترجمه ودارسته 5سنوات الا انها خرجت من الاختبار تشتكي منه جدا
فكيف انا الا ماقرأت الا خلال شهرين راح استوعب هالمستوى
المستوى عالي جدا يقيس مستوى طالبات اللغه الانجليزيه فقط
عموما انا طلعت من الاختبار وانا كارهه سيرة اختبار ومحطمه تماما واقول اذا الماستر بيعتمد على هالاختبار وبظطر اعيده ماعاد ابغى الماستر
وقلت ليش انكد على نفسي هذي تجربه ولازم انساها والي مقدره ربنا بيسير اذا بنت خالتي انجليزي وخبصت كيف بفلح انا الي كاتبه ربي الله يحيه
وسلامتكم
اكتب من قهري ولاكن الله يصبرنا لين تطلع النتايج ويظهر الخافي
لاكن الي كاتبه لنا ربنا بناخذه

[sarahlona]

صراحة اختبار مرهق بكثرة القطع اما القرمر كان سهل الى حد ما لكن بصراحة كثيرة الاسئلة ماادري وش فايدة الكثرة اللي تضيع علينا الوقت ومانلحق نركز مافي تنسيق بين عدد الاسئلة والوقت .. الله المستعان بس .. ان شاءالله تكون النتائج مرضية للجميع.

[خجل~]

الله لايضيع لنا تعب ان شاء الله

كريستاله خليك متفائله ان شاء الله توصلين ال50 وزيادة لاتعطي نفسك اشارات سلبيه ولاتخلي قياس يوقف بينك وبين حلمك فيه التوفل وفيه الايلتس بس لاتستسلمي بهذي الطريقة ربي يوفقك ويوفقناااااااا ونجيب الدرجات المطلوبة منا

[طوتنا الدنيا]

بالنسبه لي الاختبار هذا جو القاعه افضل من أختبار القدرات لاني في القدرات جيت ودخلت قاعه الكراسي فيها طاولاتها مره صغيره مايمديك تحطين الكتيب والورقه عليها وكل شوي أحس بألم في رقبتي من كثر ماانا منزله راسي

اما قاعه الاستيب جلستني المشرفه قدام وكانت طاولات الكراسي اكبر من حقت القدرات بس لاني باليسار اكتب كان ودي أجلس على كرسي بطاوله يساري لأنه هنا بعد حسيت بألم في رقبتي


وبالنسبه لأسئلة الاختبارين اختبار الاستيب اهون من القدرات بشغله
انه مافيه اقسام كثيره بس ليسنونق وقرامر وريدينق وتحليل تركيبي ماجابوا مقارنات احسهم مغيرين في اسلوب أسئلتهم حتى مع القدرات ماكان في سؤال مقارنه

وفي كل الأختبارين اعتمدت طريقه توحيد الاجابه للأسئله الي ماعرفتها والي انتهى الوقت فيها

ومن جد اذا بيرحمونا يفكونا من الوقت والله بنحل احنا مو فاشلين

وانا إن شاء الله ناويه أخذ دوره بالانجليزي بغض النظر عن النتيجه لان مثل هذا الاختبار يبغاله ناس متقنين القراءه السريعه ومدربين كثير على الأستماع

[..mEmO..]

حسبي الله عليهم ,,
خرجت من الاختبار احس مافي ولا سؤال جاوبت عليه ومتاكد منه 100%

[همسه قلب]

نفوسه / همه / كرستاله / طوتنا
كيف اختباركم ان شاء الله تمام
ايش فيك كرستاله ترى دا كله ماييستاهل كل شي مكتوب ومقدر لنا
الله يييسر ويقدر اللي فيه خيييييييييييير

[فاطمة العتيبي]

ممكن اعرف كيف يتم حساب درجة الستيب
يعني على اي اساس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[زهرة حمرا]

شكرا لك من شارك

دعواتكم
والله بالمرررررررررة خايفة