اقتراحات لكل المتضررين من الأحياء

[Rakan alamoudi]

احمد
لما عميد الكلية يقول لكل طالب بونص بعد الاختبار الدوري الأول يصير حق من حقوقي وفي رقبته ليوم الدين
اما حكاية مستحيل يقولولكم لا تذاكروا السلايدز
لا قالولنا !!
وقالوا الترينينج بس واكلنا هواء في الدوري الاول
ابتسم انت في kau !!!!

[ahmad31]

اخ راكان ..
إذا قالوا فعلا كذا ومو كلام واشاعات من الطلاب وجات اسئلة من بره التريننج أو النماذج
فمن حقكم تطالبوا بدرجاتكم ... والرجال لازم يكون عند كلمته
ابتسمنا قبلكم كثير هههههه لكن الحمدلله

[Dr . B E B O]

Rakan alamoudi
tr.z

أنا أصلن لسآآ
ما نزلتلي درجة الأحيآآآء
و خايفة من الدرجة زيي
زيكم و ربنآآآ كريم

أول شي ،، أنا عني الدكتورة حقتنا
صح إني ما أطيق فيها أشيآء كتير
بس من أول محاضرة قالتلنا إنه ألتغى التست
بانك ’’ << إنتو لو حقونكم ما قالوا فدي غلطة

تاني شي ،، إحنا إللي قاعدين نطالب من أول
ما شالوا التست بانك بالنمازج صح و لآآ لآآ
هما قالوا انه المزاكرة الأساسية تكون من السلايدز
بس إحنا إللي قاعدين نقول إللا و إللا يدونا نمازج
للأسئلة و سار فيه كمان تريننق عشين ندرب
>> أنهم حطوا نمازج و تريننق دا كان رح يكون
لصالحنا لو إنه ما طلبنا بيهم فنروح نقلهم ما في
مرجع معين نزاكر منه إنتوا بتجيبوا الأسئلة من
التريننق بس تقولوا مرجعكم السلايدز أما دحين
لما تقولوا كدا رح يقولولكم إنتو إللي قاعدين
تطالبوا بيه،، دا بالنسبة للميد تيرم الأول
الميد تيرم التاني : كان جدا واضح الكلام المزاكرة
من السلايدز هيا المرجع الأول و الأخير بس
إنهم جابو في الإختبار أسئلة ما كانت في السلايدز
<< رح يقولولكم أجل ليش بتاخدوا بونس !!
النهائي << حبيته =)

،،

الطب رح يدوك منهج معين تزاكر
منه و الله شوف أنا من محيطي
إللي أعرفهم في الطب يزاكروا
إلى آخر قطرة و يقعدوا يدوروا
أصلا عن مراجع و دكاترة عدلين
يزاكروا من عندهم،، الجامعة يعني دور
عن مرجعك

،،

أدري إنك نفسك تفرشني بس أنا أفتكر
دكتورتنا حقت الأحياء لما كنت أقلها
إنتو مالكم مرجع و القسم متناقض و الخ
قالتلي إنه لو إنتي شايفة بيو110 صعب
لا تفكري في الطب أبدن لأنهم بيدرسوا
إللي أصعب من بمليوووون مره << نهاية
أنا جدن أكره شخصيتها و بإذن ألله رح أوصل
للي أبغاه بتوفيق ربنآآآ و رح أروح بس عشين
أقلها قد إيش أنا أعشق الطب و بيو110 أتفه
شي ممكن يمنعني إني أوصل لهدفي << كله
بتوفيق ربنآآآ =)

و الله يوفق كل واحد و يقويه إنه يوصل
لمراده أنا في النهاية أتمنالكم الخير =)

[جوجو المطيري]

الى اختى العزيزة beeeb
ما ادري اذا عرفتيني ولا لا؟؟؟؟
المهم كلامك صح مليون بالمية و ترا الدكتورة سالينا قالتلي نفس الكلام هههههه بس انا بعد كلامها الي يجرح القلب رجعت البيت وصميت السلايدات والحمد لله كان الاختبار حلو ههه انا بس خايفه من الانجليزي بس زي ما تقولي ربنا كريم تعجبيني يوم تقولي كذا (الله يحفظك من كل شر )من كلامك اثر فيا في النهايه باذن الله نكون دكاترة بإذن الله
وان شاء الله شمعه الايمان هههههههههههههه تكوني معنا ما نسيتك شفتي ( بالتوفيق ياااااااااااارب بخطه ا)

[kmh]

يا حليلكم اقتراحات خرافية مع أنكم عارفين و لا واحد منها راح يصير

يعني مدير الجامعة من يوم ما دخلنا الجامعة الى الحين ما شفناه كل اللي نعرفه عنه بس اسمه

حتى الأمراء اللي كانوا يجوون الجامعة عشان محاضرات في قاعة الأمير فيصل ما كان يحضر المدير في هذي المحاضرات فـ تعتقدون احنا بـ نقابله ؟!

ثانيا جريدة عكاظ أو أي جريدة لو تشكون لهم راح يظهرون أنفسهم أبطال عشان يرفعون سمعة الجريدة و احنا في حريقة

ثالثا فرضا و نقول فرضا وصلت أنا لـ مدير الجامعة ( الوصول له يحتاج المستحيل ) تعتقدون أني راح أقول الدفعة كاملة زودوها درجات ؟! المعذرة لو صارت راح أقول بس لي أجل أتعب و اشقى و غيري قاعد يطقطق على النت و في الأخير ترتفع درجته مثلي !

رابعا بـ النسبة لـ اللي يقولون جامعة الملك سعود و مدري ايش على فكرة مظاهراتهم ما فادتهم يعني هذاك التعب كله و في الأخير طالبين بونوس و مع ذلك لا تبنصوا و لا هم يحزنون

عـ العموم هي مجرد تخيلات ما راح يصير منها شيء

نتطلع لـ حلول ممكنة و واقعية

في أمان الله

[Rakan alamoudi]

احمد
الطلاب بنفسهم قابلوه بعد الدوري الأول يعني ماهو كلام ولا اشاعات
ـــــــــــــــ
Beeb
اقسم بالله
دكتورنا لما آخر اللحظات في الدوري الأول وهو يقولنا ذاكروا من الـ 120 والـ 152 فقط !!
قال 10 بتجي من الـ 120 و20 من الـ 152
وولا حاجة !
ولآخر لحظات الدور الثاني وهو يقولنا الاسئلة سهلة جدا ومباشرة وانا كلمت دكتور نزار وتافهة
وطلع الدوري الاول التافه بالنسبة للدور الثاني
وبعدها غسلت يدي منه ولا حضرت له

[طبيب القلوب]

أخوي kmh ،،،
خل الجريدة يسووا نفسهم أبطال ،، أهم شي ترجع حقوق الطلاب !! بعدين لازم يكون في تجمع عدد كبير من الطلاب عشان يخشوا على المدير ،،

و إذا مثلاً ما عجبك الاقتراح فأعطينا بديل ( واقعي ) مثل ما تفضلت ،،،

و على فكرة ،، ترى طلاب جامعة الملك سعود لما راحوا للجرايد انسمع كلامهم و ( اتبنصوا ) لين ما شبعوا ،، ليش ما نكون زيهم و ناخذ حقنا بنفس الطريقة ؟

[هبوتي]

أنا صراحة أشوف والله ياخطة (ب) سويتو الي عليكم وماقصرتو ونصيبكم واخذتو الله يعوضنا ولو كان لنا حق عند الله ماراح يضيع والي قاعدين يتفلسفوا من خطة (أ)عشان احنا نكون في وجه المدفع وهم ياخذوها تساهيل معليش لا تتفلسفو ولا تعملو انكم تبغو تدافعو عننا
متى اصدق انكم تبغونا من جد ناخذ حقناا لو قدرتو تعملو شي السمستر التاني تعالو قولو خطة ب مساكين لازم ياخذو حقهم واقترحو لنا وقتها مو كل الشغل علينا وانتم بس اتكلمو لاجريدة ولا كلام فاضي انسو الي راح وابذلو قصاار جهدكم في السمستر الجاي ان شاء الله ربي مايضيع تعب احد وسوري ع الاسلووب والله يوفقنا كلناا سواء (أ)او(ب)

[طبيب القلوب]

المشاركة الأصلية كتبت بواسطة هبوتي أنا صراحة أشوف والله ياخطة (ب) سويتو الي عليكم وماقصرتو ونصيبكم واخذتو الله يعوضنا ولو كان لنا حق عند الله ماراح يضيع والي قاعدين يتفلسفوا من خطة (أ)عشان احنا نكون في وجه المدفع وهم ياخذوها تساهيل معليش لا تتفلسفو ولا تعملو انكم تبغو تدافعو عننا متى اصدق انكم تبغونا من جد ناخذ حقناا لو قدرتو تعملو شي السمستر التاني تعالو قولو خطة ب مساكين لازم ياخذو حقهم واقترحو لنا وقتها مو كل الشغل علينا وانتم بس اتكلمو لاجريدة ولا كلام فاضي انسو الي راح وابذلو قصاار جهدكم في السمستر الجاي ان شاء الله ربي مايضيع تعب احد وسوري ع الاسلووب والله يوفقنا كلناا سواء (أ)او(ب)

و الله إذا انتي ما تبغي تاخذي حقك و عبالك إني بحط طلاب خطة ( ب ) في وجه المدفع ،، فاسمحي لي إن كلامك مو مقبول أبداً ،، لا تنسي حتى احنا تمرمطنا مع الفيزياء و جلسنا في وجه المدفع إلين ما أنصفونا ،، أما إنتم محد تجاوب معكم ،، و هذا الموضوع للمساعدة فقط ،، أما إنك تشككين في النوايا فهذا غير مقبول إطلاقاً ،، و إذا ما تبغي الدرجات غيرك يبكوا على النص درجة ،، و أتمنى إنك ما تزعلي من كلامي

[هبوتي]

المشاركة الأصلية كتبت بواسطة طبيب القلوب و الله إذا انتي ما تبغي تاخذي حقك و عبالك إني بحط طلاب خطة ( ب ) في وجه المدفع ،، فاسمحي لي إن كلامك مو مقبول أبداً ،، لا تنسي حتى احنا تمرمطنا مع الفيزياء و جلسنا في وجه المدفع إلين ما أنصفونا ،، أما إنتم محد تجاوب معكم ،، و هذا الموضوع للمساعدة فقط ،، أما إنك تشككين في النوايا فهذا غير مقبول إطلاقاً ،، و إذا ما تبغي الدرجات غيرك يبكوا على النص درجة ،، و أتمنى إنك ما تزعلي من كلامي

لافيزيا ولا غيرو والله ما شتتوكم واتلاعبو فيكم زينا عشان تطالبو ببونس و ماشفتكم سويتو نص الي سوينا واتمرمطو اصلا سالفة الفيزيا دوبني اسمع فيهاا هما حطو البونس موعشان انكم سويتو شي ولا خايفين منكم حطو بونس عشان هذا البونس هو المفترض انو ينحط والله اعلم بالنوايا اما عن الزعل إيززي ماتفرق عندي هي مجرد وجهات نظرر