شروط كليه العلوم؟؟

[Wejdan Hamad]

المشاركة الأصلية كتبت بواسطة thamer070 وشفيهم الشعب مستحقرين المدرسين ماشاء الله المدرسين مرتاحين يكفي الزحف والاجازات

والله مومستحقرتهم بس المشكله مااافي وظاايف حكوميه

[S.Bn]

وجدان و سارا انا كمان كنت في اولميباد الرياضيات و كانت تدرسنا وحدة اسمها زهوة العريفي و وحدة تانية معاها ما ادري ايش اسمها و وصلت للمرحلة التانية بعدين >>>>>>> اكلت هوا و خسرت
و لمن دخلت الجامعة كنت ابغى الرياضيات بس كل ما قلت لاحد حطمني و قالي رح تصيري مدرسة لدرجة اني شلتو من بالي و لا عاد صرت افكر فيه

[Optimistic Sona]

.
.

أضعف الإيمان انه نحترم كلية العلوم احتراما لطلابها
لأنه هما أكيد بيتعبوا زي أي كلية وفيهم عباقرة
بلا شك لأنهم بيدرسوا علم أساسي
هذا غير انه هذه الكلية من أهم الكليات
في دول العالم الأول
ومو أي أحد يدخلها
بس احنا هنا ثقافتنا كلها معكوسة !!

والسؤال المتكرر : يعني تبغي تصيري مدرس/ة ?!
مع شي من الدونية , يخلي الكثير
يصرف تفكيره عن العلوم عامة !
مع انها من المهن العظيمة جدا
واللي ممكن تغير بلد
بس برضو ثقافة المجتمع غير سوية !
وطول م مهنة التدريس حتروح لأي أحد
ويبتعدوا عنها أهل الإبداع
حتبقى الأجيال تعاني .. !!


الله يوفق الجميع , وآسفة ع الإطالة

[Wejdan Hamad]

شي حلو

بس عندي سؤال فالجامعة في اولمبياد لرياضيات
لو في ابي اسجل تاني على الأقل اعمل انجاز في هذي الجامعة

[Astronomer]

المشاركة الأصلية كتبت بواسطة s.bn وجدان و سارا انا كمان كنت في اولميباد الرياضيات و كانت تدرسنا وحدة اسمها زهوة العريفي و وحدة تانية معاها ما ادري ايش اسمها و وصلت للمرحلة التانية بعدين >>>>>>> اكلت هوا و خسرت و لمن دخلت الجامعة كنت ابغى الرياضيات بس كل ما قلت لاحد حطمني و قالي رح تصيري مدرسة لدرجة اني شلتو من بالي و لا عاد صرت افكر فيه

اذا بتهتمي بكلام الناس ..من اللحين اقولك اجلسي بالبيت وانتظري خطيبك


وانا ان شاء الله اذا مافتحوا قسم الهندسة للبنات ذي السنة


بتخصص فيزياء


وماعلي من تحطيمهم



واانا صراحة احب ادرس


ونفسي كمان ادرس بالجامعه ..


الله يوفقنا ويرزقنا الوظيفة الصالحة

[Wejdan Hamad]

وان عشاني عارفه انو التدريس مهمه عظيمه وصعبه
وانا ما ابغى ادخل فيها لاني اخاف من اني ما اقدر اوصل المعلومه
وبعدين انا بصراحه ماعندي جرااائه اني اوقف قداام مدري كم طالبة واشرحلهم

[Optimistic Sona]

/


نقطة أخرى أحب أنوه عليها
كلية العلوم مالها شروط مو حكاية مستقلين فيها
بس لأنها مو مرغوبة زي الطب والادارة والاقتصاد والحاسب
وكمان لأنها تشيل عدد لا بأس به .

[املي بك يالله]

وشفيكم على كلية العلوم
زيها زي اي كلية بالجامعه
خااصه الكيمياء يجنن

واخوي اللي يقول مايتوظف غير مدرس
ليه وين راحوا سابك وارامكو وغيرهم

عجيب والله

[املي بك يالله]

المشاركة الأصلية كتبت بواسطة ميثان حلقي اولا اشكر تأييدك لي و بالنسبة لأسمي حقيقة وجوده مستحيل لكن سبب التسمية راجع لشي في نفسي و هو اني اوجد مركب استحال العلم وجوده اذا كملت دراستي و ممكن استحدث للعالم اكثر من مركب ليش لأ الاسم في النهاية حافز و ليش اشارة لوجود شي اكرر شكري لك ميثان حلقي

بصراحة انا انتظر بيوم اسمع هذا الاكتشاف
بجد طموحك عالي ماشاء الله تبارك الله
الله يحققلك هوا

موفق ياارب

[S.Bn]

المشاركة الأصلية كتبت بواسطة wejdan hamad شي حلو بس عندي سؤال فالجامعة في اولمبياد لرياضيات لو في ابي اسجل تاني على الأقل اعمل انجاز في هذي الجامعة

لا للاسف لانو من شروط الاولمبياد تكوني اقل من 20 سنة و دون الدراسة الجامعية >>>>> يعني التعليم العام