بحوث العمليات( bus 322 ) _ أ.أمــل تركستاني

[زهرة تشرين]

عزيزاتي هذه أسئله , حبيت أجاوبها في الموضوع حتى تعم الفائده , وإذا كان عندي خطأ تصححولي..


-ص15 في الفصل السابع فالتمارين اللي كتبتيها..لمن نحسب الوقت المتاخر -نرجع من النهاية للبداية - هل لازم اخر شي اللي هوا 18و15 يكون نفس المربع اللي فوقو برضو 18 و 15

يعني دايما كدا يكون نفس الرقم؟؟

بعد حساب الوقت المبكرمدة تنفيذ للمشروع 18 أسبوع ..

لحساب الوقت المتأخرنجي نرجع "عكس" من اخرنقطه ( ي ),, لأول نقطه ( أ )

نرسم المربع من تحت السهم ونكتب المده النهائيه للمشروع

يسارالمربع , يمين المربع نكتب ناتج طرح 18-مدة تنفيذ النشاط

الاخير ( ي ) 18 - 3 = 15

كل التمارين الي حليناها يكون المربع الاخيرلحساب الوقت المبكرنفس المربع الاول

لحساب الوقت المتأخر..


-ص16 فصل سابع من الي بموضوعك ..رقم 18 كيف جبنا في فقرة 6


18 هذه هي مدة تنفيذ المشروع , طلعناها في حساب الوقت المبكر

وكتبت لكم ملاحظه: دائما في السؤال راح يعطيك مده للمشروع أكبر

من المده الي تطلع معاك , ص11 في الملف تلقيها عند قانون z


-درس التخصيص فاهمتو كلو .. بس سؤالي في ص26 بالملزمة ليش الشف الرابع مافيلو دائرة وكتبنا لم يكلف باي عمل ؟؟
والدوائر كيف احطها يعني ايش اسوي عشان احط عالخانة دائرة

طيب هذا التمرين ماحليناه مع أ.أمل ,, عشان اجاوبك لازم احله بيدي

بياخد وقت مني , لكن بإذن الله تعالى من يوم الاثنين 4/7

ارجع له واجاوبك ..

-ص24 بالملزمة الجدول التالت ايش طريقة الحل له

1- ننظر للأرقام المكشوفه , نعين أصغر رقم ( 10 )ونطرحه من بقية الارقام المكشوفه

نضيف رقم (10) للخلايا المتقاطعه

نعمل الخطوتين دي بعد الجدول الثاني في نفس الصفحه , ونرجع نغطي الاصفار , ونشوف حققت

الشرط او لا ..


ص18 بالملزمة طريقة شبكة العمل هل قالت تجيبلنا كدا؟

نعم , طبعا يجيك السؤال زي المكتوب ومن أول خطوات العمل رسم

الشبكه ..

موفقه بإذن الله , ويارب أكون أفدتك (:

[بنت غامد707]

هـــذي المــلف مرررة راح يفيدكم فية تلخيص للنظـــري من الاستاذة امل عروض البوربونت

وجميع الاسله الي حلتها زهرة الله يعطيها العافية

دعواتكمـ

[ام وجنات]

مرحبا ياحلوين
اليوم جاني استاذ اسمو استاذ حسن يدرسني مادة بحوث عمليات لأني ما قدرت احضر الدورة بس فاجئني و قلي ما قد درس احد من البنات الفصل الاخير الي هو نظرية الصفوف الي نزلوا الاخوات جزاهم الله كل خير فهل ممكن يكونو مع اساتذة غير استاذة أمل تركستاني مع العلم انو درس البنات من نفس ملزمة الاخت سهام العتيبي..

[عبير الوجدان]

ام وجنات

الانتساب كان دايما محذوف لهم الفصل الاخير بس كنا ناخذ السمبلكس كامل النظري والعملي

لكن هذا الترم لانها حذفت العملي في السمبلكس اضافت بداله هذا الفصل

انا اخذت المادة مع امل الترم الماضي بس نظرية الصفوف كانت محذوفة والاترام اللي قبل كمان نفس الشي وموفقين ياااارب

[ام وجنات]

جزاك الله كل خير وتسلمي ..

[ام وجنات]

مرحبا عزيزاتي الان لمن يجينا سؤال في مشكلة النقل والتوزيع لمن نجي نحل لازم نرسم شبكة العمل ونكتب دالة الهدف ولا بس على طول نحل باحد الطريقتين؟؟ ارجو الرد وبالتوفيق للجميع

[ام وجنات]

ممكن احد يجاوبني :(

[انين الشوق]

يالغلاا .. لو طلبت منك الشبكة ارسميها

لو ما طلبتها حلي على طوول بالطريقتين

[أميره الورد]

أختي العزيزه / زهره
1)هل فصل نظريه المباريات معنا اولا
2) هل فقط التمرين اللي حلتها الدكتوره في الدوره معنا او هناك اضافه
ارجو منك الرد
واتمني لك ولي وللجميع الاخوات بالتوفيق

[زهرة تشرين]

المشاركة الأصلية كتبت بواسطة أميره الورد أختي العزيزه / زهره 1)هل فصل نظريه المباريات معنا اولا عزيزتي هذا اي فصل؟؟ ..عندك الفصل الرابع محذوف الفصل الثالث معانا النظري فقط .. الفصل العاشر ماعندي , على حد علمي انه محذوف لانه أ.أمل ماجابت سيرته حتى في النظري 2) هل فقط التمرين اللي حلتها الدكتوره في الدوره معنا او هناك اضافه ارجو منك الرد واتمني لك ولي وللجميع الاخوات بالتوفيق

والله هي ماقالت بس التمارين الي اخدناها نذاكرها,, بالعكس قالت اخر كل فصل اتدربو على التمارين

الي تكون مكتوبه ,, بس من بحثي البسيط أ.أمل بإذن الله مايخرج إختبارها من مضمون ماشرحت

وحلت في المحاضرات , ممكن تغير أرقام او شي بسيط ..

إن شاءالله ربي يوفقنا ويكون إختبارنا ++a