رأيي في التحضيري واقتراحاتي

[Dr.Passed]

السلام عليكم ورحمه الله وبركاته

كيف حالكم....؟ وامتحاناتكم...؟


زي ما انتو شايفين احنا جينا على نهاية السنة ومابقيلنا غير الفاينل وبعدين وداعا للهم دا وكي واحد حيروح التخصص الي يبغا بإذن لله..

أنا عندي اقتراحات وملاحظات عن السنة دي من حياتي ( التحضيري)
طبعا هادي اول سنة لينا في الجامعه..نظام جديد واشكال جديدة وقوانين واشياء اول سنة تمر علينا وانا متأكدة انو احنا كلي يوم بنتعلم في الجامعة دي حاجة جديدة بنقابل ناس كتير وبناخد خبرات وبنتكلم كتير..يعني اكيد حياتنا الجامعية غير وبدأت الحياة دي في اول سنة لينا التحضيري دي..ولسا طبعا قدامنا تخصص وهم لسا جي..طبعا التحضيري دي سنة وحدة في الحياه ناخودها في الجامعة دي ( يعني محانرجع نعيدها بنظام يكون اتغير...هي سنة وعدت) بس انا عندي اقتراحات وابغى صوتي ينسمع وياريت انتو كمان تقولو اراءكم في الي يخص السنة دي..

اول شي خلونا نتكلم عن بعض المواد..

الأحياء: كلها تست بانك وحفظ...صدقوني 4/3 الناس مهي فاهمه ولاشي بس بتحفظ..طيب ايش الفايدة؟ قاعدين نصم المادة 500 سؤال واغلبكم مو فاهم ايش الأسئلة والأجوبة بتقول؟..طبعا لو خلو الأسئلة من الكتاب انا برضو مني شايفتو حل ( لو شالو التست بانك) كتير حيسحب..كتير محايفتح الكتاب ويقول انا مااعرف ليه رسبت...وا...وا..وا
والحال مو عاجبني في المحاضرات ولا اظن عاجبكم...الكل قاعد على الجوالات والأيبودات..رسايل بالهبل وضحك ولاكإنو في دكتورة واقفة تشرح..نص الكلاس راصو على الطاولة ونايم...النص التاني سرحان ولا على الجوال...ايش دا يالطيف؟

دا كلو بيسير لأنو الكل معتمد على التست بانك..

الحل في نظري...انو يخلو لو 20 درجة نشاطات صفية وبحوثات. منها الحركات دي ينحطلها حد ومنها يتعلمو ويبداو يمارسو الحياه الجامعيه ( حتى في التخصص بعد كدة) يكونو قيدهم متعودين يبحثو ويشوفو ويدورو..

بالنسبة للإنجليزي:
مين يستوعب بعد ساعة ونص اي شي بينقال...؟ أنا اشوف انو كتير مرررررة كتير الصراحة
وبعدين...احس كتير بينظلمو في الspeaking كتير بنات بيشتكو انو الدكاترة مابتقيم البنات زي بعض ( كل دكتورة تختلف عن التانية) بالنسبة للwriting مايخلوهم يكتبو في الكلاس ويتعودو الترم كلو...يجو على الإمتحان ويتوقعو الكل مايغلط..ومدة الكلاس طويلو هادا امكن مشكلة الجميع.

وبرضو احس لازم يكون في نشاطات صفية ( لأنو هي الي ترفع مستوى الطالب) الكتاب والقلم والورقة بس حقت مزاكرة قبل الإمتحان...اللغة لازم تتمارس..من غير ممارسة ماحد حيستفيد من الكورس. أنا ماتعلمت بالورقة والقلم...دحين البيبي كيف اتعلم اول لغة نطق بيها؟ مو من كتر مانكلمو بدأ يلقط الكلام؟ احس لازم يكون في ممارسة و conversation في الكلاس.

حوقف كدة واكمل بعد ماتتفاعلو بأراكم عشان مايسير الموضوع طويل وممل..شكرا

شاركوني اراأكم وادوني رأيكم في اقتراحاتي..

[anoos04]

في البداية اختي اشكرك عالموضوع الجميل صراحه

انا راح ابدأ على طووول في الأنجلش

بالنسبة للــspeaking
انا من الناس اللي انظلمو
انا السبيكنق عندي قوي جدا مو مدح والله لاكن بشهادة ناس كثيرين ومن ضمنهم dr.bob..>>الكوردينيتور

وفي النهاية اخذ 9 من 10
وإذا سألت الدكتور ليه يقول اانا ماعندي احد ياخذ 10
ويقول انا عن نفسي ما اخذ 10 ماياخذ 10إلا اللي اصله امريكي او بريطاني
كثير يسأل يقول ليه في ليفل 4 كانو يقولون لي انها تنضرب في 2
يعني درجتين تروح ليه هذي بالنسبة للسبيكنق
الرايتينق كنت اعاني من ضيق الوقت
وبس ...
اتمنى اني ما كثرت هرج
لكني اضطريت افضفض
وشكرا مره ثانية

[a040404]

في اختبار الرايتنق الوقت شبه معدوم ويحطونه في اخر كلاس !!!!!


وقتها الطالب اصلاَ فــــاصـــــل يالله يوصل البيت كيف لو يختبر اكيد ما راح يحل كويس


و مشكوره Dr.Passed

في انتظار استكمال الوضوع الشيق

[hstq]

المشاركة الأصلية كتبت بواسطة dr.passed السلام عليكم ورحمه الله وبركاته كيف حالكم....؟ وامتحاناتكم...؟ زي ما انتو شايفين احنا جينا على نهاية السنة ومابقيلنا غير الفاينل وبعدين وداعا للهم دا وكي واحد حيروح التخصص الي يبغا بإذن لله.. أنا عندي اقتراحات وملاحظات عن السنة دي من حياتي ( التحضيري) طبعا هادي اول سنة لينا في الجامعه..نظام جديد واشكال جديدة وقوانين واشياء اول سنة تمر علينا وانا متأكدة انو احنا كلي يوم بنتعلم في الجامعة دي حاجة جديدة بنقابل ناس كتير وبناخد خبرات وبنتكلم كتير..يعني اكيد حياتنا الجامعية غير وبدأت الحياة دي في اول سنة لينا التحضيري دي..ولسا طبعا قدامنا تخصص وهم لسا جي..طبعا التحضيري دي سنة وحدة في الحياه ناخودها في الجامعة دي ( يعني محانرجع نعيدها بنظام يكون اتغير...هي سنة وعدت) بس انا عندي اقتراحات وابغى صوتي ينسمع وياريت انتو كمان تقولو اراءكم في الي يخص السنة دي.. اول شي خلونا نتكلم عن بعض المواد.. الأحياء: كلها تست بانك وحفظ...صدقوني 4/3 الناس مهي فاهمه ولاشي بس بتحفظ..طيب ايش الفايدة؟ قاعدين نصم المادة 500 سؤال واغلبكم مو فاهم ايش الأسئلة والأجوبة بتقول؟..طبعا لو خلو الأسئلة من الكتاب انا برضو مني شايفتو حل ( لو شالو التست بانك) كتير حيسحب..كتير محايفتح الكتاب ويقول انا مااعرف ليه رسبت...وا...وا..وا والحال مو عاجبني في المحاضرات ولا اظن عاجبكم...الكل قاعد على الجوالات والأيبودات..رسايل بالهبل وضحك ولاكإنو في دكتورة واقفة تشرح..نص الكلاس راصو على الطاولة ونايم...النص التاني سرحان ولا على الجوال...ايش دا يالطيف؟ دا كلو بيسير لأنو الكل معتمد على التست بانك.. الحل في نظري...انو يخلو لو 20 درجة نشاطات صفية وبحوثات. منها الحركات دي ينحطلها حد ومنها يتعلمو ويبداو يمارسو الحياه الجامعيه ( حتى في التخصص بعد كدة) يكونو قيدهم متعودين يبحثو ويشوفو ويدورو.. بالنسبة للإنجليزي: مين يستوعب بعد ساعة ونص اي شي بينقال...؟ أنا اشوف انو كتير مرررررة كتير الصراحة وبعدين...احس كتير بينظلمو في الspeaking كتير بنات بيشتكو انو الدكاترة مابتقيم البنات زي بعض ( كل دكتورة تختلف عن التانية) بالنسبة للwriting مايخلوهم يكتبو في الكلاس ويتعودو الترم كلو...يجو على الإمتحان ويتوقعو الكل مايغلط..ومدة الكلاس طويلو هادا امكن مشكلة الجميع. وبرضو احس لازم يكون في نشاطات صفية ( لأنو هي الي ترفع مستوى الطالب) الكتاب والقلم والورقة بس حقت مزاكرة قبل الإمتحان...اللغة لازم تتمارس..من غير ممارسة ماحد حيستفيد من الكورس. أنا ماتعلمت بالورقة والقلم...دحين البيبي كيف اتعلم اول لغة نطق بيها؟ مو من كتر مانكلمو بدأ يلقط الكلام؟ احس لازم يكون في ممارسة و conversation في الكلاس. حوقف كدة واكمل بعد ماتتفاعلو بأراكم عشان مايسير الموضوع طويل وممل..شكرا شاركوني اراأكم وادوني رأيكم في اقتراحاتي..

وعليكم السلام ورحمة الله وبركاته

كلام سليم 100%
____________

بالنسبه للانجلش والله انا ناسي متى اخر مره حضرت الى الساعه 4 دايم اطلع 2 الا الاربعاء 12

الصراحه ملل وقت طويل وبدون فائده
_______________________________

وبالنسبه للاحياء اتمنى اعرف ترجمة كلمه وحده مو فاهم ولا شيء كله حفظ x حفظ

والمحاضرة ع الجوال ولا ادري فين واصل او ايش عنوان المحاضرات اللي ناخذها

بس للمعلوميه لو شالوا التست بانك كان سويت عيد ف الاختبارات وحتصير اصعب ماده

لانه تعتمد ع اللغه وانا لغتي

شكرا موضوع رائع وفقك الله ^_^

[Dr.Passed]

المشاركة الأصلية كتبت بواسطة hstq وبالنسبه للاحياء اتمنى اعرف ترجمة كلمه وحده مو فاهم ولا شيء كله حفظ x حفظ والمحاضرة ع الجوال ولا ادري فين واصل او ايش عنوان المحاضرات اللي ناخذها بس للمعلوميه لو شالوا التست بانك كان سويت عيد ف الاختبارات وحتصير اصعب ماده لانه تعتمد ع اللغه وانا لغتي شكرا موضوع رائع وفقك الله ^_^

شكرا اخي..
شوفتو مثال عايش للكلام الي باقولو.....هادي علوم اساسية لازم نكون عارفينها وبالإنجليزي كمان لأنو حياتنا ودراساتنا اليوم سار كلو انجليزي في كلي محل...فين العلوم الأساسية والناس كلها بس بتحفظ وبعد الإمتحان خلاص بح كلو راح

[Dr.Passed]

معاكم حق..
نظام الإنجليزي حتى تحطيم..
لازم يعلموكم تكتبو في الكلاس مو اول غلطاتكم في الإمتحانات...هادا شي يجي بالتدريب..الكورس بس عبارة عن ( استاذ/ه تتكلم واحنا نقعد مساكين تلاتة ساعات الين مانتكسرمن الكرسي) محد بيستفيد. لازم يقللو مدة الكلاس ويسوو نشاطات تخلي الناس تحرك شوية وتتفاعل..عشان تقدر تستفيد..هادي مو مادة هادي لغة ياناس =(

أنا كمان اشوف انو مادة مهارات الإتصال تكون ( تقويم مستمر)
ايش استفدنا واحنا نحفظ؟ الكتاب كلو عبارة عن التصرفات الي في حياتنا...اشياء لازم نتعلم نطبقها مو نثبت شطارتنا في الحفظ. الكل بيفكر كيف يجيب علامة وبس..المفروض طبعا دا يكون الهدف الأساسي اكيد بس للأسف كتير مابيستفيدو من ولاشي يعني شي يحزن صراحة..انا اشوف التقويم المستمر حيعوي الطالب اكتر في الي بيدرسو...لازم تكون في بحوثات تابعة تتفرع لعلم الإجتماع والنفس عشان الناس تستفيد لأنو كلو ليلو علاقة في بعضو...احسن مما الكل يكون تفكيرو ودراستو محدودة وبالنص يحفظ وبعدين ينسى المادة وايش اخد الترم كلو بس يحفظ عشان يعرف يحل في الإمتحان.. صح ولا لأ؟

[end of my life]

السلام عليكم

فيك عرق مصري؟

المهم انا اشوف السنة التحضيرية زينه ولكن ببعض التغييرات

[Dr.Passed]

المشاركة الأصلية كتبت بواسطة end of my life السلام عليكم فيك عرق مصري؟ المهم انا اشوف السنة التحضيرية زينه ولكن ببعض التغييرات

تغيرات زي ايه؟ و لا طبعا

[~RAN~]

المشكله انه
لو تكلمنا من اليوم لبكره
محد راح يسمع لنا

[اسويس]

انا بعد احس الانجليزي هو كان مسبب ازمه اللهم ياكافي

يعني لو يخلون يوم مخصص للانجليزي مثلا ساعه بعدين بريك

وساعه ثانيه
واليوم اللي بعده مافي انجليزي
وتكون فيه ثلاث محاضرات