اعطوني تجاربكم يااخوان ويااخوات في الاعفاء

[beautifulgirl]

أنا قدمت على الإعفاء عن طريق النت وبعد كده أرسلولي رسالة على الجوال وقالوا لي ادخلي على موقع عمادة خدمة المجتمع واطبعي نموذج المراجعة ومعاها المستندات اللي طالبينها
أخذت أوراقي وطابقتها وبعدين فتحوا لي الجدول والحمد لله
بس من الصدف اللي صارت معاي إنه بعد ماقدمت أوراقي بأسبوع تقريبا جانتي رسالة على جوالي بإنه لم يتم قبولك بالإعفاء وبادري بالسداد
ونفس الشي صار مع صاحبتي أنا وهي قدمنا مع بعض وجاتنا الرسالة مع بعض
وبعدين انفتح جدولي
فاستغربت وقتها وقلت يمكن أحد مسدد عني بس الحمد لله رحت بنفسي واتأكدت
وعقبال الجميع ياااااااااارب

[little Angel]

اللى قدم أعفاء يشيك طول الوقت ع الأودس انا نزل جدولي بدون مايرسلوا لي..
ولاتقولوا الأعفاء يجي بدون واسطة ..ولاتعمموا تجربتكم على الكل..وربي أعرف ناس شخصيآ جاهم الأعفاء من أول ترم ومن شروط الجامعة أنة تدرس ترم وبعدين يحق لك تقدم أعفاء..وأثنين من صاحباتي جاهم الأعفاء من أول ترم وكلهم كلموني شخصيآ وأنهم قدموا عن طريق ناس معينين (و ا س ط ة)وأياااام معدودة وجاهم الأعفاء مع أنه في ناس يتمنون الدراسة ويحلموا بها لكن يقدموا ومايجيهم بالله أيش تسموا هالكلام؟؟؟؟؟ كمان قولوا مافي واسطة وعيشوا بعالم الأحلام..

[نوف السعودية]

انا قدمت وطابقوا اوراقي وكل شي سليم وعطيتهم رقمي
لكن ماجاني شي على الاوديس ولا على الجوال
يكون انتهى الوقت واسدد
افيدووني

[همسة وله]

انا بعد قدمت ورحت اطابق اوراقي وللحين ما نزل جدولي كلمتهم امس وقالت الاسبوع الجاي بتنزل النتايج لا تسددي انتظري ان شاء الله ينزلونه

[%الطحاني%]

متى قدمتي اوراقك

[منااااااااااوي]

الله يعين وانا للان زيك يقولوا ايوم الاحد والمعاملة للان ماتسجلت .. الله يكتب اللي فيه الخير

[كل شي وله بدايه @...]

ترى مو الكل جاءه الاعفاء بواسطة انا جاءني الاعفاء بدون واسطة وصراحة انا قصة اعفائي من الرسوم غريبة عجيبة ابوي قدم لي اعفاء من عند الرجال من اول مادخلت الجامعة وبعدين ماجاء الرد فانا قفلت الموضوع ونسيته وبعد سنتين جاتني رسالة ع الجوال انهم يبغوا اوراقي للمطابقة انا استغربت لاني ماقدمت طوال سنتين و اللي اعرفه انا التقديم كل ترم واذا ماجاء اعفاء لازم الواحد يقدم الترم اللي بعده المهم طابقت اوارقي عندهم وبعد ايام لقيت جدولي نازل الحمدلله واتمنى لكل اللي محتاج اعفاء يجيه باذن الله

[%الطحاني%]

انا اعطيتهم اوراقي يوم الاربعاء الماضي والى حد الان مافي رد مادري اسدد ولا لا لكن واحد من الشباب قالي ماتسدد حتى تجيك رسالة على جوالك موافقه ولا رفض

[أبو أحمد المداري]

انا عذرت منهم جبت الأوراق اللي طلبوها في طباعة نموذج المراجعة واضفت عليها اوراق زيادة تثبت حالتي باني محتاج جداً للاعفاء وطابقوها من ثلاثة أسابيع يعني أول واحد قدم عليهم ولا نزل لي الجدول حتى هذه اللحظة وفي ناس نزلهم الجدول خلال يومين يعني ما يقبلون إلا أهل الواسطة وحنا المحتاجين الضحايا حسبي الله عليك يالعبود

[منااااااااااوي]

كل اللي اعرفهم وجاهم الاعفاء من غير واسطة لهم الله احلى كلمة صارت تنقال في المنتدى هي الواسطة والواحد مافكر انو له رب كريم وهو خير الرازقين... والواحد يقول يارب اكتبلي اللي فيه الخير