اختبار الكيمياء .. ضيااااااااااااااااع..!!

[asma'a]

ليش يا بنات الاختبار الصراحه كان مو سهل الا كان تافه انا 11ونص قيدني برا القاعه الوقت كان مرة زايد مو مشكله الله يعوض عليكم ان شاء الله

الاختبار كاان مرررررررررررررررررة تافه تافه بكل معنى الكلمة انا جلست اقول في نفسي دحين ارجع البيت ادخل المنتدى واشوف الكل يقووول الاختبار سهل اتاري العكس ساير خخخخخخخخخخخخخخ يلا تعضوها ان شاء الله انسووو وفكرو بالجاي

بصراحه الإختبار كان سهل .. ما توقعته كذا وأتأخروا عشرة دقائق قبل توزيع الأوراق علشان حضرة أباليسهم مافي مراقبة علينا ..!!! بس الحمدلله حليت سريع وفي مسأله رقم 22 مخي تنك فيها ولا هو راضي يشتغل .. بس خرفت جوابها من عندي حطيت d والباقي خلي على ربنا .!! ، عاد الله يعين عالإحصاء .....! بس لحظه ترى أسئلة الكيمياء كان أسلوبها مررررة زي نماذج الأسئلة إلي في المكتبة الإلكترونية .. مررررة تفيد تراها ..

الاسئلة كانت تقريبا شاملة لكل شيء وفيه اشياء جابو منها اكثر من حاجه .. يعني زي درجات المئوية والفهرنهايت كذا افقرة .. Sig كم فقرة الجدولين اللي في شابتر 1 مدري 3 المهم اللي فيها نانو متر والرموز ووحدات القياس منها كمان كم حاجه .. ومسائل للمولالية والمولارية يعني تقريبا من كل شي .. هي الاسئلة كانت حلوة بس الوقت مايكفي بالمرررررة .. صرت احطها من راسي .. وطلعت للكيمياء قوانين جديدة بس مختصرة عشان الوقت هع .. يعني الابدااااااع طلع اليووم .. بس والله كله من الوقت ..

ماشاء الله تبارك الله :)..

بصرااااحة انا نفس حالة البنات.. وانا النموذج a..

والأسئلة مو صعبة.. ولا سهلة.. يعني حلوة..

طيوووووووف والله انكـ مثلي بس الفرق اني بدأت الصباااااح.. وحليت الاسئلة كلها الحمدلله.. لأني خرفت بعض القوانين من عقلي:)..



لكن المشكلة في الوقت مو في الاسئلة^^..

ديم شكلك كتبتي اللي في قلبي:)..

الحمدلله الذي لا يحمد على مكروه سووواه الاختبار كان حلو بس سبحااااااااان الله انا نموذج a اتخيلوا نسيت القوانين مع اني حليت كل تمارين نهايه الباب اقصد اني ذاكرت عدل ولله الحمد بس لاني ما راجعت ما اعر ف كم حليت صح او كم غلط بس انا من يوووم ما دخلت وأنا موكله أمري لربي والي يجئ من الله راضيه فيه انا من جهتي نسيت ذا الاختبار وراح اشد حيلي في الاحصاء والاحياء دعوووووووواتكم يا نــــــــــــاس

آآآه عن جد والله .. 40 سؤال .. والوقت قليل .. ولو لو فكرنا نقول للأستاذه على اساس الاختبار الجاي مثلاً .. مابيزدوا الوقت إلا بينقصوا الاسئله وهذا مو لمصلحتنا .. حرام عليهم .. توقعت انا زي الثانوي قلك تختبري وادا بتجلسي في القاعه حتى لو بعد الوقت المحدد عادي .. انصدمت لمن قالوا 12 الا ربع كل وحده تحط قلمها على جنب وأنا كنت يمكن بالسؤال الـ 26 يعني ورايا مشوااار .. الله يهديهم بس ..

والله الاختبار كان رووووووووووووووووووووووووووووووووووووووووووووووووع ه مره كان حلو مع ان الوقت ضيق لأن الوقت خلص وانا باقي لي 5 اسئلة ما حليتها بس مستوى الاسئلة كان سهل بس ممتنع صراحة في حاجات نسيتها بس برضو ما اقدر اقول ان الاختبار كان صعب الله يخليها دكتورة عفاف آخر محاضرة ما عطتنا محاضرة خلتها مراجعة ونص الاسئلة اللي جات اليوم قالت لنا عليها والله اني كل ما احل سؤال ادعيلها بالعافية والبركة علما بأني ما فتحت الكيماء الا امس العصر وما خلصت الا الساعة 8 الصباح رحت وانا ما اشوف شي من النوووم

منجد انا اول مادخلت الامتحان القوانين تبخرت,,

وفيه اشياء اخترتلها قوانين من راسي..

حسسوني اني في اختبار القدرات..

الله يعيننا.. ويوفقنا.. ويهديهم..



الجنرال ان شاء الله مايصير الا كل خير:)..


نونا بالتوفيق يابعدي^^..

يااااااااااااارب يوفقنا ويعيينا وبالنسبة للسؤال اللي سألتيه يانونا انا حطيت.. على مااعتقد 2.3.. وان شاء الله صح^^...

وتررررى لا حد يفكر بالانسحاب..

حقولكم شيء يهدي النفسيات..

ترى لو جبتوا في كل مادة 85.. المعدل راح يكون 3.5..

وانتوا ان شاء الله ماراح تنقصوا 15 درجة^^..

بالتوفيق..

دمتم بخير^^...

[*ديـــم*]

المشاركة الأصلية كتبت بواسطة ghamdi-07 بصرااااااحة الجامعة ذي ضيعوا مستقبلي وضيعوا احلااااامي مالي الا اسحب وادخل السنة الجاية العسكرية وربي انها اصرف

لا ياخوي اصبر وربك يفرجها ..
خلي السنة ذي تجربة ان مشيت فيها كان بها ولو لاقدر الله وجبت العيد ماراح شي سنة وعدت .. ذاك الوقت ادخل العسكرية والا مكان ماودك ..
بس ياليت يحطون عسكرية للبنات لان شكل اللي بيحولون كثير خخخخخخخخ
الله ييسر لنا ولك ويعدي ذي السنة ع خير ...

[بهاء]

المشاركة الأصلية كتبت بواسطة ghamdi-07 بصرااااااحة الجامعة ذي ضيعوا مستقبلي وضيعوا احلااااامي مالي الا اسحب وادخل السنة الجاية العسكرية وربي انها اصرف

أنا ما اعرف ليش احنا مستخفين بقدراتنا
انا متأكده ان النخبه دخلوا الجامعه تعرفون التراكمي والقدرات والتحصيلي
وبعدين كل شيئ كاتبه ربنا
دامك عديت كل ذاك الهم ونجحت ......>>>>ارجوا ما تكون زي على الحافه
اكيد تقدر تعدي الجامعه والسنه ذه بالذات وتحقق مناك
احد مشكلاتنا ان الحاله النفسيه في الحضيض ذا لاحظته فاخواني الشباب اكتر
لكن ما يمنع انكم تتفائلوا وتدرسوا بنفس وأمل واهم شيئ توكلوا على الله وخلوا ايمانكم قوي
وقولوا لكل شيئ يحصل لكم
قدر الله وماشاء فعل الرضا ده هو الي راح يكسبكم دامك مع ربك مااااا تخاااف ابدا
انا اليووووم مع ان البنات يقووولوا الاختبار سهل وانا اقول كذا بس ربي ما راد اني اجااااوب عدل
عمــــــــــــــــلت تفحيط على الورقه >>>> خخخخ نفسها تفحط البنت >>> في الاحلام
بس ما بيدنا شيئ مع اني مذااااااااكره تمااااااام ومن قبل بس سبحان الله كلا ميسر لما خلق له

يلا يا اخواني واخواتي شدوا حيلكم والي راح خلاص وعلى قولتهم ياليت ما تعمر بيت
انسوا وكل يووووم افتحوا صفحه جديده بيوم جديد وراح تعيشوا زي
طووووولت عليكم سووووووووووووووووري بس حبيت اشاركم

[عبدالله الشهري]

تم التعديل بواسطة المشرف يلدرم

[Golden]

المشاركة الأصلية كتبت بواسطة عبدالله الشهري ....

ما هاكذا تورد الابل ياهذا

الموضوع ما يتاهل - خليك رياضي

والى هتمسكك ادارة المنتدى الباب

[بهاء]

احس في ناس جالسه تضارب
لا حول ولا قوة الابالله

[ROoOFaNA]

الله يهديكم ويصلحكم
انتم اخوان وما يصير كده

[N!cE G!rL]

انا الحمد لله خلصت وبقي معايا وقت اراجع
والاختبار ماكان صعب مررة زي ما اتوقعتو
بس مالا حظتو انو الاجابات ما تطلع زي الي ف الاختياري << عشان كده خلصتي بدري d:d:d:

[ghamdi-07]

حرام يا جامعة عزوز فاللي تسوينه فينا ==== حسيت باحباط وعقلي صار بيطير
صرت اقول مـن طـلب العـلا نـام الليـالـي ==== وسـحب البطـانية وقـال أنـا مالي
خــذ الـصـفـر في الكيمياء وE ولا تـبـالــي ==== فـأن الصفـر مـن شيمة الرجالي
دخـلـت الامتـحان اليوم مـن غير تحضير ==== فـوجـدت السـؤال الأول عسير
والثـاني والثالث لـم أجـد لـه تـفـسيـر ==== والـرابع والخامس كاد عـقـلي يطيـر
فدعوت الله أن يقرب ورقة زميلي مني ==== ويـبـعـد عيـون المراقبين والحاسدين عـني
اللهم عـليك بهم وعليك بدفتـر الـدرجـات ==== وحـول الـصـفـر والواحد إلـى مـئـات
اللهم عـليـك بـدكاتره الكيمياء و الإنـجـلـيـزي ==== Because they are's crazy

[so0ona]

السلام عليكم ورحمة الله وبركاته
ماشاء الله الأراء حول مادة الكيمياء منقسمة الى قسمين ناس يقولو سهل ووقت ضيق وناس يقولو صعب وماحليت الا كم سؤال

بس بالنسبة لي انا غير
انا الكيمياء كانت من احلى المواد اللي احبها واسهلها بس الكلام ده قبل الإختبار

يعني انا جيت من الساعة 8 الصبح مع اصحابي قال لك نراجع مع بعض واللي موفاهم شيء الثاني بيساعده
وبعدين الين ماجات الساعة 10 واحنا ما دخلنا القاعة لأنو لجنة الاختبار ماوصلت لسه وعلى بال ما حطو ورقة
تبين كل شعبة وين وعلى بال ماسلمو الاوراق ووقعنا جات الساعة 10 وربع وبعدها بدء الإختبار وانا على عادتي احب اخذ راحتي و ما اطلع في الساعة اقعد احل إن شاء الله اقعد في السؤال ربع ساعة
وطبعا الإختبار كان حلو ومتوسط وانا اتكلم عن 15 سؤال الأولى لانو هي الاسئلة اللي قريتها لأنو لمن وصلت للسؤال 16 واحد من المراقبين جا هرج وقال فاضل نص ساعة على نهاية الاختبار
الكلمة دي كانت الكلمة القاتلة لي انا كل قانون كنت حافضه بعد الكلمة دي نسيته وصرت في حالة توهان
وكل ما اجي قالك ابغى استرخي يجي نفس المراقب يقول فاضل من الزمن كده كده ارجع انسى القانون من ثاني
واختصار الموضوع ده انو انا حليت اول 15 سؤال فقط والباقي حتى السؤال ماقرئته مسكت ورقت الإجابة وقعدت اشوف اي تناسق يعني الاولى أ الثانية ب شيء زيي كده

وبعدين في رد جذبني شوية اللي هو رد الأخت اسماء على ماعتقد
الرد يقول انو لاتخافو انو حتى لو جبتو في كل مادة 85 معدلك حيصير 3,5
فاكنت ابغا اسئل 3,5 تأكل اش هذي
اذا الطب قالو انهم يبغو اقل شيء 4,8 والهندسة 4,5
بس شكلها السنة الجاية كلية الإدارة والإقتصاد حتشتغل صح من كثرة الطلاب اللي حيخشوها
المهم شدو حليكم