شرح احصاء اعمال ch 13 ,14,17

[سلطانة بنت السلطان]

السلام عليكم
كيف المذاكرة معاكم بنوتات
بصراحة أنا شفت أسئلة كثيرة عن ch 13,14,17 وهالشي طبيعي لأن الباقي كله مذاكرينه ومختبرين فيه فأكيد راح يكون أسهل في المذاكرة ألحين
فحبيت أنزل هالموضوع وأحط فيه اللي عندي وكل وحدة تقول ايش اللي قالته لهم استاذتهم وبكذا تعم الفائدة للجميع
بسم الله نبدأ
Ch13
الكلام اللي في البداية كله نظري ما أعتقد فيه شي
في سؤال قالت الينا انو احتمال كبير يجي في الاختبار :
Correlation coefficient :
a- nominal
b- ordinal
c- interval
d- ratio
طبعا الاجابة هي interval لأن قيمة معامل الارتباط عبارة عن فترة محصورة بين 1 و-1
صفحة 458 الصورة اللي فوق توضح لك ان معامل الارتباط يحدد القوة والاتجاه
صفحة 459 الصورة مهمة لازم تفهميها نفس الشي توضح القوة والاتجاه لكن بشكل مفصل أكثر
صفحة 459 مميزات معامل الارتباط مهمة ممكن تجي عليها اسئلة نظرية ..
1- يقول لك انو رمزها r وهالشي كلنا نعرفه
2- يقول لك انها تحدد القوة والاتجاه للعلاقة الخطية بين متغيرين .. وقال interval >> نوع المعامل .. و ratio لأنه يطلع نسب بين الصفر والواحد "مع اختلاف الاشارة"
3- مداها من 1 إلى -1
4- القيمة اذا قتربت من الصفر معناها انو العلاقة ضعيفة .. يعني : there is a little association, there is a weak relationship
5- اذا اقتربت القيمة من 1 معناها ان العلاقة طردية : direct , positive
6- اذا اقتربت القيمة من -1 معناها ان العلاقة عكسية: inverse , negative
في الحالتين 6 و 7 تكون العلاقة قوية .. واذا كانت واحد نقول انها مثالية : perfect , complete , strong
انا قاعدة اقول كل المصطلحات لأنو الاختبار اختياري وما ندري ايش اللي راح يجيبوه لنا
صفحة 461 عطانا القانون كل اللي علينا انا نطبق فيه .. راح يجيبوا لنا القيم جاهزة واحنا مجرد نعوض
صفحة 462 معامل التحديد .. الفرق بينه وبين معامل الارتباط ان معامل الارتباط r يحدد انو في علاقة بين x, y لكن معامل التحديد r square تفسر هالعلاقة .. وعندنا تعريفه .. واللي بعد التعريف في الصفحة محذوف
صفحة 467 معادلة الانحدار .. تعرفي تعريفها
صفحة 468 التعريف حق مبدأ أقل مجموع مربعات ..
علقت الينا الاستاذة على الرسم اللي فوق (13-6) تقول لو كانت النقاط كلها جاية على خط واحد راح نقول best fit line ولو كانت قريبة من بعض بس مو جاية على خط واحد نقول fit line واذا كانت متباعدة زي الرسم اللي جنبه نقول not fit
معادلة خط الانحدار .. لازم تعرفي تفسريها .. y^ =a + bx
Y^: dependent variable المتغير التابع .. غير مستقل
a : y-intercept الجزء المقطوع من y
b : slope ميل الخط
x : independent variable المتغير المستقل
طيب .. هنا في اشياء مهمة لازم نعرفها ..
الاشارة اللي بالنص " اشارة b" تعتمد على " اشارة r " وبالتالي هي اللي تحدد نوع العلاقة هل هي طردية او عكسية فممكن تجيب لك معادلة وتقول لك حددي لي من المعادلة ايش العلاقة .. راح تحددي لها حسب الاشارة
شي ثاني .. ان كل تغير في x بوحدة واحدة يؤدي إلى تغير في y بمقدار b باشارته .. وش معنى هالكلام ؟؟
يعني لو زادت x بمقدار 1 راح تتغير قيمة y بقيمة محددة .. اللي هي b بالزيادة لو كانت اشارتها موجبة وبالنقص لو كانت سالبة .. اذا ما وضحت الفكرة قولوا لي وراح اعطيكم مثال بالأرقام
المثال اللي تحت مهم .. حلته معانا .. ما راح يجينا شي زيه بس ممكن تجينا أشياء بسيطة من داخل التفاصيل اللي فيه
مثلا .. شوفوا المعادلة اللي في المثال صفحة 470 : y^ = 18.9476+1.1842X ممكن تجيب المعادلة وتقول لك وين المتغير المستقل .. وين المتغير التابع .. كم قيمة الجزء المقطوع .. كم قيمة الميل ؟؟ عشان كدا لازم تكوني عارفة كل شي في المعادلة ووش يوضح لك ..
او ممكن تعطيك قيمة X عشان تطلعي قيمة Y .. فانتي تعوضي في المعادلة
في شي مهم .. لو كانت X=0 راح تكون Y=a
صفحة 477 الثلاث نقاط اللي تحت آخر الصفحة مهمة تجي نظري
صفحة 478 بس يقول لك انو في قوانين ثانية ممكن تطلعين منها معامل الارتباط ومعامل التحديد
كدا يكون خلص 13
اللي عندها أي إضافة يا ليت تفيدنا
واذا في تست بانك حق هالجزئية أتمنى تنزلوه ونحله مع بعض
ان شاء الله أحاول انزل شرح حق 14 و17 على الليل .. يعني بإذن الله أكيد راح تلقونها عالفجر


بالتوفيق للجميع