بخصوص البنات واختبار الكيمياء أتمنى التركيز على ملخص م/حسن وحيد ((نصيحة مجرب))

[مهموم والله]

السلام عليكم ورحمة الله وبركاته

هلا فيكم حبايبي

في البداية الحمدلله على كل حال وتجاوزنا اول اختبار بخيره وشره صحيح كان فيه بعض الصعوبات لكن بشكل عام يعتبر الاختبار متوسط المستوى وعكس ماتوقعنا انه راح يكون صعب جدا جدا وانا هذه وجهة نظري

انا راح اتكلم بكل امانه وهذا الكلام موجه للبنات لانه اختبارهم الكيمياء يوم السبت راح اقولكم نصيحة مجرب والله على مااقول شهيد ركزوا ثم ركزوا ثم ركزوا على ملخص م/حسن وحيد وهو متوفر في مكتبة الشقري وعدة مكتبات وسعره في حدود 25 ريال سعودي طبعا الملخص لمنهج الكيمياء كله وعدد صفحات الـ 4 شباتر يلي معنا في الاختبار حوالي 65 صفحة طبعا راح تقولو كثير لكن اغلب الصفحات هي لاختبارات سابقة ومحلولة ومشروحة وصراحة اسئلة ممتازة جدا خصوصا المسائل يعني تتكرر معك اكثر من مرة حتى ترسخ في مخك وكل مسالة نفس القانون بس المعطيات واشياء بسيطة تختلف يعني باذن الله لو حليتها وتدربت عليها راح تكون متمكن حتى لو جاء السؤال وكان فيه لف ودوران

اختبار الكيمياء اليوم بدون مبالغة يااخوان اغلب الاسئلة موجودة في ملخص م/ حسن وحيد وعلى فكرة انا هذا الشيء لاحظته وكنت اعرف شخص ماشاء الله عليه حلل الملخص تحليل وذاكره صح يقول لي والله الاختبار سهل ولولا توفيق الله ثم الملخص كنت جبت العيد

هذا الكلام كتبته ويعلم الله انه نيتي افيدكم قدر المستطاع وعلى فكرة انا والله ذاكرت الملخص اي كلام يعني بدون تركيز وتقريبا 11 سؤال حليته في الاختبار بسبب مذاكرتي الملخص والله يااخوان ذاكرته بدون كلام وحوالي 15 صفحة ماذاكرتها في الملخص جاءت منها حوالي اكثر من 5 اسئلة وانقهرت والله وتمنيت اني ذاكرت بس الملخص وركزت عليه ولا قعدت اشتت نفسي بين يلي كتبته مع الدكتور وملخص د/ روميو

عندكم الان يومين فرصة استغلوها وانا اضمن لكم لو ذاكرتوا الملخص بشكل ممتاز راح تجيبوا درجة عالية باذن الله وطبعا حاولو قد ماتقدرو اذا غلقتوا الملخص بدري تقعدوا تراجعوا الكلام يلي كتبتوه مع الدكاترة حقكم وتشوفوا اذا حسيتوا نفسكم فاهمين الكلام يعني اعرفوا انكم باذن الله مذاكرين بشكل مممتاز

في الختام اشكر كل من حاول مساعدة الاعضاء ولو بشيء بسيط واقول لهم الله يعطيكم الف عافية وربي مايحرمكم الاجر

أخوكم / مهموم والله