شُعــــرائنا..}}~قَصَائدهم ..قِصَصهُم ..أمْسِياتهم ..كلُ مَا يَخصَّهم تَجِده هُنَـا..

[al-nido0o0]

أغنيه قددددددددددددددددددددددددددددددديمه شعبييييييييييييييييييييييه من التراث الكويتي غناها مطرب اسمه عبدالله فضاله ونوال غنتها في جلسه
أهلي جتهم عقده من كثر مارددها وكنت ناسيتها واليوم شفت مسلسل خليجي قديييييييم وغنوها فالمسلسل والله شي تحرك من جوا وقلت لازم تعيشون معي ذكرياتي
الظاهر الشاعر اسمه أحمد الصاوي

طال هجر الحبايب واعذاب العليل
ايس القلب منهم وابخلوا في دواه
كل يوم(ن) يجيني اترجى الخليل
واقول يعطف على الي ميت في هواه
ساهر (ن)واتقلب والمدامع تسيل
زاغ قلبي وانا متعذب(ن) في رجاه
في جفا من جفاني شلت هم ثقيل
والقضي مادرى بي ليت قلبي نساه
كل ماقلت اقبل لي وعيني تخييل
صد وخلى ضميري يلتوي في حشاه
ياريف روحي انا الي صرت مثل الدخيل
ارحم الي يحبك كل عمره قضاه
اهيف الطول خلي شبه ظبي السليل
كل ماشفت زوله فيّ تزايد غلاه
جيت كل البنات ونورهم هو والحصيل
هو يامر وينهي وكلهم في هواه

[al-nido0o0]

للشاعر ياسر التويجري >>محبه بس جازت لي القصيده




افتح القرآن يالله او حديث السنه واعطني اقوى دليل يفند العلماني
كانه مكفر فعطني مقضب المنسنه والله الوالي لجبع عاتق النصراني
وان غدا عاصي فرحبي للذي وش كنه عين نبع من صفاها تروي العطشاني
شيخي اللي منته منه ولا أية منه ضلع قلبي بيض وجهي جدي الروحاني
عزكم يا العوده اللي تكسرون الشنه وعزنا بالدين حنا شيخنا سلماني
الخوارج حوطونا مثل سور العنه عذرهم رايين لازم واحد مع ثاني
وآخر الاراء شفته واحتقرته لنه الدليل اللي يؤكد نزغة الشيطاني
ودهم ان العذارا يركبن الدنه ويتمشن بالشوارع كان بالامكاني
علموا راع المعارض كان يبغى الجنه لا يبيع الا الرجال وعلم الحمراني
والله ان البنت والله لو تسوق بفنه ان تصير بمملكتنا ثورة الشباني
وان تشن الحرب شنه ما وراها شنه وان يصير الزيت واللي يطلبن مجاني
لا تقيس الدار هاذي مع ربوع فينه ولا تقارن هالشباب بواحد لبناني
أبك ذولا مجرمين وعالم منجنه عشقهم لحم الجمال وطبخة الضباني
الهلالي مثل شكلي لو يجن ينخنه في عطال القير والا قفلة البيباني
في طريق مظلم ما للموبايل رنه مقطعه ما فيه حوله مرمرة سكاني
وش يسوي يا جماعه ؟ .. الله اعلم انه يفتح المصحف ويقرا سورة الرحماني
علم الزلفه يوقف لا نخيب ظنه فالقصيد اللي بحده خنجر عدناني
ايه شاعر والدلاله كسرة في سنه لأنعمى ينطح بوجهه نطحة العمياني
الله اكبر يا قرى مكه ويا اهل السنه عرضكم اصبح نقاش لواحد علماني

[al-nido0o0]

للشاعر الأماراتي سالم سيف الخالدي
قبل لانسى طال هجر الحبايب اللي كاتبها الظاهر ينقال له سلمان العماري واحمد الصالحي مو الصاوي >آسفه




انت بحياتي كل شي وانا بحياتك من أكون
يا أغلى من روحي عليّ أهواك لي حد الجنون
ودي تحسسني بغلاي ودي توضح لي مناي
حتى لو تضحك معاي مقبول ردك يا فتون
يا أغلى من روحي عليّ أنا بحياتك من أكون
يا أعلى من روحي عليّ أنساك لا جنون
انت الوحيد اللي يرى اقرب لي قلبي من غلاه
وانت اللي عمري بلا روضه ولا غصون أشعر بقربك بالهنا
انسى همومي و العنا منهو أنا من غير شوفتك يا حنون
قلبي و تفكيري معاك ودي سعادتك و رضاك
ما همني هذا و ذاك انت الوحيد اللي تمون
أن كان ردك لي نعم لمح بعينك و ابتسم
و فر حديثك والقسم الحب مفتاح العيون

[al-nido0o0]

سالم سيف الخالدي



نسيتونا حبايبنا تركتونا وشغلتوا البال

قطعتوا وصلكم عنّا........ولا كلمة ولا مرسال

ولا هاتف يطمّنا ولا نظره تريح البال

حسافه ليت ماكنا........حبايب رمزنا لوصال

حياتي لا تذكّرنا بليالي قد مضت بزوال

قضيناها تسامرنا بمسره وانشراحة بال

وسلّينا خواطرنا بشعرٍ ننشده بموال

وسرنا والأمل معنا حياتنا في نعم واظلال

حبيبي عيش وتهنّا وريّح عودك الميّال

عزيز وحالك ايهمنا ولا تسمع لقيل وقال

كلام الواش فرقنا وخلانا على ذا الحال

اصيح بويل واتمنا ولا لي من يثيب الحال

حبايب يالغضي كنّا وش اللّي غيّر الأحوال

[al-nido0o0]

للشاعر الكويتي خالد البذال >>غناها الصوت الجريح

انادي والصدى ردد نداي
انادي بصوتي المبحوح
حبيبي كل شي بعدك وراي
ابيك خاطري مجروح
قريب انت وبعيد وفي بالي وحيد
وحبك دنيتي واخر مداي
نعم نعم مشتاق لك
وقلبي يبيك ومحتاج لك
كثر ما غبت انا مشتاق
حبيبي الفرقا ما تطاق
بسولف لك تعال
عن اشواقي تعالى
قريب انت وبعيد
وفي بالي وحيد
وحبك دنيتي واخر مداي
* * *
وينك يا غربة أيامي وسنيني
وينك بعدك سكن كل الحزن روحي
عطني من وقتك صبر
بشتكيلك واشتكيك
انت يا كل العمر
هذا عمري بين ايديك
قريب انت وبعيد وفي بالي وحيد
وحبك دنيتي واخر مداي

[al-nido0o0]

خالد الفيصل >>غناها محمد عبدو


ستّل جناحه ثم حام

يرقى على متن الهوى

يزفّه بعيـــد وانا

محدود في حد النظر…

له بـالهوا شف ومرام

يلعب مع الغيمة سوا

ولا جناح لي وطيــر

والأرض صارت لي مقر

طيري ، ضرب جو الهيام

ولو دعيـته ما التوى

عزي لمن طيـره غدا

ولا له من امره مفر…

فكري تغشاه العسـام

أمسيت وفكري ما ضوى

الأرض قفر من الونس

والليل من فرحي قفر…

شبّـيت ضوي بالظلام

في صحصحٍ ذيـبه عوى

ما لي أنيس إلا النجوم

أو نور وضاح القـمر…

خالي وكني في زحـام

قلبي تلهب وانشـوى

ما عاد أميز بالحشـا

وإلا على الضـو الجمر…

وين انت يا داعي سلام

وين انت يا بايع دوا

ردوا لي النومـه ترى

بالعين جلاد السـهر…

دورت بالشدة حزام

ولا لقيت اللي قوى

يا لله دخـيلك ما لقيت

اللي ينشد به الظهر…



>>أختي الغالية رغوده أوتعلمين أنتي وموضوعك لقد أستنزفتي مشاعري وذكرياتي وأيامي القديمة التي تحمل بين طياتها الكثير من الفرح الألم الشوق الجرح الفراق..............
الله يخليك عزيزتي أني أحبكي فالله *_*

[al-nido0o0]

غناها حسين الجسمي
أهديها لأخواني الغاليين

يانبضة القلب فزة خاطري
ياجرة الااااه باقصى ضامري
تمضي الليالي والزمن فينا يدور
ويبقى الشعور نفس الشعور
ياخوي ياعزوتي ياضحكتي وبكاي
يامن على فزعتي يمينه في ميناي
ياماا اخو دنيا عند النواب يبري جراح
واذا زاد حملك تلقى فيه الخير
الدنيا تبقى بخير ليمال زمانك وانكرك الغير
دام الوفا بين البشر موصول
ياخوي يعزوتي ياضحكتي وبكاي
من لي سواك الي على كتاف ارتشي
لي خانني الوقت وخان فيني القهر

انت العضيد الي اشد فيه الظهر
ياخوي ياخوي ياخوي

[al-nido0o0]

غناها محمد المازم قبل لايلتزم >>الله يثبته



تعبت من الوله والشوق تعبت وطول الهجران
تعبت من الفراق الي ابد ماشفت له اخر

تعبت من السفر والخوف وغربه ليلي والاحزن
يوحشة قلبي من ددونك ياوحشة روحي والخاطر

تمنيتك على بعدك تمنيتك اهل واوطان تمنيتك هنا عمري فرح دنيا وامل باكر



خذاك البعد ياغايب خذاك الوقت والنسيان
ابي ترجع لجل دمعي وقف بالعين جمر عاثر

امانة يابعيد ارجع ذبحني الخوف والخذلان
ذبحني الشوق ومابين للاشواق ابد اخر

[al-nido0o0]

للشعراء فتحيه عجلان وعلي الشرقاوي >>متقاطين فقصيده
وينك .. ما وحشتك عيني وحنيت
ما وحشتك روحي وغنيت
ما رجع صوتي الى الذكرى ورديت
وينك .. ولا نسيت
آنا بحبك افيض بشوق
تخشع في هواك ايامي
يا لون المطر .. يا لون المطر
يا اجمل احلامي
انت روحي وآنا من ظليت بالدنيا
لقيت الدنيا كلها بين ايديك
بكل مكان تشوف عيني يا بعد روحي
الهوى واشواقي يسألني عليك
يسالني عليك.. بسني منك ألم
بسني منك مرار
بسني يا شوق يا دمعات عيني
حالي حال شبه الانتحار
خلاص ارحمني وعود
يا هوى كل الوجود
يا ربيع القلب آنا الشوق يحرقني
تعال ارجع يكفيني وعود
وينك حبيبي .. وينك حياتي
افيض بشوق تخشع في هواك ايامي
يا لون المطر يا اجمل احلامي

[al-nido0o0]

أنشوده قدددددددديمه أنشدها عقيل الجناحي


إلهي لا تعذبني فإني مقر بالذي قد كان مني
وما لي حيلةٌ إلا رجائي لعفوك إن عفوت وحسن ظني
وكم من زلة لي في الخطايا وأنتَ عليّ ذو فضلٍ ومنِ
اذا فكرتُ في ندمي عليها عضضتُ أناملي وقرعتُ سني
أجنّ بزهرة الدنيا جنونا * وأقضي العمرَ فيها بالتمني
ولو أني صدقت الزهدَ عنها قلبتُ لأهلها ظهرَ المِجنّ
وبينَ يديّ مٌحتسب طويلٌ * كأني قد دُعيتُ له ، كأني
يظنُ الناسُ بي خيراً وإني لشرُ الخلق ، إن لم تعفُ عني