تجمّع طآلبآت وطلآب إدآرة الأعمال دفعة 2010 حيآكم ..

[girl.k.s.a]

الله يعاااااافيك ,

ياسلااااااااااام الحممممدلله ، ايوا كدا الاخبار الجميلة =)
يلا عقبال الفل مارك في الفاينل كمان وباقي المواد
والتست الله يسعدو أخونا دحموني أظن اللي نزلو ، مرا ما قصّر الله يوفقو ويوفقكم كللللللكم

نحن في خدمة الشعب

-------------

للي يبا أسئلة الدوري 2 استثمار شابتر 5+6+7 اختبار اليوم في المرفقات
طبعا دي أسئلة التست اللي جات ، بعضها بالنص جا وبعض التمارين نفس الفكرة بس الرقم مختلف

[adnans]

السلام عليكم

لو سمحتوا أخواتنا الطيبات هنا موضوع لكم بنت مبتلشين بماده عند دكتوره ما يعرفوا عنها شي اذا تقدروا تساعدوهم بأي معلومه الله يديكم العافيه دا الرابط

http://www.skaau.com/vb/showthread.php?t=677589

[Kapitano]

المشاركة الأصلية كتبت بواسطة girl.k.s.a الله يعاااااافيك , ياسلااااااااااام الحممممدلله ، ايوا كدا الاخبار الجميلة =) يلا عقبال الفل مارك في الفاينل كمان وباقي المواد والتست الله يسعدو أخونا دحموني أظن اللي نزلو ، مرا ما قصّر الله يوفقو ويوفقكم كللللللكم نحن في خدمة الشعب ------------- للي يبا أسئلة الدوري 2 استثمار شابتر 5+6+7 اختبار اليوم في المرفقات طبعا دي أسئلة التست اللي جات ، بعضها بالنص جا وبعض التمارين نفس الفكرة بس الرقم مختلف

الله يجزاكم الف خير ما قصرتوا كلكم سواء انتي او غيرك

المهم الاستثمار امس اختبرته اسئلتكم مختلفه عننا
وللأسف معقد الاسئلة جداا واعطانا اسئلة صعبة اغلب اللي اختبروا خرجوا زعلانين
بسبب صعوبة الاسئلة لكن الله يسهل علينا وعليكم يارب

[girl.k.s.a]

المشاركة الأصلية كتبت بواسطة kapitano الله يجزاكم الف خير ما قصرتوا كلكم سواء انتي او غيرك المهم الاستثمار امس اختبرته اسئلتكم مختلفه عننا وللأسف معقد الاسئلة جداا واعطانا اسئلة صعبة اغلب اللي اختبروا خرجوا زعلانين بسبب صعوبة الاسئلة لكن الله يسهل علينا وعليكم يارب

وي وي ليش كدا

ربي يكون في عونكم ويااااااااااااااارب الفاينل يكون أسهل اختبار مر عليكم عشان تعوضوا درجات
آمييييييين يارب

[girl.k.s.a]

أهلا وعليكم السلام ورحمة الله وبركاته
قرأت موضوعهم الله يعينهم بس على هالنوعية من الأستاذات :(
رآح أحاول أساعدهم قد ما أقدر

ربي يجزآك الجنة أخ عدنان على حبك لمساعدة أخوانك وأخواتك هنا ,,

[عندليب الريال]

أسعد الله أوقاتكم بكل خير
عندي استفسار عن بعض المواد ، أتمنى ممن يعرف عنها شيئا أن يدلي بدلوه من حيث صعوبة المادة والدكاترة

Foundations of Investment -
Strategic Management -
Int. Business Management -
Quality Management -
Business Ethics -

والله يعطيكم العافية جميعا .. وبالتوفيق للجميع

[girl.k.s.a]

المشاركة الأصلية كتبت بواسطة عندليب الريال أسعد الله أوقاتكم بكل خير عندي استفسار عن بعض المواد ، أتمنى ممن يعرف عنها شيئا أن يدلي بدلوه من حيث صعوبة المادة والدكاترة foundations of investment - strategic management - int. Business management - quality management - business ethics - والله يعطيكم العافية جميعا .. وبالتوفيق للجميع

أهلا ، الله يسعدك ,,
أول مادة الاستثمار حتشوفها في البداية مادة مرا عبيطة بس لو ذاكرت راح تحب المادة
وتشوفها كويسه بالذات في الدوري التاني بالنسبة للدكاترة / حسام ملكاوي

استراتيجية المادة في البداية كانت صعععععععععبة بس دحين لما جا وقت الدوري
وبدأنا نذاكر حسيتها مقبولة وراح تفيدنا مستقبلا بإذن الله
طبعا د/ هاني العمري بلا منازع

أعمال دولية مع د/ فهد العيتاني
نحنا فيالبداية ما عجبنا الوضع عشان عربي وانقلش وأزمة بس بعد سؤال الاختبار الجميل
خلاص ، بس للأمانة الدكتور أخلاقو عالية والأمور معاه سليمة الحمدلله
والمادة كلامها مقبول ومفيد لنا شخصياً من ناحية الثقافة

إدارة الجودة مع د/ محمد نصيف مممممممممممممممممممممتااااااااااااااااااااازة طبعا
والمادة سهله جدا جدا جدا الحمدلله بس تحتاج منك تركيز في الكلاس على الكلام اللي يقولو الدكتور

آخر شي أخلاقيات الأعمال المادة حلوة ومعلوماتها حلوة لو إننا درسناها عربي
أما إنقلش أحس مرا مالها داعي لأنو الكتب أجنبية
الدكتور ما اعرف للأسف

آميييييييييين والجميع يارب

[adnans]

المشاركة الأصلية كتبت بواسطة عندليب الريال أسعد الله أوقاتكم بكل خير عندي استفسار عن بعض المواد ، أتمنى ممن يعرف عنها شيئا أن يدلي بدلوه من حيث صعوبة المادة والدكاترة foundations of investment - strategic management - int. Business management - quality management - business ethics - والله يعطيكم العافية جميعا .. وبالتوفيق للجميع

هلا بعندليب الريال داخل موقع كوره خلوا الهياط شوي تراني مدريدي لا تزعل علينا بس

بالنسبه للمواد اللي ذكرتها الأولى خذها عند ملكاوي ولو أو الهندي مدري وش اسمه أسأل عن الهندي حق الاستثمار ويدلوك يجيب الاسئله فالمسائل من نفس السلايدات وبالارقام بعد

والاداره الاستراتيجيه خذها عند الدكتور هاني العمري يشرح ويفهم ويساعد وكله سمن على عسل

وادارة الاعمال الدوليه أنا حاليا عند الدكتور فهد العيتاني رجال كفو فوق ما تتخيل ويعجبك خذها عنده واجتهد وتزبط أمورك فيها باذن الله

ادارة الجوده خذها عند الدكتور محمد نصيف أنا حاليا عنده دكتور تواضع وطيبه وكرم كل مواصفات الفارس العربي فيه

أخلاقيات المنظمات أخذتها عند الله يذكره بالخير دكتورنا ووالدنا ناصر بن كدسه وأخذت عنده آي بلس بدون أي مجهود يذكر بس خليك قدام زي الدوافير وصفك من الشباب اللي يهرجوا عند الدكاتره ذا الدكتور أقل غلطه يحنق عليها لكن فالمقابل أعطيه أحترامك وأجتهادك وراح يكرمك فوق ما تتخيل

كلامي كله اذا كنت لسى ما سجلت المواد اما لو كنت مسجلها فحتكون معايا فالمواد كلمني عالطبيعه وحفيدك أكثر عالمواد أن كنت قاعد تدرسها باذن الله .. موفق .. فمان الله

[adnans]

الله يديكي العافيه على مساعدتك للطلاب والطالبات جميع وأسأل ربي يجازيكي كل خير عنهم فالدنيا والآخره وشكرا عالدعوات الطيبه ولكي ولكل المسلمين بالمثل أن شاء الله

[adnans]

مساء الخير للطلاب والطالبات

عندي بس استفسار بسيط بخصوص الاداره الاستراتيجيه اختبارها الاحد الجاي الساعه 2 الظهر حسب ما وصلني للطلاب مدري عن الطالبات بس هل الاختبار من الكتاب أو السلايدات تكفي ؟ أتمنى الافاده من أي أحد عنده خلفيه مشكورين