الى كل الصبايا......ادخلووووو

[Pretty In Pink]

المشاركة الأصلية كتبت بواسطة بنت جامعتي pretty in pink أهلا وسهلا.... ياقلبي بالنسبه للوصفات اللي اكتبها منقوله من تجارب البنات وبعضها من تجاربي انا شخصيا وبعضها كمان من اخصائيات بشره يمدحونها ونا هنا نقلتها لكم وللأمانه كل شي مجرب فيها ومضمون....والله على ما اقول شهيد..... طلبتي وصفه لتكثير الشعر.....؟؟ مافي افضل من الثوم.....اكيد ذحين حتقولي ايه؟؟..ثوم...اف اف قرف وع ريحته مرره خايسه...... بس حقوللك ان الثوم افضل علاج لتكثير الشعر......ونتايجه سريييييعه ومضمونه بس اذا تبغي الزين اصبري ع الشين..... الطريقه/ خوذي فص ثوم قشريه ودقيه مره وحد بس ولاااااااااااتقطعيه لانو السر هنا....بعدين افركي فيه شعرك وركزي ع الفروه لانها هي الاساس خليه من ساعه الى ساعتين...ولفيه بغطا بلاستيك.....بعد كذا اغسليه....واذا تبغي تزيلي الريحه من شعرك بخريه بالسكر....شرحت الطريقه بالردود السابقه..... طبعا وصفة الثوم تستخدم مره وحده بالشهر...يمكن تلاقي شعرك يتساقط لاتخافي لانو الثوم بيشيل الشعر التالف.....هذي وصفة الثوم لكن من محاذيرها انو ممكن تناسبك وممكن لا.....انتي كيف تعرفي؟؟؟؟؟ طيب..اذا شوفتي شعرك يتساقط باستمرار ولسى ماوقف التساقط.....على طول وقفي...وبكذا تعرفي انها مو مناسبه لك....واذا العكس شوفتي شعرك يتساقط بس عادي بعد كذا وقف استمري عليها...... هذي الوصفه معروفه ومشهوره استخدمتها صديقتي والله العظيم انا عن نفسي اتفاجأت بالكثره والغزاره ماشاء الله تبارك الله....وعنجد انبهرت....والفتره كانت قصيره يعني مفعولها سرييييييع..... ولعلمك ترى الكثره نسبيه يعني فيه بنات شعورهم تكثر بطبيعتها والثوم يزيده وبنات العكس تكثر مع الثوم... كتبت وصفات كثيره بالردود السابقه عن تكثير الشعر بإمكانك تشوفيها اذا ماناسبك الثوم انصحك بوصفة العسل شوفيها بالردود ومناسبه لكل انواع الشعر ومضمووووووووووونه...... بالنسبه للتسمين...هذي وصفه حطي عليها الف نجمه..... تمر سكري بحجم قبضة اليد_شوية مويه_اقل من ربع اصبع زبده.....ذوبيها على النار بس انتبهي لاتحرق عليك...طلعيها وسوي عليها كوب حليب نيدو مع ملعقه حلبه مطحونه تذوبيها مع الحليب......وبألف الف عافيه......ولاتنسي تاكليهاعلى الريق اول ماتصحي من النوم استمري عليها شهور وصدقيني حتنبهري بالنتيجه......ونا متحممممممممممممسه جدا جدا اعرف شو اللي بيصير معاك......

بنت جامعتيewwwww

توم تووومياقلبي ليش تبغي تعزبينيانا لمن اصبخ مع ماما واقطع توم وتبقا الريحه في يدي اكره يدي واكره عيشتي
بس يووووو احسو حيقرعني واصير زي كدا >

بس يعني الريحه حتكون مركززه بشكل لانك قلتي افركو وبعدين اغطيه كمان ياااعيني

واكيد الوصفه في كل شهر مره اصلا لين شهر الريحه مارح تخرج من الراس لانها

اوكي حبيبتي انا رح اجربو والله يعينني على الريحه وعاد اهلي حيدوخوولايقربو مني من جمال الريحه
بس حجرب اليوم كمانصراحه لانو بدي شعري كدا<لوووول

بالنسبه لوصقة التسمين حبيتها ورح اجربها اكيد بس التمر السكري الي بقبضة اليد دا من فين يجيبو اول مره اعرف في تمر بدا الكبرهيهيهيهيه ابغا اشوف شكلو من جد خلاص اول مابابتي يشتريلي هوا رح اعمل الوصفه

تسلمي ياقلبو عن جدعزبتك معي مغسي بوكو مون شيغي

وان شاء الله اول مااجرب ح اخبرك شو صار معي

[loletaaaaa]

يسلمووو عالموضوع مره جيد

انا مشكلتي يستي مع وشي لمن نفسيتي تتعب ولا تيجي الجامعه وشمس او تقرب الدوره الشهريه الاقي حبوب صغيره مزعجه واحيان تعورني
كنت دايما اروح عند جمالك الي فالخياط سنتر كل سته شهور اسوي موعد وتسويلي تنضيف بشره
وتطلعها من الجزور وطبعا ترجع تعبي السته الشهور الي بعدها هيا تقولي لازم بين كل موعد وموعد سته

الين ما مره كنت ففيسز وقالي الولد حق كلينك ماركه طبيه نوعا ما لاتسوي اصحك لانو يهيج وهيا تخرقها وتطلعها من جوا وبعد كم سنه وشك حيسير كلو حفر فجعني :s

سرت مااسوي وشي عندها ولا اسويلو شي ولو مره هاجت وتعبتني احط مضر
ايش رايك ياخصائه البشره ;)

ويعطيكي العافيه مره تانيه والله يجلعو في ميزان حسناتك يارب بحق الشهر الفضيل ده

[الشوق الجارح]

بنت جامعتي ..

بسألك اخر سوال ؟؟ ادري طفشتك بس اش اسوي مالي غني عنك .. ع قولهم ..

خلطة النمش كم اخليها على وجهي ... ؟؟؟ وكي يوم استخدمها ولا يوم بعد يوم ؟؟؟

[فرفوووشه]

بنت جامعتي موضوعك مره حلو ومفيد
حابه اسألك ياقلبو ليا فتره تطلع حبه كدا فجأه بوجهي والمشكله ياليت تطلع وتروح في امان الله يجلس اثارها تعبت ومالقيت لها لا سبب ولا حل بلييز اذا تعرفي ايش يشيل اثار الحبوب بالوجه

[رفيعة الشان]

موضوع حلو وان شالله الكل يستفيد

[Fatema Alshareef]

اهلا لوليتا......
انتي دام انك شوفتي ان الحبوب كل ما لها ترجع من جديد خلاص المفروض توقفي
التنظيف اللي تعمليه وتعرفي انو مو مناسب لبشرتك..واكيد بشرتك حساسه...نصيحتي لك تروحي عند
اخصائيه خبيره بالبشره وهي تشخصلك وتعالج بشرتك باللي يناسبها والبشره الحساسه لها عنايه
خاصه عشان كذا انصحك ما تلعبي فيها ابدا وروحي عند ناس خبره خليكي من المشغل هذا.....
وبالنسبه للحبوب الي تطلعلك مع الدوره..هذي الحبوب طبيعيه جدا بسبب نشاط الهرمونات
قبل الدوره فلا تخافي ولا تلعبي فيها لانها تروح لحالها...

[Fatema Alshareef]

اهلين الشوق الجارح لاعااااااادي ياقلبي خذي راحتك بالاسئله ما طفشتيني بالعكس.....

بالنسبه لوصفة النمش خليها ربع ساعه...يوميا...

[الشوق الجارح]

يسلموووووووووووووووووووو


الف شكر

[عزة نفسي_تكفيني]

الله يعطيكـِ العافيه يالغلا

مووووضووووعكـ روووووعه ومفييد لكل بنت

بالنسبه لي مشكلتي اوقاات تكوون بشرتي هاااديه ومافي أحلى منهااا ^_^ وتجي فترهـ تطلع حبه ولا حبتين وأوقات أكثر ومن النووع اللي تعور لمن امسكهاا

بس مدري أجرب خلطة الجزر اللي حطيتيهااا ولا لا..؟؟

وبعد كمان أبي طريقة للبثور في الأنف..؟؟

وياااريت المشرفين يثبتووا الموضوع يستااهل ^_^

والله يعطيكـِ العافيه ياااعسل

مودتي ووردي

[سـ،،ـارونـ،،ـه]

موضوع مررررررررهـ روووعه وراح يفيدنا كثييييييير

فكرهـ جنااان يالغلا

وماشاءالله في كم وصفه فشختها من هنا وراح اجربها ان شاءالله ^_^

ويارب تفيدني بإذن الله

،،

وأنا مشكلتي إنوا بشرتي مرررررررهـ دهنيه وبعد مرررررهـ حساسه لدرجه إنه لو أحد ضربني على جبهتي تطلع فيها حبه ==== طبعا ضرب مزووحي هع لا يجي على بالكم إني ملطشه خخخخخخخ



وأنا ماسبت دكتور إلا رحتله والحمدلله استفدت منهم في النهايه وراحت الحبوب بعد عناء وبعد مانفضوا جيبي

بس طبعا لازم تزورني الحبوب بين فترهـ وفترهـ حسب الاجواء بس أهون من أول

والحين الحمدلله بشرتي هاجدهـ حاليا وصافيه بس في الفترهـ الاخيرهـ طلعت لي كم حبه وراحت بس للأسف تركت بصمتها في وجهي

فأتمنى إنكـ تجيبي لي وصفه تبعد الأثار وبعد تنفع للبشرهـ الدهنيه والحساسه وتهجدها ،، وياريت يكون مفعولها سريع لأن أختكـ في الله تمل بسرررعه ومافيها صبر

وكمان زي عزة نفسي أبغى حق بثور الأنف

والله يجزاكـِ خير

مودتي