نتيجة ادارة الموارد الطبيعية نموذج( د )صدمه غير طبيعيه

[syaf]

الله يجزاكم خير جميعاً ع المشاركات

جميع ماكتب وذكر صحيح والدكتور بيلقاها عند ربه
ظلم الكثير قبلنا وظلمنا ولا لقى احد يوقفه عند حده وكلن يقول مانيب فاضي وهذا الواقع
وبالأصح كلن يخاف ع مصلحته وماله خلق للمشاكل ولا عنده وقت للمطالبات

نبي فاعل خير بطل حتى وان لم نستفد نحن يفيد من بعدنا من جيل
يكون له فضل بتنحي هذا الدكتور او اعادة تأهيله وضبطه
أقسم بالله العلي العظيم لو كنت املك وقت وقريب من جده لأتفرغ كلياً له عشان ازيحه عن طريق الكل
مثل هذا الدكتور ماينسكت عنه والغريب ان الجامعه تشوف وتسكت والأغرب جهلنا للحقوق والأنظمه

عن نفسي بحجز اقرب طياره الاسبوع الجاي واراجعهم شخصياً واشوف اللي لي واللي علي
ومن ثم بتقدم بشكوى رسميه لكل مسؤل بالجامعه وببرق برقيات وبطالب بيديني ورجليني لأكبر مسؤل
وبرفع دعوى تظلم لي ولكم وللجميع وبسوي اللي اقدر عليه واكثر بأذن الله

ختاماً ماقول الا حسبي الله ونعم الوكيل
والله رسبنا بمواد واخفقنا وجبنا درجات متدنيه وكان الأمر عادي لانه من ضعف اجتهادنا
بس اللي يقهر بالموضوع الظلم الواضح .. لو كانت اسئلته صعبه وماحلينا عادي نستاهل وهو ع حق
المرض والقهر والغبنه ان الجميع متأكد من الحل ويعطينا اقل من المفروض وأكثر

اخاف من انه مخصص 10 درجات لسؤال معين يتسلعن فيه او اكثر من سؤال وهذا اللي خسف بدرجاتنا
او يستخدم هالأسلوب كحجه له بس كذا ولا كذا متساويه وماتفرق .. اهم شي نوقفه عند حده

أنصح الجميع بعدم السكوت والمطالبه حتى لو بأتصال او ايميل او معامله الكترونيه ...الخ
وياليت الأسبوع الجاي على خير اشوف اكثر عدد ممكن عند الكليه يطالبون بحقهم وانا من ضمنهم بأذن الله

لازم نشتغله شكاوي قد مانقدر .. لا تقول انا مالي شغل ومقتنع وابي الفكه ...الخ اقلها ساعد غيرك بصوتك واللي من بعدك
اول ما اخلص من مراجعة النتيجه ببدأ بالشكاوي من اكبر راس للجامعه لأصغرها وان مانفع بخاطب التعليم وديوان المظالم والملكي ..الخ
مانيب مخلي مكان الا وبرفع له شكوى ضد هالدكتور .. انا ان يصلح شأنه ويعطي الناس حقها ولا بلاش منه ومن ظلمه
وأنتم كذلك لاتبخلون بالمساعده قد ماتقدرون وقد ماتعرفون ومالكم الا الأجر بأذن الله

[البراء المهاجر]

حسبي الله ونعم الوكيل
انا متاكد فوق 80
ومعطيني68

[jeddah243]

حسبي الله ونعم الوكيل
حسبي الله ونعم الوكيل
حسبي الله ونعم الوكيل

[الخواجي]

والحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
وش رايكم نسجل جميع من اخذ 60 ونرسلها لهم وان شاء الله تتعدل

[syaf]

الحل نخصص يوم من الأسبوع الجاي ونتواجه امام الكليه ونطالب كلنا بصوت واحد

[الخواجي]

انا بالرياض لو اني بجده تلقاني فترة رصد الدرجات ناشب لهم في النشبه اعجبك

[عسل قليل الدسم1]

انا حليت نفس حل اخوي ابو رسيل

وجاني 68 وبكره باذن الله باروح له يا يعدلها ويايمدحون الــ f

حسبي الله ونعم الوكيل

[ابو مستورة]

يا اخوان نبي توقيت محدد نجتمع فيه عند مبنى كلية الاقتصاد والادارة وندخل نشوف حل مع هذا الدكتور ..من الظلم اننا نجاوب ومتأكدين من اجاباتنا وفي النهاية نتفاجأ بدرجات متدنية والبعض رسوب في المادة...لا تسكتون عن حقكم.

[saeedsaleh]

لازم نشوف لنا حل والمشكلة اني من براء جدة ولو اني بجدة طلعت عيونه
وارسلت له ايميل اليوم والي الحين باقي مارد عليه
وبعدين الي جوال الدكتور عنده يرسله لنا تكفون
ونتواصل لكل جديد هنا ونشوف ويش النهاية معه
متاكد اني بجيب 84 ويعطيني 60 قهر
والمشكلة متخرج ان شاء الله




وراك وراك والزمن طويل ياشعبان

[saeedsaleh]

الحين مرسلي على الايميل راجع وحدة التصحيح بالكلية