هذا ماحدث : من القاعة إلى سيارة الأسعاف

mes2009 · 11-06-2009, 11:42 AM

بسم الله الرحمن الرحيم

الله يهديك اخي الكريم ======

اللي مايذاكر ماراح يفلح ومني انا في هذا الاختبار اقسم بالله انه سهل لدرجة السهولة (كيف تجي ماتدري)بس ملخبط صح...
وانا مستغرب من حاجة وحدة ناس ماتذاكر الا ليلة الاختبار وتجيك تكتب في المنتدى ليش وليش... ياخي انت دافع فلوسك
ليه علشان دراسة وعلم ولا بس شهادة..

محمد النمري · 11-06-2009, 12:17 PM

سلامات ماتشوف شر انا ماراح اقول الاسئله سهله لا والله صعبه

لكن بعض الطلاب يجي القاعه ويبداء يحل قبل توزيع الاسئله في اي زمن نحن

ياخي رفع ضغطي فيه نااااااااااااااااس احق بالكرسي ذا منه

لا وبعد كل شي يجي يرد على المواضيع انها صعبه وسحبوا الورقه مني

اقوووووووووول لكل الطلاب ذي جامعه مو لعبه وشتبون اسئله محلوله

منتسب عجول · 11-06-2009, 12:38 PM

الصراحة ياشباب نفسيتي تعبانه مرة ماتسوى علينا كنت خايف اني احمل الانجليزي الحين كملت معي يعني من الجهتين حمل مواد ورسوم الله اقوى على الضالم وبعدين حتى قوانين محطوا والله لو انيحافظ قوانين من الصدمة بيتبخرون وياليتاساله مباشرة لا طيب حتى لو كذا كان حطوا قوانين حالنا حال الخطة أ كان قدرنا نحل بس مدرس مصري مثل ماتقولون مايهمة طز في الطلاب اهم شي عندة راتب اخر الشهر الله لايوفقهم شكلنا بناخذ صيفي وعيدية ثلاث الاف ريال يبي لهم شكوى

رسمي · 11-06-2009, 12:38 PM

كلامك صحيح والمنهج سهل وكل شي لكن ظروف الناس تختلف اللي عنده التزامات اجتماعية وعائلية وعملية غير اللي متفرغ .. وما اظن احد عدى الثانوي وهو ناقص ذكاء او تفكير بالعكس كلنا مميزين وكثير موظفين بنوك ومحاسبين ومدراء وفنيين ..يعني ناس ناجحين ..
اخوي mes الهدف من التعليم يكون دراسه وعلم على قولتك ... تدري متى ؟
اذا تعلمت شي جديد .. حبيبي الرياضيات درسناه بالمتوسط .. نفس المواضيع معادلات متراجحات .. لوغارتمات .. الخ
ودرسناه مره ثانيه بالثانوي واضافو له إحصاء وأذكر مدرس الرياضيات قال هذا الباب محذوف آخر باب أول ثانوي .. وتكرر المنهج علي بالكلية التقنية (معاي دبلوم تقنية) والحين تكرر بالجامعة .. ومثله الإنجليزي .. اللي ابقوله ان المناهج نفسها يعني مافيه تطور والتعليم صار وش تقديرك وكم معدلك وتخصصك وبس .. ماعدى .. ماعدى العلوم الدينية هذي الواحد يستفيد منها ومأجور على دراستها .. أكيد فيه كثير من أقاربكم طلع ابتعاث وأكيد طلب معادلة مواد يأخذون من البكالريوس مجموعة بسيطة من المواد لأنها بالفعل مواد اختصاص والباقي يقولون خله لك .. انصحك انك تلقي نظره على مناهج الجامعة راح تحصل نسخ ولصق لكل أقسام كلية الإقتصاد والإدارة مثلاً .. اللهم كل مستوى يضاف مادة تخصصيه .. أغلب جامعاتنا حشو في حشو .. مافيه جديد .. هذا رأيي الشخصي .. تحياتي للجميع ..