مسيرة السنة التحضيرية .|. تجربتي من دفعة 13 لدفعة 14

[Asawir]

دكتوره يسعدك ربي
بسألك عن هرجه مهههممممه
ومحتاره فيها
دحين انا انقبلت مسار علمي فرع السليمانيه واختي انقبلت مسار علمي ف رابغ
كل ماقلنا لاحد قال رابغ احسن ويعطوكي اسئلة الاختبار ومضمون تجيبي درجات؟ وقالولي اروح رابغ احسن؟
مدري انتي ايش رايك اروح رابغ ولا استهدي بالله واقعد ف السليمانيه؟ وهل هوا جد اسهل؟ ولا ماتفرق؟

[Fanno Amoudi]

المشاركة الأصلية كتبت بواسطة asawir دكتوره يسعدك ربي بسألك عن هرجه مهههممممه ومحتاره فيها دحين انا انقبلت مسار علمي فرع السليمانيه واختي انقبلت مسار علمي ف رابغ كل ماقلنا لاحد قال رابغ احسن ويعطوكي اسئلة الاختبار ومضمون تجيبي درجات؟ وقالولي اروح رابغ احسن؟ مدري انتي ايش رايك اروح رابغ ولا استهدي بالله واقعد ف السليمانيه؟ وهل هوا جد اسهل؟ ولا ماتفرق؟

والله ما أعرف أي شي عن فرع رابغ
بس سمعت عن الشرفية انهم يدوهم اسئلة في الأحياء

بس أنا اشوف انه السليمانية أحسن شي من ناحية الدكتورات وموضوع السيكشين ( السيكشين عبارة عن محاضرة اضافية لكل الدفعة لحل تمارين اضافيه في بعض المواد ) وترا يجي منها اسئلة في الاختبار حاولوا قد ما تقدروا ما تفوتوها

وكمان في السليمانية في منسقات المواد وهم اللي يحددوا المنهج ووضع الاسئلة فلو تحضروا معاهم مرره كويس

[رونــا]

يعطيكي الف عافية على الموضوع والله يحميكي يارب ويحفظك ولا يضرك يارب ويجعلك تتقدمين للامام انتي وكل بنات المسلمين والشباب ,
الموضوع مفيد جداا وصح كلامك ,
دفعة 14 شدو حيلكم الله يعينكم ويوفقك ويحقق لكم الي تبيوه بالتوفيق للجميع

[Yasmina95]

افنان دحين لمن يقبلوا طب.. يحسبوا النسبة الخاصه اول ولا المعدل؟؟؟ مين الاولى يعني؟

وينفع اسال كم نسبتك الخاصه؟

[Fanno Amoudi]

المشاركة الأصلية كتبت بواسطة yasmina95 افنان دحين لمن يقبلوا طب.. يحسبوا النسبة الخاصه اول ولا المعدل؟؟؟ مين الاولى يعني؟ وينفع اسال كم نسبتك الخاصه؟

المعدل هو اللي من 5 ودا محيفيدكم في السنة التحضيرية بس في التخصص حيمشوا عليه
بس حاولوا تجيبوها 5 لأنها حتقعد معاكم تراكمي الين التخرج

وبالنسبة للطب في نسبة خاصة ونسبة عامة
أول شي لازم تحققي النسبة الخاصة اللي هي مجموع درجات الكيميا والفيزيا والأحياء والنجليزي 2.3.4 مقسومة على عدد ساعاتهم
طبعا كل المواد 3 ساعات باستثناء الانجليزي 2
ونسبتك الخاصة لازم تكون فوق 85 عشان تدخلي المفاضلة

ولما تدخلي المفاضلة حيبدؤوا يصفوا بالنسبة العامة وهي نسبة كل المواد

وانا الحمدلله الخاصة والعامة فوق ال 98

[Dr.noon]

ربي يسعدك ويوفقك وين ماكنتي
فعلا نورتيني على اشياء كثيييييير
وجدا حبيت طريقتك في مذاكرة الاحياء ..بإذن الله اسويها
بس ياليت تذكرين لنا اسماء دكتورات المواد كلها الله يسعدك
والله يعننا على الهجولة ويوفقنا يااارب

[Fanno Amoudi]

المشاركة الأصلية كتبت بواسطة dr.noon ربي يسعدك ويوفقك وين ماكنتي فعلا نورتيني على اشياء كثيييييير وجدا حبيت طريقتك في مذاكرة الاحياء ..بإذن الله اسويها بس ياليت تذكرين لنا اسماء دكتورات المواد كلها الله يسعدك والله يعننا على الهجولة ويوفقنا يااارب

الرياضيات : هتون شعيب
الفيزيا : ما أقدر أقول تخوفا انكم تاخذوا انطباع سيء عنها ، هي كويسة بس أسلوبها في الشرح ما نفع معايا
الحاسب : سناء العويضي
اتصال : شيماء بس مني فاكرة اللقب
احصاء : دعاء بوقري
أحياء : سالينا صديق
كيميا : إكرام دانش

[طُموحة]

السلام عليكم
كيف حالكم آخوتي ،

انا سنه تحضريه آنتظام مسآر علمي ، أستطيع فيما بعد اتخصص آنجليزي و لا لا ؟

[Fanno Amoudi]

المشاركة الأصلية كتبت بواسطة طُموحة السلام عليكم كيف حالكم آخوتي ، انا سنه تحضريه آنتظام مسآر علمي ، أستطيع فيما بعد اتخصص آنجليزي و لا لا ؟

والله مدري
بس افتكر اني قريت رد من أحد مبرمجي عمادة القبول والتسجيل انه كطالبة مسار علمي محتبان في خيارات التسكين
بس انه يمديكي تقدمي عليها يدوياً عند العمادة اذا استوفت الشروط المطلوبة والله أعلم
اتأكدي من المعلومة دي

[Yasmina95]

طيب ممكن تديني الروابط كيف احسب النسبه الخاصه والنسبه العامه (الدرجه الموزونه) و المعدل الموزون