قروب بحث وتدريب مع الاستاذه الفاضله ( سحر جبروني )

[أم الحلوين]

وأنا معاكم ياحلوين



أنا قابلت الدكتوره وخلصت اوراق التخرج وكل شي


بس ماني لاقيه مكان أتدرب فيه



ياريت كل وحده تقول وين حتتدرب عشان نفيد بعض

[alwed]

من فيين انتي يآم الحلووين ؟؟

[أم الحلوين]

من جده

[[ رَ ]]

فين الاقيها الدكتوراه في أي مبنى وروم

[glanar]

المشاركة الأصلية كتبت بواسطة [ رَ ] فين الاقيها الدكتوراه في أي مبنى وروم

تروحي مبنى كلية الاقتصاد والادارة
تصلي الدور الثاني
على يدك اليمين تمشي تلاقي اسمها مكتوب على باب المكتب
الله ييسرلك



بخصوص اماكن التدريب ممكن تدريب في عمادة القبول والتسجيل تروحي لهم وتقوليلهم ابغى اتدرب
بس حاولي تختاري موضوع يناسب المكان الي هتشتغلي فيه
بس احس شغلهم مهو مناسب لكتابة التقرير هي هي المشكلة في التقرير بس شغلهم عادي وسهل شوية

[[ رَ ]]

السلام عليكم
كيفكم كلكم
حقولكم ايش صار معايا الين دحين
الحمدلله سلمت أوراق التخرج وقابلت الدكتورة سحر طبعن وقعت الأوراق حقت التدريب
وبعين أتكلمناا في البحث وقالتلي اول ما تلاقي عنوان كلمني وأعطتني رقمها عشان
أتواصل معاها بالجوال . وخرجت رحت ادارة التخطيط والتطوير عند أستاذه عفاف قطان
لمن جات تختم أوراقي هيا قالتلي ح اخليكي عندي في قسم نسيت اسمو
المهم وبعدين رحت للمشرفة على تدريبي واتكلمت معاها . قالتلي استازتك ايش تبغاكي
تتعلمي وتدريبي عليه ؟ قولتلها حسالها . لمن كلمت دكتورة سحر قالتلي اتدربي على كل شئ
طبعن أعطتني مجال كبير اني أتنقل بين الاقسام وهذا الشي جداً ريحني. طبعن لأني
حابه أتدرب على كتير أمور .

في كمان شئ مهم ي بنات عشان لاتحوسو كتير وتضيعو في العنوان حق البحث
وفي التدريب . حطي في بالك انو التدريب شئ والبحث شي . صح ممكن تتدريبي في مجال
تطويري وممكن يكون تدريبك أعمال مكتبية . نصيحه انتبهو للعنوان خلوه عنوان كبير تقدري
تكتبي فيه وتغوصي وتعيشي مو تختاري مثلا سلوك العاملين في المنظمة . لا اختاري مثلا بيئة التنظيم وسلوك العاملين . أو علاقة المنظمة بثقافة العاملين . أو ادارة الجودة ...
وعشان تستفيدي اكتر وأكثر حاولي تقري عناوين كتب الادارة الي درسنها ثقافة المنظمة أو سلوك تنظيمي أو تحليل أو تطوير . اقري عناوين كتير تساعدك في الاختيار . لمن تروحي عند الدكتورة خلي عندك عنوانين أو اكتر وخليها تتناقش معاكي ايش ممكن تكتبي في دا
وايش ممكن تكتبي في التأني وأختاري الي ممكن تاخدي مجال واسع فيه.

والله يوفقني وإياكم أجمعين .

[أم الحلوين]

آميييين الله يوفق الجميع


أنا كمان اليوم خلصت كل اوراقي وحتدرب في مدرسه من يوم السبت


وقابلت الدكتوره وعجبها موضوع البحث وحبدأ فيه مع التدريب وكمان حكتب التقرير

[alwed]

uppppppppp

اانا محتاااره بموضووع البحث ومكان التدريب *فيس يبكي *

[أم الحلوين]

^^


حتلفلي الين تتعبي وفي النهايه المتوفر مدارس وبس

[[ رَ ]]

المشاركة الأصلية كتبت بواسطة alwed uppppppppp اانا محتاااره بموضووع البحث ومكان التدريب *فيس يبكي *

انا من وجهة نظري لاتكتبي اسم الجهه وروحي ادارة التخطيط والتطوير
عند أ. عفاف قطان هيا تحطك عندها. الصراحة انا في قسم التجهزات المدرسية
والتتتتدريب جداً جميل وهما في الحقيقة لطفين في التعامل.