دفعة بنات التمريض الجديدة 2012 ^____^ مبارك عليكم ونورتونا

[ضحكة بريئه]

المشاركة الأصلية كتبت بواسطة ms.glamor هههههههههه لا بس حيعجبك آكثر من موآد سنة ثآنية موآد ثآنية صعبه مدري كيف كلهآ عآمة لكن ثآلث حتحبيها وبالذات المتيرنتي آحلى كورس آمآ البديآتريك ... نو كمنت هو كويس بس الدكآترة ملخبطيييييين لكن ككل ثآلث آحلى من ثآنية ما اقلك انها سهله لكن لكل مجتهد نصيب

مواد سنة تانيه شعب البارا..والباثو والمايكرو >< الحمدالله يارب سرنا ثالث
إن شاء الله حننبسط عشان حنتكي ع مواد التخصص مو زي تانيه المواد العامة مع حبتين مواد التخصص كانت شوية تقيله مدري تقيله وبرضو لكل مجتهد بالتشديد على مجتهد عشرين مره نصيب
وإن شاء الله يترتبو دكاترة البدياترك
: )
الله يوفقنا جميع يارب

[Dr.ReRo]

ضحة بريئه رربيييييي يسعععععدك وين مااتكووني مااتدرري قد اييش رييحتيني الحمدلله
وان شااءالله ادا ربي ماراد احول علاج طبييعي مااحكوون ندماانة اني كملت في التمرريض
بس عندي سؤاال ايش راايكم في بنت خواافة تقدرر تمشي في التمرريض ولا لأ ؟

[خجول الورد]

المشاركة الأصلية كتبت بواسطة dr.rero ضحة بريئه رربيييييي يسعععععدك وين مااتكووني مااتدرري قد اييش رييحتيني الحمدلله وان شااءالله ادا ربي ماراد احول علاج طبييعي مااحكوون ندماانة اني كملت في التمرريض بس عندي سؤاال ايش راايكم في بنت خواافة تقدرر تمشي في التمرريض ولا لأ ؟

صحيح السؤال مو موجه لي لاكن حـ تكلم

عآدي قلبك راح يقوى مع الزمن ..

أنا أكبر خوآآآآآآفه ..

وعادي بالمستشفى بكيت مرتين .. ومرتين قدرت أهرب قبل أصيح

بس ع نهاية السنه صرت أقوى وأستحمل أكثر من قبل

[ضحكة بريئه]

المشاركة الأصلية كتبت بواسطة dr.rero ضحة بريئه رربيييييي يسعععععدك وين مااتكووني مااتدرري قد اييش رييحتيني الحمدلله وان شااءالله ادا ربي ماراد احول علاج طبييعي مااحكوون ندماانة اني كملت في التمرريض بس عندي سؤاال ايش راايكم في بنت خواافة تقدرر تمشي في التمرريض ولا لأ ؟

ويسعدك ياقلبي ..الله يريح بالك ويشرح صدرك ويفرحك دائما يارب

هههههههه
شوفي هوا كلنا في البداية كنا خايفين كيف ندي الإبره كيف نعمل تغيير للجرح وكيف وكيف
بس الدكتورات حيكونو معاكم بكل خطوة بالمستشفى ماتخافو ..وحيعلموكم على كل شيء

والله يكتبلك ويقدرلك الي فيه الخير يااارب

[ساعتي خربانه]

انا انقبلت تمريض وحالتي موتمام
ادري انو حلو وانو تخصص مطلوب انا مانكر ولااقول انو موحلو بس مو ميولي ولا افكر فيه
ابغا مختبرات او علاج طبيعي

اهلي احس فيهم تريقة علي
اغلب الناس تقول الممرضة تنهان كتير ويكفي انها خدامة الدكتور
سوي
جيبي
حطي

انا مو عشان كلام الناس ما ابيه بس فعلا مو ميولي ولا افكر فيه


اقدر احول مختبرات ولالا نقبلت تم

[خجول الورد]

المشاركة الأصلية كتبت بواسطة ساعتي خربانه انا انقبلت تمريض وحالتي موتمام ادري انو حلو وانو تخصص مطلوب انا مانكر ولااقول انو موحلو بس مو ميولي ولا افكر فيه ابغا مختبرات او علاج طبيعي اهلي احس فيهم تريقة علي اغلب الناس تقول الممرضة تنهان كتير ويكفي انها خدامة الدكتور سوي جيبي حطي انا مو عشان كلام الناس ما ابيه بس فعلا مو ميولي ولا افكر فيه اقدر احول مختبرات ولالا نقبلت تم

حبيبتي لاتناقضي نفسك ..

صح مويولك في مكان لكن الي زايد عليك انك تسمعي لكلام الناس

الي ماجربوا التمريض ومايعرفون دور الممرضة ..

طيب قدمي تحويل .. واحطي فرضيت انهم مايحولونك

ايش حتسوين ؟؟!!

خلاص تنتهي حياتك ؟؟ ولا تجلسين بالبيت ؟؟!!

نصيحتي لا تعطي اذنك لناس ماتفهم ولا جربت الشيء

انا الى هذا اليوم اهلي مو راضين عن التمريض ..

ومو عاجبهم ويتريقون دايم .. ومايهزون مني شيء

لان هذي حياتي انا حـ تكون مثل ما ابي مو مثل مالناس تقول
الله يوفقكم

[ضحكة بريئه]

المشاركة الأصلية كتبت بواسطة ساعتي خربانه انا انقبلت تمريض وحالتي موتمام ادري انو حلو وانو تخصص مطلوب انا مانكر ولااقول انو موحلو بس مو ميولي ولا افكر فيه ابغا مختبرات او علاج طبيعي اهلي احس فيهم تريقة علي اغلب الناس تقول الممرضة تنهان كتير ويكفي انها خدامة الدكتور سوي جيبي حطي انا مو عشان كلام الناس ما ابيه بس فعلا مو ميولي ولا افكر فيه اقدر احول مختبرات ولالا نقبلت تم

اهلا ياعسل

كلامي دا هو إجابة وبنفس الوقت حيكون توضيح بشكل عام لكي وللجميع سواء بالتمريض ولا بأقسام تانيه للجميع ..مهو خاص :)


طيب أقولك شغله مدام حنتكلم ع حكاية "خدامين"

طيب
الممرضة خدامة والدكتور خدام وحق التغذيه خدام وحق الأشعه خدام وحق العلاج الطبيعي خدام وحق المختبرات خدام وحتى الوزير كمانه خدام والمهندس ... ...الخ
مو كلنا بنخدم عشان نأخذ فلوس وكلنا بنخدم البلد ونقدم خدمات عن طريق وظايفنا
كلنا خداميين إذا كنتو بتتكلمو على دا الجانب.. وأصلا الوظايف الصحية تسمى وظائف خدميه على فكره
وفي المستشفى كلنا خدامين من أكبر راس الى أصغر راس خداميييييين عشان المريض
وصحته مو أحنا بنقدم خدمه وعليها فلوس أجل خدااااميييين

شوفي حكاية التمريض والطب شوفي هما الاثين يكملو بعض التمريض له كيانه الخاص والطب له كيانه الخاص شوفي في أنجح العمليات لو كان الطاقم التمريضي سيء لو عمل الدكتور العملية صح المريض حيخش في مضاعفات ليه ؟؟لأن التمريض مهم

شوفي كلنا بالمستشفى وحتلاحظي إذا نزلتي أنها علاقة تكامليه للعلاج المريض...
أبدا ماهي علاقة
واللهي تامر وروحي وجيبي ..شوفي أنا ما أنكر بسبب العاملات الي يجو من دول تعليمهم للتمريض مدري كيف وتطبيقهم المدري كيف بيعطو صورة سيئه ويبينو أنوا التمريض "خدام" للطب
مع أنه لو شفتي أمريكا وأستراليا وبريطانيا وكندا وشوفتي كيف التمريض وأهميته وأدواره والأهم تطبيقه
ماكان حكم أحد على التمريض بدي الصورة المجحفة
خدمة الناس ابدا ما كانت عيب ولاكان الصحابيات مابدؤ شغل التمريض (أقرأي موضوع DR candy)
شوفي الطب بعينو في التمريض الي من جد داخل في المجالات الطبيه يبغى يخفف عن مريض ويساعد
حينبسط بالتمريض لأنوا من جد تطبيق حقيقي للمعنى الإنسانيه والمساعده
يكفي أنك بتساعدي بني آدام وتسمعي تعليقات زي كدا من مجتمعك

دائما أقول يارب علمنا وأجتهدنا وتعبنا بالتمريض أجعلة سبب لدخولنا جنة الفردوس الأعلى ياااارب بلا حساب ولا سابق عذاب

أقولك مثال عشان ابينلك أحنا من جد عندنا بمجتمعنا خلل الطبقيه واني أنا أحسن واذا انا بمجال لازم ابين انا الي احسن والباقي ماهم أحسن
ودا تفكير يرجعنا للخلف بقوه

عامل النظافة لو غاب عن منشأة كل الناس حتعرف أنو غاب بعكس المدير لو غاب مانحس
على الرغم من احتقار الناس له ولعمله إلا أنو واللهي لو عمال النظافة راحو كان أتملت البلد زبالة
عندنا مشكلة أنوا أشوف نفسي أحسن ولا أني أخدم الناس شيء سيء فكرة مغلوطة كل واحد مسؤل عن تفكيره عن كلامه لأنوا بالنهاية أحنا كلنا حنتحاسب على كل الكلمة اللي الواحد يقولها
إذا الي فيه قلبه ذرة من كبر مايدخل الجنه فكيف بإنسان ماشاء الله شغال احتقار بالناس
لازم نراجع أنفسنا ...


والناس تحب تتكلم على كل شيء وفي كل شيء دايما اقول زمان كان يحاربو اول مدرسة أتبنت للبنات وشوفي دحين المدارس والجامعات المملية البلد
شوفي أنا ماهمني أش يقولو الناس الحمدالله يارب ثبتنا هههههه
بس لمن تقابلني وأتعامل معك زي ما أنا بحترمك أحترمني واحترم تخصصي واحترم وجودي
ودا الإنسان يطبقو ويفرض احترامه بتعامله واخلاقه مع الناس


شوفي بما أنوا التمريض لساتو بدأ يقوى بدأ توضح للناس فكرتو فأنا ما أتعجب من الآراء الي ممكن الواحد يسمعها لكن إثبات نفس التمريض للنفسو حتوضح الصور نفسها عشان كدا
أشجع الي حابة التمريض تكمل والي لا ماتكمل لأنوا الي حابة حتبذل كل بإستطاعته أنها تتميز وتكون إنسانة مميزة وتكون مؤهلة للبعد كدا بعناية المريض


شوفي أنا بالذات بدا الموضوع ماكان هدفو أبدا أني أشجع أحد يقعد بالتمريض لو مايبغاه بالعكس
لو ماتبغي اصحا تقعدي تعرفي ليش
لأنوا التمريض بكيانه وتطبيقه يحتاج ناس ترفع من شأنه وقدره بتطبيقها الصحيح والمتميز
مانبغى وحدة تدخل بالغصيبه ولا تدخل يالله جاء بحظي خليني أكمل لأنوا هما دولا الي بيسيئو للسمعة التمريض ويخلوه من سيء للأسوء لأنها ماتبغاه تشوفي كيف تعاملها مع المريض ولا مع الناس ....لاتعليق

دا أحنا مانبغاه
واللي إلي ماهي حاسة أنها حتعطي ولا تعامل الناس بطريقة محترمه لا تقعد ما أنصحها ابدا

أما على الميول صراحة انا اشجع أنوا الوحدة تكمل في شيء تحبو وتقدر تنجز فيه
وتحس أنها تقدر تعطي فيه أشجعها

بس في النهاية الناس لو اتذكرت أنوا في النهاية كلنا حنروح القبر وندفن تحت التراب حتبطل النظرة الدونية سواء للجنس ولا شكل ولا ومال ولا وظيفه ولا تخصص ولا ...الخ

الله يهدي ماخلق
وشكرا على المرور والله يكتبلك والجميع كل الي فيه الخير

[Dr.candy]

وااااااه احلى مرحلة سنة ثالثة

كورس الماتيرنتي كان مرررة حلو

وكمان الكلينيكال تبع الميديكل سيرجيكل مرررة حلو وممتع
وصراحة مرررة استفدت منه في التدريب الصيفي ..

اما البيديا .. كان مافي تنظيم في الكورس

والانفورماتكس .. ماده حلوة بس تطفش صراحة ..

[rory55]

المشاركة الأصلية كتبت بواسطة Dr.candy وااااااه احلى مرحلة سنة ثالثة كورس الماتيرنتي كان مرررة حلو وكمان الكلينيكال تبع الميديكل سيرجيكل مرررة حلو وممتع وصراحة مرررة استفدت منه في التدريب الصيفي .. اما البيديا .. كان مافي تنظيم في الكورس بصراحة كمادة جداً ممتعة ومفيدة بس الاختبارات كانت مرة تلخبط بس الله يسهلكم وتجيكم دكتورة طيبة والانفورماتكس .. ماده حلوة بس تطفش صراحة ..

أما informatics مرررة مادة سهلة والاختبارات اسهل بس الواجبات الله يعينكم عليها وبالنسبة للي يعطي المادة لالالالاتعليق!!

[weddah]

مبروك عليكم التسكين بنات ^_^

الله يوفقكم ويسعدكم يارب
شدوا حيلكم وابدؤوا بحمااااس وبقوة

وما حيقصروا معاكم الدفعات السابقة اكيد