القرارين الجديده لطالبات الانتساب

[mawada ..]

انا سرلي نفس الشي .. احنا الانتساب من جد مظلومين
حسبي الله ونعم الوكيل بس

[beautifulgirl]

طيب ياريت نتكاتف ونوصل شكوى لمدير الجامعة في المنتدى حقه لازم مانسكت عن كده أتمنى أحد ينزل موضوع وإحنا نتفاعل

[Д3Šħq јησηỹ]

حسبي الله والي عندو ساعات مكتبيه كيف يسوووي
خير سلامات حتى بجيتنا يتحكموو ماحنجي الا لضرورة
عندنا ظروف عندنا اشغال ايش الي يحددو متى نجي ومتى نخررج

[solaaa]

انا الحمدلله محد يكلمني دايماً البس اطول شي عندي علشان لايتفلسفوا على راسي وادخل من شمالية1

واحضر سبت واتنين وثلاثاء مع الانتظام بس مادة وحده من8 لحد9 واستنى البوابة ل10

الحمد لله كل شي ماشي معايا اعملوا زي ماانا عامله علشات ترتاحوا من مشاكلهم

الله يصبرنا على بلاويهم :(

[beautifulgirl]

لازم مانسكت بناات إحنا كلنا طالبات جامعة المؤسس سواء انتظام أو انتساب مالازم هالتفرقة إيش هذا ياريت لو نجي يوم نتجمع ونتكلم شو رأيكم؟؟؟؟

[ريمـا]

لازم مانسكت ولا بكره يقلون مافي دخول للجامعه مره
انا ارسلت للمدير 8 رسايل ياليت انتو كمان ترسلو له
بنات لا تسكتون ارسلو لازم نسوي شي والله حرام
حسبي الله عليهم

[solaaa]

صح كلامك ضروري نتكلم ومانسكت عن حقنا

لو بتتجمعوا انا معاكم ولو تقدروا وفي طريقه نروح لمدير الجامعة ونقابلوا بنفسنا انا مستعدة

لوبس3 بنات نروح اهم شي يعرف عن معاناتنا والظلم الي بيسيرلنا

[طالبه 12]

بصراحه
هما ايش مستفيدين من دا القرار حتى احنا
والله لخبطه

كمان اللي متعوده على بوابه معينه
لمن رحت وقالولي شماليه قلتلهم بس انا اهلي مستنيني غربيه 1
لا ممنوع تقولي
وبعدين سالتها من متى ؟
ماادري انا
قالت بدايه السنه وهما الانتساب في شماليه 1

[مرمر العين]

السلاام عليكم .. مساالخير صبايا
والله فرحت لما شفت موضوعكم لانه النظام فرسني وخلاني مقهوره من الاربعاء الى الان لانه سار فيني نفس الي سارلكم

( دخلت من بوابتي المعتاده الغربيه 2 وقفتنا الهيئه " الامن " وقالوا ممنوع تدخلين من هنا ......تخيلوا خرجتنا من البوابه والسوااق رااح طبعا والله اني اخذتها مشي انا وصحبتي من البوابه الغربيه 2 الى الشماليه 2 والمساافه بعيده حسيت وقتها اني خسرت 2 كيلو ... ولما دخلنا خلاااااص مافيني امشي زيااده ووصلنا واحنا نناهد وانقطع نفسنا الله يقطع نفس العدو )



المشكله انه مع بداية الدراسه جمعونا فمكان اسمه ملتقى السنه التحضيريه وكانوا يتكلموا عن اشياء كثيره بس الي سبحاان الله دخل مزاجي وماا خرج الجمله ذي ومن العميد نفسه ( مرحبا بكم يااطالبات الانتساب انتم بناتنا وستعاملون كمعاملة الانتظام فاي شيء داخل الحرم الجامعي بما انه عندك بطاقتك الجامعيه ) والله نصيا حفظته سبحاااااااااااااان الله كاني كنت عارفه انه بيسير كذا فينا يوم من الايام
عندي سؤال مبهم الحين ؟؟

الانتظام يعاملو معاملتنا ؟؟؟؟


واذا كان الجواب لااا ... اجل العميد ايش كان يقصد بمساواة المعامله بيننا <سؤال ثاني بالمرره

[solaaa]

صح كلامك ياريما ممكن يسووها ويمنعونا لأنو قبل كم سنه كان ممنوع على بنات

الأنتساب الدخول للجامعة الا أيام الدورة التأهيلية وأيام الأختبارات !!

بليز حطيلنا ايميل المدير علشان نتواصل معاه قبل لايحرمونا من تعليمنا

حسبي الله عليهم ادا الأستاذات بيسمحولنا نحضر ليه هما بيتدخلوا من جد

من وين يجينا الحظ والرازق من السماء والحاسد من الأرض

دا كلو بسبة عضوة في المنتدى ناويه تسوي خير وتمنع الفساد في الجامعة بس ربنا

يسامحها شوفوا وين وصلتنا