انا أكــرهـ كـل قبيــلي !!!!!

[سكون الورد k.a.u]

المشاركة الأصلية كتبت بواسطة تلميذ منتسب 8 يااخت سكون هذا فهم خاطئ للدين وللنصوص الشرعيه كلام المصطفى عليه الصلاة والسلام للمسلمات اجمعين ليس للسعوديات فقط ! عليكي ان تنتبهي لهذا جيدا اذا اردتي ان تأتي بالاحاديث الشريفه طيب ياخوووي ماقلنا ان الحديث مخصص للسعوديات !!! لكن حبيت ألفت الانتباهـ لأظفر بذات الدين .. وخصصت بكلامي السعوديات ماخصصت بالحديث !! لان هي أولى من اي وحده تحمل جنسيه غير السعوديه !!! واتوقع كلن يوافقني بالرآي .. وان ماوافقني احد بالرآي مو مشكله .. لان الاختلاف طبيعه بالبشر .. وقلة المتفقين ..! وانا ماشرحت الحديث يااخ / تلميذ وخصصت به الاشاره للسعوديات !! علشان تقولي مثل هالرد .. انا استعنت بالحديث علشان أستدل على كلامي بما جاء بالشرع .. ومن اول اقول بنت الديره اولى من غيرها بك وبغيرك من شباب الوطن ... >> اتوقع شرحت هالنقطه بزيادهـ !! وبصراحة وبدون زعل ترى تعبنا من اسلوب الشعارات واللافتات هذي اللي ترفعوها علينا كل شوي ارجوا ان يكون الكلام بموضوعيه ومنطقيه لما نطلب ان يكون الحديث بموضوعيه ومنطقيه .. سداً لباب الفتن والمشاكل والعنصريه والقبليه لان الموضوع يتكلم عن قبايل وغير القبايل .. ومانبي انه يخرج عن الاطار اللي حنا نتحدث فيه وهو ان (بنت الوطن سواء كانت قبليه او لا هي اولى بالشاب السعودي من اي بنت تحمل جنسيه غير السعوديه) وانظري للواقع المعاش روحي شوفي الاحصائية الصادرة من وزارة العدل والتي تقول بأن عدد المطلقات بالعام الماضي حوالي عشرة الآف مطلقه يعني بمعدل 25 مطلقة يوميا ! وجايه تقولي لي دين !!!

بالنسبه للطلاق .. فهو يعود لاسباب بين الرجل وزوجته ..
قد يكون على شرف والعياذ بالله ، وقد يكون على راتب الزوجه ، وقد يكون على اهل الزوج او الزوجه ، وقد يكون على طمع احدهم بالآخر ، وقد يكون لإنجاب الاطفال ، وقد يكون لخيانة احد الزوجين ، وقد يكون طلق الرجل زوجته لكي يعزم احد اصحابه ورفض الرجل العزيمه وطُلقت الزوجه !!! ، وقد يكون طلب من والد او والدة الزوج ، وقد يكون .. وقد يكون ...
اسباب لاحصر لها اخي تلميذ ... وحنا ماتطرقنا لموضوع الطلاق ...
وبالنسبه للدين >> المشكله انه ماحنا ماشيين عليه بالضبط ولا مالقيت احد تفاخر بنسبه او تعالى فيه على الخلق ، ولا شفت قضايا الطلاق زادت لاي سبب كان ..

عالعموم ...

اشكرك على تعليقك ، ويعجبني دمك الحار على ديرتك وشبابها ..

ولازلت اقول وءأكد ان ردودك تعجبني .. بس لو تترك عنك العصبيه شوي وتروق قبل اي رد ^_^

شاكره لك مرورك المورد

لاعدمناك ياخووي ..

دمتم بود

[تلميذ منتسب]

8

اذاً نعود لمسألة الحرية الشخصية والاختيار والرغبة

والتي لاتعتبر من التخلف سواء كان عقلي او ديني

ولو ان التخلف واحد سواء هذا او ذاك

ولا يقبل احد ان يقال عنه انه متخلف لانه تزوج من الخارج

ومسألة الطلاق هذه ذكرتها كمثال للتأكيد على ان مايقال ويردد لا يعدو سوى شعارات ولافتات

وكما تفضلتي المشكله في تطبيق الدين والا لما كان هناك هذا العدد الهائل من الطلاق


(فاظفر بذات الدين)

هذا القول الكريم من امام المرسلين عليه افضل صلاة واتم تسليم

هو شامل لكل مسلمة في هذا العالم اجمع

وايضا للمعلوميه الدين لا يمنع حتى الزواج من كتابيات

طالما انهن

( محصنات غير مسافحات ولا متخذات اخدان )

ولكن المسلمة هي الاولى طبعا

،،،

بالنسبة لموضوع العصبيه

اختي الكريمة سكون الورد ترى مافي اي عصبيه والله وانا احترمك واقدرك ولكن قد اختلف معك في نقطه ولكن ايضا قد اتفق معك في نقاط اخرى كثر

ويمكن اسلوبي ينرفزك شوي عند الاختلاف معك وما يناسبك هذا الاسلوب عند الاختلاف

لكن واضح ان ماشاء الله لديكي قدرة غير عاديه على تمالك اعصابك وصبرك علينا ومو غريب على بنات الحمايل

طولي بالك

وكل عام وانتي بخير

[tariq_101]

المشاركة الأصلية كتبت بواسطة تلميذ منتسب 8 يااخت سكون هذا فهم خاطئ للدين وللنصوص الشرعيه كلام المصطفى عليه الصلاة والسلام للمسلمات اجمعين ليس للسعوديات فقط ! عليكي ان تنتبهي لهذا جيدا اذا اردتي ان تأتي بالاحاديث الشريفه وبصراحة وبدون زعل ترى تعبنا من اسلوب الشعارات واللافتات هذي اللي ترفعوها علينا كل شوي ارجوا ان يكون الكلام بموضوعيه ومنطقيه وانظري للواقع المعاش روحي شوفي الاحصائية الصادرة من وزارة العدل والتي تقول بأن عدد المطلقات بالعام الماضي حوالي عشرة الآف مطلقه يعني بمعدل 25 مطلقة يوميا ! وجايه تقولي لي دين !!!

ليه الطلاق مو من الدين ؟؟


وصحيح من أسباب الطلاق الوازع الديني .. بس في اسباب ثانيه سلمك الله كثيره جداً

يعني مو شرط ترمي التهمه على من يطلق بأنه ماعنده دين . وصلت المعلومه ؟

[تلميذ منتسب]

8

اي تهمه الله يحفظك

وش فيك داخل بالعرض

انا اقول كفايه هذه الشعارات واللافتات

كل يوم 25 وحده تتطلق وجاي تقولي دين !!!

كل من صار له ادنى مشكله مع زوجته طلقها

وكل من صار لها ادنى مشكله من زوجها طلبت الطلاق منه

لماذا لايكون هناك تطبيق للدين في مسألة الصبر

الم يحث الدين على الصبر

يقول الامام احمد رحمه الله

ذُكر الصبر في القران في اكثر من تسعين موضع

اين التطبيق العملي للصبر من الطرفين

والا المسألة شعارات ولافتات فقط

باختصار

اذا شدت حضرتها وعصبت يرخي حضرته ويتركها حتى تهدى الامور

واذا شد حضرته وعصب ترخي حضرتها وتتركه حتى تهدى الامور

بالاضافه على اتفاقهم بعدم تدخل الاهل في مشاكلهم وعدم السماح لاحد بذلك

مشاكلهم يحلوها مع بعض

الا اذا كان الامر مره صعب وخطير فلكل حادث حديث

وهكذا تمشي الامور وتستمر الحياه ان شاء الله

،،،،

الاخت سكون الورد الظاهر ان صبرها راح ينفذ

هي تتكلم عن العنصريه وانا اتجهت بالموضوع لمحور اخر

ولتعذرنا اختنا الكريمه في ذلك ولكن الكلام كما قيل يجر بعضه بعضا ولعله يفيد الموضوع

طولي بالك :)

[سكون الورد k.a.u]

المشاركة الأصلية كتبت بواسطة alembra6or معقوله التخلف هذا موجود بالشاااااب السعودي ؟؟؟؟؟!!!!!! اي نعم موجود ومايتسمى تخلف . >> (تم شرح معنى التخلف بردي على مشاركة الاخ/ تلميذ منتسب) معقوله يفضل بنات الديار الثانيه عن بنت ديرته ؟؟؟؟ على حسب الشخص . وخير ياطير قبيليه ولا لاااا ؟؟؟ وش الفرق ؟؟؟؟ مارديت الا لاجل اوضح هالنقطة في قولك خير ياطير لابراء الذمة فقط . كانت العرب قبل الاسلام تتشائم من الطير اذا طار لجهة اليسار وتتفائل اذا اتجه ناحية اليمين وكان الواحد اذا رغب بفعل شئي ماء ماعليه الا الذهاب الى اقرب طائر والنظر الى اين يتجه فيقول قبل الوصول الي الطير بينه وبين نفسه (خير ياطير) . لننتبه ايها الاحبه لذلك ولا نكون كالببغاء الذي يردد ما يسمع دون وعي !! سئل الشيخ المحدث العلامة عبد المحسن العباد حفظه الله تعالى - عن : عندنا مثل معروف وهو : ( خير يا طير ) ما حكم قوله ؟ فأجاب قائلا : هذا من التشاؤم وفيه شيء من التطير وللشيخ ابن جبرين أيضا فتوى مماثلة في مجلة الدعوة : سئل الشيخ : * ما حكم قول القائل "خير يا طير" ؟ قول "خير يا طير" يدخل في الطيرة، فلا يجوز قول ذلك. عن ابن مسعود رضي الله عنه أن رسول الله صلى الله عليه وسلم قال الطيرة شرك الطيرة شرك الطيرة شرك وما منا إلا ولكن الله يذهبه بالتوكل رواه أبو داود واللفظ له والترمذي وابن حبان في صحيحه وقال الترمذي حديث حسن صحيح 8 8 8 السؤال :شخص نصح مرارا عن قوله: ( خير يا طير )، وإلى الآن يقول: ذلك، ويقول: أنه لا يقصد التطير، فهل يسوغ له هذا العذر؟ الجواب: إن قصد التطير كان متطيرا مشركا، لكن وإذا لم يقصد التطير لا يجوز له التلفظ بهذا، لأن هذا من ألفاظ الجاهلية، ومن ألفاظ الطيرة، فيتجنبه. و ربي يثبتنا على قول الخير . والله اعلم . واجابة على تساؤلك وش الفرق فاهناك فروقات كثيرة والقائمة تطول .

اشكرك ياخوي على إنارتي بهالمعلومه اللي اجهلها ..
لكن حنا ماخذينها عااادهـ .. وعاد ليتها عادهـ سنعه .. ومثل ماتفضلت به من شرح واحاديث ... فحنا مانقصد بها التطير والعياذ بالله .. لكن موروثات شعبيه خاطئه الله يجيرنا منهااا ..

شاكره لك مرورك المورد

دمتم بود

[elham12]

^^^^^

بس قولت ايشلي و ايشلها

طيب ليه رديتي دام ذا كلامك

ويا حبايب هاذي شخصيتي وكل انسان حررر >>مين العنصررري ذاحين؟؟؟؟؟؟؟

وجد جد انتم ناس تركزوا ع السلبيات وتنسوا الايجابيات >>ع فكره كلامي ماافيه شي سلبي ..مجرد راي والمفروض تحترمونه زي ما انــــــا احترمت كلامكم...والاختلاف في الراي لايفسد في الود قضيه

[Brilliant Shores]

هلا الله سكووووون وصبااحك ومسااءك فل وورد وكل السكاويين ياارب

انتي زيي مااحب افرق بين قبيلية وحضرية تهمني البنت بذاتها تفكيرها تربيتها تنفع تكون صديقة او لأ

غيره مايهم

شي ثاااني لاحظت من خلال البنات اللي تعرفت عليهم في الجامعة انه القبيليات اغلبهم هم السبب في المشكلة

اللي قلتي عليها لأني في مرة كنت جالسة انا وصديقتي انا قبيلية بس صديقتي لأ

المهم كنا في كل جلسة بنوتااات تتعمد تدقها بالكلام وكل ماجابت هرجة تقول للقبيليات فقط يعني اطلعي منها

انا انقهرت عليها بصراحة ومرررة مايعجبني موقفها وزيها كثيييير حتى اللي معايا في الباص نفسسس

الشي كل ما يتعرفوا على وحدة اول سؤال يسألوها اياه بعد اسمها انتي قبيلية ولا حضرية


من ناحيتي ارفض هالتفرقة العنصرية وبشششششدة لأنه ابدااا مو مقياس للبنت ابدااا اهم شي الاخلاق

مشكووووورة حبيبيتي موضوعك يجنننن ربي يسعدك ،،

اعتذر عن الاطالة ،،،

[~•الــفـيـصل•~]

إلهــآم ..رجــآء خــآص هدي من نــآحيتك ووقفي الرد في هذآ الموضوع ..

ويــآ أخوآن ألعنوآ الشيطـــآن ..

[Super Linux]

وعليكم السلام ورحمة الله وبركاته

اختي سكون راح اوصلك الفكره بأسلوب مبسط ومختصر الله يطول عمرك

وياليت ياجماعه نبطل مشاكل الليلة 27 وعشر اواخر ومضاربات !!

قاهر ياقلبي صلى ع النبي فديتك وقول اعوذ بالله من الشيطان الرجيم

1- دائما القبيلي يفضل قبيليه لان العادات والتقاليد متشابها بينهم وغالبا القبيليات متشددين وحجاب كامل وماترفع صوتها عند الرجال وتعتمد على رجالها اعتماد كلي في جميع امورها الدنيويه .

لحد يجي يقول وش قصدك يعني الحضر خاربينها انا اتكلم عن العادات مو الاخلاق كلهن متربيات وبنات ناس

2- الحضريه فيها شوية انفتاح من ناحية الحجاب ولو تشوفها كيف تتعامل مع الي يبيعو تحس انها رجال يعني تكاسر ومايسير يامحمد بالله راعينا فهمتوني كيف مع انها قمة في الاخلاق وتحس انهم يعاملو اي احد كانه من العائله يعني لمن يسير لك موقف في السوق مع حضريه تحس انها اختك تقول عادي حصل خير وكذا بعكس القبيليه بتاكلك بعيونها وياويلك لو ابوها ولا اخوها معاها خخخ

فصعب تجي انت يالبدوي المتشدد تقبل بحضريه منفتحه مافي توافق ومشاكل الاخلاق اوكي لكن العادات راح يتعب منها البدوي وهي راح تتعب معاه والعكس كذلك

ليه دايم نسمع انه اهم شي الزوج والزوجه يكونو متفاهمين مستحيل تجيب واحد متشدد تبيه يتعود على منفتح

هذا وصلى الله على اشرف الانبياء والمرسلين حبينا وقدوتنا محمد عليه افضل الصلاة واتم التسليم

[قاهر المتكبرين]

إلهام أنا كمان سوري على انفعالي والله يكملك بأخلاقك يارب .. وأتمنى تفكري أكثر من مرة وتراجعي كلامك قبل ما تعتمدي الرد في المرات القادمة :)

أخ سوبر تصدق 99% من ردودك تغيظني وأخالفك فيها بقوووة .. لكن عاد المنتدى يعرفني ما أحب النقاش :) وأتابع بصمت إلا لو كفرنت عالآخر ههههههههه يكون ردي بكلمتين ومع السلامة .. لكن الحق يقال في ردك الآخر دا أوافقك كثيراً :)