مشكلة في حياتي ، واحتاج مساعدتكم

[Fatema Alshareef]

انتي ليش مكبره الموضوع ومعتبرتو مشكله ؟؟؟

دا شي طبييييييعي جدا يحصل مع كثير من الناس الطبيعين مثلنا ,,

بس اهم شي من دا كلو تكوني مرتاحه ومو متضايقه من وضعك ,,,,

[RHF]

ترا حسيت كلام كتير نوعا ما بس قوليلي ازا في اي شي ما فهمتيه مني او ما وصلك هدف كلامي او اي شي مستعد اوضح اكتر واكتر اهم شي تكوني انتقلتي لمرحلة افضل وافضل إن شاء الله انا باقول كده لنو اول مره ردك يكون مختصر في كلامي فشكيت انك ما فهمتي بعض الاشياء

ههههههههه لا لا فهمت كل شي
ممممممم دحين اردلك بالتفصيل اهوه ولا يهمك

اول شي احب اقلك هوا ولازم تعرفيه كويس انو اي انسان في الدنيا لمن يحس بضيقه معناتو هادا بعيد نوعا ما من الله سبحانو ((ع حسب كلام الشيخ ناسي اسمو واسم برنامجو)) يعني كلي ما تشوفي نفسك مضايقة اقري صفحة او صفحتين من القرآن او قومي صليلك ركعتين

ايوا مو كلام شيخ واحد ، دا شي معروف اصلن ، بس برضو ما اعرف مين قالو ههه
ودي مرحلة انا اتخطيتها من زمان ، والحمدولله دايمن اقرا قرآن ، ولمن احس اني مخنوقة على طول اصلي ركعتين و اقرا قرآن و كدا

زي ما قالو الاغلبية انو هادا شي طبيعي جدا حقلك بشئ فيا ايام الثنوي كنت وحداني بمعنى الكلمة وماحب اتكلم مع كتيرين ممكن تسمى بإنطوائية او اي شي من هادا القبيل حالي في حال نفسي واقاربي وقريباتي كانو ينقهرو مني من دا الشي طبعا انا باسوي كده لنفس سببك وكانو يفهموني ويعلموني انو اختلط بالناس واللي بأسويه غلط وانا كنت مستمر بالشي دا لكن النتيجة انو لقيت نفسي لوحدي مررره ومحد يعبرني ومحد يسأل عني فقلت بيني وبين نفسي الحياة مره وحده نعيشها لي ما انبسط فيها واسال عن الكل واكون اجتماعي مع الجميع وفعلا اول شي قويت علاقتي مع ربي وتاني شي اول ما دخلت الجامعه كلللل شي اتغير وسرت جدا غير عن اول واتفاجو اصلن مني اخرج واضحك واتكلم وافرفش مع الجميع هادا مع الاقارب بس اما الاصحاب ماعندي الا اتنين بس ماحب اتعرف كتير وحتى لو اتعرفت كتير حتكون المعاملة سطحية وبس اما الاتنين دولا معاملتهم غير طبعا

ممممممم انتا كنت انطوائي ااما انا لا ،، انا علاقاتي كتير ، ولاكن انا اقطعها ، ما احب احس في زحمة حوليا ، وانو الناس كتير ، يعني ما احب احس انو في ناس كتير في حياتي ، احس اني مني فاضيتلهم و يادوب انا نفسي و اهلي ، ما ابغا اشيل هموهم ، حتقولي لا تشيلي همومهم ، بس انا كدا ما اقدر قلبي ضعيف حساس ما استحمل

ببساطة قصدي من دا الكلام كلو قوي علاقتك مع الله سبحانو وابدأ شوفي اش الاشياء اللي لازم تتغير فيكي حبه حبه ولا تتغيري مره وحده عشين لا ترجعي بسرعه مره وحده غيري فيكي حاجه حاجه وحاولي حتى لو كلموكي عن همومهم انك تسمعي من هنا وتطيري من الادن التانية واهم حاجه لا تفكري في كلي شي بقلبك فكري بعقلك وبس طول ما انتي حساسة زيادة عن اللزوم وتفكري بعقلك بس أعدائك ممكن يغدورو بيكي هادا لنك بتفكري بقلبك بس وممكن تلاقيهم يقهروكي باي شي العقل فوق كلي شي فكري بعقلك حتشوفي انك مبسوطة في حياتك إن شاء الله وفي حاجه بازكرك هيا البعيد عن العين بعيد عن القلب انتي نرضي تكوني بعيدة عن قلب اللي يحبوكي كلهم ؟؟!! طبعا لا ومستحيل فالحل انك تكوني ع صلة بيناتهم كلهم ومافي احلى من صلة الرحم شوفي الدليل دا { وَاعْبُدُواْ اللّهَ وَلاَ تُشْرِكُواْ بِهِ شَيْئاً وَبِالْوَالِدَيْنِ إِحْسَاناً وَبِذِي الْقُرْبَى } البقرة 36 والحديث دا عن أبي هريرة رضي الله عنه قال: سمعت النبي صلى الله عليه وسلم يقول: « إن أعمال بني آدم تعرض على الله تبارك وتعالى عشية كل خميس ليلة الجمعة فلا يقبل عمل قاطع رحم» رواه أحمد ورجاله ثقات وحسنه الألباني في صحيح الترغيب والترهيب.

مممممم انا الحمدولله مقوية علاقتي مع ربنا ، وان شاء الله الشي دا كل مالو يزيد

الشي اللي ابغاه يتغير ، هو اني ما ( اسحب ) عالناس فجأة ،، ممممم ولاكن دا مو بيدي ، والله صعب يعني اما اشتري راحتي واتركهم ، اما اقعد في قلق وانا افكر فيهم

ولا تقولي اسمعي من هنا و خرجي من هنا هههههه انا ما اقدر يعني انا قولت طبيعتي زي كدا ، حتى لو حاولت اسوي اني اسمع من هنا و اخرج من هنا ، بس برضو جوا في نفسي اقعد افكر في الشي دا ، وحاولت اغيرو كتير على مر السنين و ما قدرت

مممممم و بالنسبة لبعيد عن العين بعيد عن القلب ، في نقطة انتا ما قدرت تفهمها ، او انا ما عرفت اوضحها ، انا ما يهمني احد غير امي و اخواني ، بسسس ، غيرهم محا اضايق لو شالوني من بالهم يعني عادي انا متوقعة دا الشي بسبب تصرفاتي ، وامكن يوم من الايام حاضايق و ازعل و اندم على كدا ، بس لسا اليوم دا ما جا وان شاء الله ما يجي

( صدق الله و رسولو )

اسف ع الاطالة إن شاء الله اكون افدتك في من جميع الجوانب موفقة يارب

انا ما تعجبني ردودك الا عشان ( الاطالة )

وطبعن افدتني كتير ،

والله يوفقك يا اخوية

[دافئ الإحساس]

المشاركة الأصلية كتبت بواسطة rhf انا ما تعجبني ردودك الا عشان ( الاطالة ) وطبعن افدتني كتير ، والله يوفقك يا اخوية

والله ما ضحكت الا ع الكلمتين الاخيره دي

ههههههههه

الله يسعدك يارب

انا عندي مشكلة واللهي يا رهف بس ما اقدر اقولها لنو محد يعرفها

ولمن كلمت الشيخ عنها قالي مالها حل

قلتلو كيف مالها حل !!

قالي حلها الوحيد هوا الوقت

قلتلو كيف يعني

قالي يعني عيش والزمن ينسيك كلي شي

وبث

مابا افصل عشين لا تنفضح الهرجه

ههههههههه

فخلاص الوقت او الزمن حيخليكي تسيري احسن واحسن

>>>متى يفتح منتدى الوناسه

[RHF]

معليش رهف تذكرت إني مرة أصبت بمرض نفسي ضعف اللي بتقوليه بعشرين مرة بعد عملية أعصاب فكان الدكتور يقول لي إنت مالك علاج علاجك في عقلك أي شيء سلبي تفكر فيه راح تجيب النكد والهم والقلق لنفسك وأي شيء إيجابي تفكر فيه راح تعيش طول عمرك بسعادة صرت بعدها أقرأ في كتب علم النفس وتطوير الذات وقدرت أعدي مشكلتي في أسبوع وكسبت معلومات ومهارات كثيرة فادتني في حياتي وصرت أعرف اتخلص من أي مشكلة اطيح فيها بسرعة أنا قصدي من كلامي اللي قلتو فوق إنو إنتي ما تتأثري من الكلام السلبي اللي ينكتب أو يقال لك قوي نفسك وشدي حيلك وجيبي ورقة وقلم وأكتب كل الإيجابيات اللي عندك وقولي لي إيش شعورك بعدها بالتوفيق لك

الله يعينك احساس ، ممممممم وان شاء الله اسوي الورقة دي و اردلك خبر

يسسسسسلمو :)

[RHF]

انتي ليش مكبره الموضوع ومعتبرتو مشكله ؟؟؟ دا شي طبييييييعي جدا يحصل مع كثير من الناس الطبيعين مثلنا ,, بس اهم شي من دا كلو تكوني مرتاحه ومو متضايقه من وضعك ,,,,

ممممممم اهلين بنت

انتي ما تعتبريها مشكلة ،، لاكن انا اعتبرتها مشكلة و حبيت الناس يساعدوني لاني ما قدرت اساعد نفسي

ممممم و بالنسبة لانو شي طبيعي ، انا ما اعتبرو شي طبيعي ، بالنسبة ليا ، لاني قولت اني كنت اعرف ناس كتير وحصرتهم ، حصرتهم ، حصرتهم ألين سارت الدائرة صغيرة ، وتاني شي انتي ما فهمتي المشكلة اللي انا باستعرضها ، وهي اني باترك الناس بدون سبب فجأة كدا

//

عمومن الحمدلله مرتاحة ،

مشكورة عالمرور اختي

[RHF]

والله ما ضحكت الا ع الكلمتين الاخيره دي ههههههههه الله يسعدك يارب انا عندي مشكلو واللهي يا رهف بس ما اقدر اقولها لنو محد يعرفها ولمن كلمت الشيخ عنها قالي مالها حل قلتلو كيف مالها حل !! قالي حلها الوحيد هوا الوقت قلتلو كيف يعني قالي يعني عيش والزمن ينسيك كلي شي وبث مابا افصل عشين لا تنفضح الهرجه ههههههههه فخلاص الوقت او الزمن حيخليكي تسيري احسن واحسن >>>متى يفتح منتدى الوناسه

اجل يا رب دايمن الضحكة

ومشكلتك الله يعينك فيها ، واغلب المشاكل حلها الوقت بازن الله

وبخصوص قسم الوناسة ، شكلنا حنعيد هناكا

على اساس رمضان ممنوع الضحك

//

:)

[دافئ الإحساس]

المشاركة الأصلية كتبت بواسطة rhf اجل يا رب دايمن الضحكة يسلمو ومشكلتك الله يعينك فيها ، واغلب المشاكل حلها الوقت بازن الله امين وبخصوص قسم الوناسة ، شكلنا حنعيد هناكا منجد خخخخخخ على اساس رمضان ممنوع الضحك // :)

في برنامج يجي في قناة السعودية

قبل ادان الفجر بساعه تقريبا

اسمو البرنامج عش حيـــاتك

للدكتور سليمان العلي

ترا مرره حلوو وحيفيدك في كلي شي واللهي

دعواتك

[عموريAHLI]

اخت رهف

الدنيا ماتستاهل كل هذا ، لاتشيلي هم احد ولاتخلي التفكير السلبي يشغل بالك

ارجعي للحياة ببساطة وعايشي الناس اللي حولك ، ولاتحرمي نفسك من تكوين العلاقات بسبب هذا الهم اللي شاغلك

وانتي ماشاء الله باين من ردودك انك اجتماعية وتحبي تحتكي بغيرك

وانا من الأعضاء اللي استفيد من ردودك واقرأها دائما

فحاولي تطبقي هذا الشيء في الواقع وتفيدي وتستفيدي

ابتسمي للحياة تبتسم لك

الله يعينك ويبعد عنك الهموم

[Patricia]

فديت قلبك يارهوفه ولاتزعلي ولاحاجة ..

بس خلي في بالك الجنة من غير ناس ماتنداس ..
لازم الواحد يكون علاقات بمحيطه مو شرط عشرين ولا مليون ..

المهم تتواصلي مع ناس ترتاحيلهم وقلبك يحبهم ..
حبووووبة حطي في بالك اي انسان راح تعرفيه في هالحياة الا مايجي يوم ويفتح لك قلبه ..
خصوصا اذا صرتوا حبايب مرة ...

اقصد راح يشركوكي معاهم بمشاكلهم ..
يعني شي طبيعي انك تسمعي حكاوي وشكاوي ..
وابدا مو حل انك تقفلي على نفسك عشان ماتسمعي اخر الاحداث والمستجدات ..

اذا في مواضيع معينة ماتحبي احد يكلمك فيها ..
قوليلي للطرف الثاني وبكل صراحة وادب ..
اي انسان عنده نقطة ضعف ..

انا مثلا اتعب من مواضيع معينة ومااحب احد يكلمني فيها ..

عشان كذا خبرت الكل .. مايحكولي فيهها ..

ووووووبس اتمنالك احلى حياة وربنا يسعدك ..
بس لاتقطعي الاقارب مهما كان من باب صلة الرحم ..

[RHF]

اخت رهف الدنيا ماتستاهل كل هذا ، لاتشيلي هم احد ولاتخلي التفكير السلبي يشغل بالك ارجعي للحياة ببساطة وعايشي الناس اللي حولك ، ولاتحرمي نفسك من تكوين العلاقات بسبب هذا الهم اللي شاغلك وانتي ماشاء الله باين من ردودك انك اجتماعية وتحبي تحتكي بغيرك وانا من الأعضاء اللي استفيد من ردودك واقرأها دائما فحاولي تطبقي هذا الشيء في الواقع وتفيدي وتستفيدي ابتسمي للحياة تبتسم لك الله يعينك ويبعد عنك الهموم

ان شاء الله عموري من جد الدونيا ما تستاهل

مشششكوورررر كلامك حلو مقنع :)