ممكن تصححولي النظرة هاذي؟؟!!..

[besho2009]

اعتقد انه العيب يصدر من الانسان زي ما قالوا وليس المهنة ..

بس للاسف في ناس >بقلة وعي منهم < ممكن يشوهوا سمعة مكان او مهنة وما الى ذلك ..

ومعروف زي ما في الصالح في الطالح ..

وانا اشوف بما انه الطب هو اكثر قسم فيه انفتاح بمعنى الشخص له احتكاك وتواصل مع الجنس الاخر

فممكن نلاقي نماذج سيئة كثيرة للاسف ..

وانا برأيي المشكلة الكبيرة في قلة الوعي للمجتمع بكبره ( في نواحي كثيرة ومختلفة )

وطبعا الطب من زمان والنقاش حوله يطووووووول

زي مسلن استغرب انو من زمان و الين دحين ازواج يشترطوا زوجاتهم مايكونوا دكاترة ؟؟؟؟؟!!!

ما اعرف الموضوع طويل ولو جوانب كتيرة

وزي ماقلت قلة الوعي هيا السبب في اشياء كتير ..

لمن الانسان يكون متعلم صاحب وعي محايتصرف اي تصرف مايليق بيه ولا بمكانتو :)

ولازم كلنا نعترف مافي ارقى من مهنة الطب ..

الله يستر على الجمييييع ..

شكرا

[Dina-s-b]

لكن شتان بين خطأ كهذا من طبيب أو أشخاص كالأمثلة التي ذكرتيها.. فالطبيب يجب أن يكون قدوة ومثال للاحترام والأخلاق التي تليق بمهنته السامية..

ليه شتان؟؟ مو في مدرسات بيعملو كدا وهما اللي المفروض يكونو قدوه اكتر ليه ما اتكلمتي عنهم؟؟؟؟؟؟؟؟؟
والطبيب مو ملاك زي ما قالو الاخ ماجد وقالك انو في ناس فالشريعة بيعملو كدا وقلتي هادول ما دخلو الشريعه عشان هما حابينها دخلوها عشان نسبهم..!! انتي حطيتي تبرير للتخصصات التانية بس ما بتحطي تبرير للطب..!! وانا اللي اعرفو انو كل المهن سامية ومافي مهنة افضل من مهنة..الطب مافيه شي اسمو قدوة هوا لا بيعلم ولا بيوجه..الطبيب بيعالج وبس :) !! حيكون قدوة فايش؟؟؟
وانا ما بابرر هادي التصرفات ولا بأايدها بس مني فاهمة ليه حطيتي تركيزك على الطب..يعني لو انو وجهتي كلامك عن المجتمع ككل كان ممكن الواحد يقول اوك لكن فجأة حاطة فراسك طلاب وطالبات الطب وبتتكلمي كانو المفروض يكونو ملائكة يعني قوية شويه من طالبة فالجامعه انو نظرتها تكون كدا :) !! ايش اللي الطب مهنة سامية وقدوة..ارجع اقول هما لا بيربو ولا بيعلمو ولا بيوجهو احد هما مجرد بـيـ (( عالجو))..وادري انك قلتي في كدا وفي كدا وفي ناس كويسين وناس لا بس نقاشك انو تخليه مركز على الطب !! غير منطقي ابدا !!

ومعلومة مو كل مين لبس لاب كوت يعني دكتور..ترى كليه اقتصاد منزلي بيلبسو لاب كوت هههههههههههههههه

!!

فالمدرسة مثلاً من البديهي لن تضحك وقت شرح الدرس ولن تضيع وقت حصتها في حين أنها بالتأكيد سترفه عن نفسها وتضحك في وقت فراغها في العمل ..

في عالم مثالي "فقط".. :)
دحين ايام المدرسة افتكر عمرها ماخلصت الحصة واحنا مخلصين المنهج المحدد للحصة وفكل المواد هههههههههه على الاقل في احاديث جانبية بين الطالبات والمعلمة.. مو الـ 45 دقيقة كلها شرح شرح شرح !!

حتى في أوقات فراغهم أقل القليل كان بإمكانهم أن يخلعوا (الاب كوت) ولا يشوهوا هذه المهنة السامية..

حرية شخصية انها ما تبغى تخلع اللاب كوت..وارجع اقول مو كل من لبس لاب كوت = طبيب او طبيبة..
وارجع اقول مرة تانية انو انتي محسستني انو مهنة سامية وقدوة وانو الاشخاص اللي داخلينها المفروض يكونو ملائكة وتصرفاتهم تكون محسوبة..!! حبيبي مافي احد معصوم من الخطأ ومافي شي اسمو عشان المهنة حيبطلو يعملو اي حاجة..في مهن تانية زي المعلم او الشيخ او الداعية هادي اقول ممكن تكون اسمى من الطب لانها فيها على قولتك قدوة..اما الطب فيه تعامل بين مريض ودكتور والدكتور لو انو واحد راعي خمر وبنات وحالتو حالة ويعرف يعالج فهادا المهم فيه..لانو مو قدوة لاحد..طالما الدكتور بيعالج المريض كويس انتهى..!!
لو انتي على انو المهنة السامية والقدوة فانا راح اطلب منك تنزلي نفس الموضوع على المهن السامية التانية واتوقع انك ما راح تخلصي لان مافي شي اسمو مهنة افضل من مهنة :) كل مهنة لها مكانتها وموقعها فالمجتمع ولها ناسها..ولو على القدوة نزلي موضوع على الناس القدوة اللي من جد :)..شكرا..

[Dina-s-b]

نجي للموضوع الرئيسي : الأختلاط بشيء واحد عندنا _ حتى تكونون بالصورة _ : بالمحاضرات ، وللمعلومية ( بتواجد رجال الأمن ) ، وبوجود ايضا ً حاجز ، وأن ماكان الحاجز موجود أقصى اليمين ( بنات ) وأقصى الشمال ( أولاد ) وبينهم مساحة عظيمة فارغة ، هذه المساحة العظيمة الفارغة لاتخلو من ثلاثة ( رجال أمن ) ، واحد يشغل المساحة العليا ، والآخر بالمنتصف ، والثالث بالمقدمة .. أما بالقاعات المتوفر فيها حاجز لاتخلو من رجلي أمن .. ! هذا الرد ليس إلا دعوة للحديث عما نرى ، لا عما نسمع لن ( كُل ) ما نسمعه لا يخلو من الأضافات ، وفق الله الجميع ، و جعل بكل مقال نية صالحة وغاية هادفة ..

هادا الرد لقيتو فالموضوع اللي حطو ماجد ههههههههههههههه بنت بتدرس هناك :$

[مَـزٍآج ..}..]

اول حاجه انتي كيف تبني نظره عشان شفتي طالب او اثنين او عشرهـ

هذآ تعميم . . والتعميم عمرهـ ما كان ولا راح يكون صحيح . .

بالنسبه للمجمتمع الطـبي . .

مهمآ حاولنا راح يكون مجمتع مختلط . . لازم يكون فيه احتكاك في الطرف الاخرر . .

المشكله فيـن !!

نظره للناس للتعامل . . ممكن انسان يشوف مجرد كلام البنت مع الولد حتى لو في امور
الدرإأسه فهذا عيب والبنت قليله ادب .. والخ

ولكي الحكم في نظره الناس الي كذآ .. هل انتي تشوفيها صحيحه او لا ؟


وصحييح ما انكر ولا احد يقدر انكـر انو فيه تجاوزات من طلاب وطالبات الطب . .

لكن اني اعمم نظرتي للطلاب كلهم بمجرد اني شفت طالب او عشرهـ .. هذا اكبر غلط . .

والمشكله هذي مو بس في الطب .. في كـل مكان نشوووف الأشيآء هذي ..

عمومآ ما راح يتطور الطب كثير اذا نظرتك تغيرت لطلابـه

[Qotaiba HBK]

والمشكله هذي مو بس في الطب .. في كـل مكان نشوووف الأشيآء هذي ..

+ 1000000000000000000

[خجول الورد]

نصحح نظرتك !!! صراحه الجملة خلتني أضحك بعد ماقرأت ردودك ع الأعضاء ..

الإنسان لمن يحب إنه يتحآور لازم يترك عنه التزمت .. ويحآول إنه يتقبل الرأي الآخر ..

لكن أنتي حاطه صوره وحده ورآفظه تغيرها .. أو تتقبلي أي فكره مختلفة ..

وأنا ماراح أعلق ع الموضوع نفسه .. لأنك أنتي مو مستعده للحوار .. أنتي تبين الكل يكون موافق لك ..

تقبلي مروري .. واسمحيلي إذا ردي كآن فيه نوع من المظايقة ..

[Dina-s-b]

عمومآ ما راح يتطور الطب كثير اذا نظرتك تغيرت لطلابـه

+100000000000000
;)

[واثق الخطى 1]

يعطيك العافية اختي ع الطرح
لكن اختي ما تحسين انك حددتي في موضوعك طلاب وطالبات الطب يقلك اصابع يدك مي سوى وهذا الشي ممكن تلقيه في في غير الطب كمان الله يردك لصوابك اختي وبعدين انت حكمتي ع الطب عامه من موقفين شفتيها
بعدين طلاب وطالبات الطب مو انبياء عشان ما يغلطوا والله يهديهم
بالنسبه للكدش والمظهر العام هذي حررررررررررررررررررررررية شخصية لكن الناس ما يلاحظوا الا في الدكاتره السعودية اما الاجانب ما يلاحظوا فيهم اللهم لك الحمد بس

وفي النهاااااااااية اشكر من اعماق قلبي
د.ماجد
د.بشائر
بصراحه انا كان عندي كلام كثير لكن انتوا ما قصرتوا في ردودكم فديتكم

وانا اشوف ان الموضوع هذا بس قاعد يشوه صورة الطب اتمنى ان يغلق

[dr-sh0sha]

المشاركة الأصلية كتبت بواسطة واثق الخطى 1 يعطيك العافية اختي ع الطرح لكن اختي ما تحسين انك حددتي في موضوعك طلاب وطالبات الطب يقلك اصابع يدك مي سوى وهذا الشي ممكن تلقيه في في غير الطب كمان الله يردك لصوابك اختي وبعدين انت حكمتي ع الطب عامه من موقفين شفتيها بعدين طلاب وطالبات الطب مو انبياء عشان ما يغلطوا والله يهديهم بالنسبه للكدش والمظهر العام هذي حررررررررررررررررررررررية شخصية لكن الناس ما يلاحظوا الا في الدكاتره السعودية اما الاجانب ما يلاحظوا فيهم اللهم لك الحمد بس وفي النهاااااااااية اشكر من اعماق قلبي د.ماجد د.بشائر بصراحه انا كان عندي كلام كثير لكن انتوا ما قصرتوا في ردودكم فديتكم وانا اشوف ان الموضوع هذا بس قاعد يشوه صورة الطب اتمنى ان يغلق

اصابع يدك مو سوا \\ خلاص هذي العبارة تكفي عن الف كلمة ..
لصاحبة الموضوع في كل مكان ياقلبي حتلاقي الطيب والبطال وانتي تمشي ع اساس دينك وتربيتك .
وما اقولك لو شفتي شيء غلط اسكتي بالعكس اذا كان تقدري تنصحيهم انصحيهم بس مو انك تعممي ع الكل ....واحنا ما ننكر انو في اشياء غلط بتصير بس ارجع واقولك مو الكل ....
ماشاء الله ردود كثير اعجبتني كانوا اصحابها في قمة الرقي يعطيكم العافية ..

[Dr.Passed]

انا حاقلك واشاركك رأيي..

رأيي انو كلي واحد عقلو في راصو واهلو ربو تربيه تمام...ويعرف ايش المفروض يسوي ومايسوي..

ميسير نحكم على الناس بأشكالهم..ابدا ابدا..

اديكي امثله:
الي شعرو كدش ولا طويل...مو يعني قليل الأدب...المخلوق ستايلو كده..خلاص

الي تكشف وشها...مو يعني عيب مافيها شي...هيا في عمل..ماتبرجت مجرد ماغطت وشها بس مو باين شي من شعرها...خلاص سارت البنت ماتستحي؟...مافيها شي..

مانحكم على العالم بمناظرها واشكالها..

هما ماوصلو "للطب" ولا "اي تخصص في هادا المجال" ولا " الدفاره " هادي الا هما ناس محترمين واهلهم عرفت تربيهم...ازا واحد حالتو حاله 24 ساعه مايستحي نت وبنات وخرجات وصياعه وقله حيا ولا حتى عندو وقت يدير وشو للقبله...هادا من فين جالو توفيق برأيك؟....ا( مجرد وجهه نظري) ...( مو قصدي التخصصات التانيه سيئه..لا تفهموني غلط) انا دحين كلامي عن شيئ معين

فأنا متأكده انو الكل متربي...بغض النظر عن مظاهرهم واشكالهم...مانحكم على الشخص بشكلو ولكن بتصروفاتو..

واحد دايما يتخشخش مع البنات ...نظراتو مش مزبوطه...قولي ليدر يدق على الادميه في الليل...اسباب تافهه..يمزح كتير...يدخن + البنات الي دايما يتمجغو في الكلام + الضحك العالي ماشاء الله + الي تدي الولد مجال يتمادى وياخد ويدي معاها كتيير من غير داعي ( ما اعرف انا شخصيا هادي الأشياء الي احكم عليها)

مو شرط المظهر...كلي واحد حر في نفسو..

الإختلاط بالأشياء الي انا زكرتها والحدود هادي انا ابدا ما اشوف فيها شي...يعني عادي شي طبيعي وبالعكس مهم انو تعرفي كيف تتعاملي مع الناس وتقوي شخصيتك..

الولد يحترم نفسو...البنت تحترم نفسها...ولمن احد يكلمها...تتكلم زي العسكري وخلاص ....اما الدلع الزايد وانهم يدو بعض مجال اي شي بين بعض يخرج عن الرسميه ( هادا الغلط في رأيي)


شكرا ...موضوع مي خلص النقاش في هههههههههههههههههههههههههه تعرفيني احب الفلسفه و النقاش

الله يسعدك