وسيلة نقل من مكة لجدة

[BBB]

المشاركة الأصلية كتبت بواسطة " طيف " انا من مكة ايش صار معكم يابنات مكة لقيتو باصات ولا باقي تدورو والله محتارة ماعندي احد يوديني لجدة الكل في دوامات .. الله يسهل لناا .. متابعتكم ..

على حسب كلام البنات مافي باص يودي من مكة لجدة غير باص ابو سرهد
انا ابغى اسجل فيه بس مترددة احس مرررة تعب.

[أخت أمل]

انا كمان من مكة وابغ باص يوديني لجامعة جدة بس 500 مو اكثر

[همة همة همة]

اللـــــــــــــــــــــــــــــــــــــــــــــــ ـــــــــــــــــــــــــــــــــــه يعنكم والله حالتنا تقهر أش رأيكم نفكر ان الدولة تخلي الباصات فقط كامعة معاهد كليات مدارس للبنساء مجانا والي يدفع لسواقين الباصات الدولةوتجعل لكل حي اسماء باصات معينة عشان البنت لادور وتحوس و أنا أكبر عقدة في مواصلة تعليمي وتدريسي المواصلات وما \أدراك ما المواصلات انها حكاية لا تنتهي .

[أنفاس مشرقة]

شوفوا هذا الموضوع ان شاء الله يفيدكم
http://www.skaau.com/vb/showthread.php?t=263220

[د.طموح]

ويجزااااكم بكل خير..

السيارة تشيل 6 أشخاص.. وينزلك السواق للبوابة اللي تبغيها.

الاشتراك شهري وقدره 1000 ريال

تقريباً إلى الآن كملنا 4 أشخاص في السيارة باقي 2.

تمنياتي لكم بالتوفيق.

[د.طموح]

للتنبيه مرة أخرى:

الدوام من 8 - 2:30

والبيت يكون على طريقنا وفي منطقة ليست وعرة.

لأن في أماكن مثلاً تكون في العمرة لكن بعيدة عننا فبتالي تم استبعادها.

وبالتوفيق للجميع.

[Esraa.MD]

بس غالي يا اختي 1000 ريال في الشهر
باص ابو سرهد 800 ريال الشهر والترم 2800 ريال
صراحة مرة غالي

[د.طموح]

حياك وبياك أختي إسراء..

بخصوص ملاحضتك أنه السعر مرة غالي.. احترم وجهة نظرك لكن ابغا أوضح لك بعض النقاط.

الفرق بين الباص والسيارة 200 ريال.

أنا كنت مع أبو سرهد ...وذقت المرررر معاه .. الحمد لله على كل حال.

- الباص متى يمرك في الصباح وعلى كم بيت يلفلف بك؟؟؟ من الفجر يبدأ يلفلف وأعرف بنات كان يآخذهم قبل الفجر.. حتى صلاة مايلحقوا يصلوا.

- الظهر الباص مايوقف إلا في شمالية وبعيد..السيارة الخاصة ح تمر من أي بوابه قريبة منك.

- مع الباص متى توصلي بيتك ،، وبرضوا يلفلف بك وماتوصلي بيتك إلا إنتِ داااااايخة

- في فرق لما تروحي في سيارة خاصة ومامعاك إلا 6 أشخاص بالكثير، وفرق لما يكون معاك 40 أو 50 شخص.

- الحمد للله السيارة جديدة موديل 2011 ومظللة عازل حراري.

[د.طموح]

اللهم لك الحمد كماينبغي لجلال وجهك وعظيم سلطانك.

[وردة مدينية]

د. طموح

طيب لو يومين في الاسبوع وللجامعة اللي بالفيصلية ، كم ياخذ ؟؟؟