رأيي في التحضيري واقتراحاتي

[Dr.Passed]

المشاركة الأصلية كتبت بواسطة عماد3 اشكرك يا dr.passed على طرحك وعلى النقاط اللي اتكلمتي عنها .. وشي حلو انك تفكري للجيل اللي بعدنا فهذي مبادرة حلوة منك دحين راح اتكلم عن النقاط اللي اتكلمتوا عنها .. طبعا انا بحكم اني درست السنة التحضيرية مرتين لظرووف خاصة جدا وشفت كيف كان نظام الماود في العام والماضي وهذه السنة .. انا راح اتكلم عن بعض عيوب هذه السنة . اول شي الانجليزي .. الكلام اللي قلتيه يا اختي كلو صح ومن جد معاناه .. يعني تخيلي انا اساسا ساكن في مكة وكل يوم محاضرات تتعدى 3 ساعات .. والضغط الرهييب اللي بيصير لنا هذا كلو بيأثر على الطلاب في درجاتو لكن تصدقي يا اختي المشكلة لاهي فينا ولا في نظام الجامعة .. المشكلة اساسا من المناهج الزبالة اللي كنا ندرسها في المدرسة .. ومستوى التدريس الدنييئ اللي شفناه في مدارسنا .. يعني لا منهج ولا مدرس يساعد وفي الاخير اللي صار هو اننا اتورطنا في الجامعة وكان مستوانا ضعييف جدا .. طبعا انا باتكلم عن الاغلبية .. مين اللي ارتاح ؟؟ الناس اللي درسوا في الخارج واخذوا دورات انجليزية او درسوا في مدارس اهلية كان التدريس فيها ممتاز ولما نجي لنظام الانجليزي بنشووف انو اللي بيصير هو ضغط عالطلاب .. يبغونا نخلص جميع المستويات في ترمين .. والله ماصارت هذه .. بس بيني وبينك هما معاهم حق في شي .. يعني تخيلي لمن يجيو الكليات وتقول لازم الطالب قبل يتخصص يكون مغلق كل المستويات في الانجليزي .. والجامعة محددة سنة وحدة قبل التخصص اللي هوا التحضيري .. ايش تتوقعي حل غير اللي بيسووه فينا .. وكمان مثلا لما يجيكي طالب مغلق 4 مستوات وهوا اصلن مستواه تعبان مراا ولا يعرف يتكلم .. هذا الشي بياثر على سمعة قسم الانجليزي لانو في الاخير هذا القسم قسم مهم وفي جامعة بمستوى جامعة الملك عبد العزيز اكيد عندهم طمووح للحصول على اعتماد .. عندك مثلا كلية الطب هذه السنة اخذو اعتماد مهم جدا واكيد ان مستوى الطلاب هوا اللي خلا الكلية تاخذ اعتماد مهم . انا ما بدافع عن قسم الانجليزي وانا طالب كنت بعاني من هذا النظام ولكن اتوقع ان المشكلة مهي مشكلة قسم الانجليزي فقط .. بالعكس انا بشوف ان هذا القسم بيتطور كثثير والدليل ان الدراسة اتغيرت عن العام الماضي وغيروا المنهج وعدلو شوية في طريقة الاختبارات وعينو اساتذة مستواهم ممتاز جدا .. والله اللي لحق الانجليزي العام الماضي كان من جد كره حياتو. اسف عالاطالة وان شاء الله بكمل ملاحظاتي عن باقي المواد في ردوودي الجاية واسف لو طولت عليكم

صحيح كلامك..
المدرسة كان مستواها سيئ..وتدريس المنهج كان محدود واسوأ كمان..

المفروض الطالب/ة يتخرجو من الثنوي والقوعد ( القرامر) الي بياخدو ليفل 4 دحين يكونو متمكنين منو...يعني ياريت قاعدين ياخدو كورس توفل بدل الي بياخدو دحين..( اصلا هم حيحتاجو توفل بعد كدة في دراساتهم) هادا الشي الي المفروض "يتحضرو" عشانو من التحضيري بالنسبة للإنجليزي...مو اعادة لأشياء ماعرفو يدرسوها المدارس..

يعني غير المناهج...انا اتزكر انو حصص الإنجليزي كانو دايما ياخدوها ويدو فيها مواد تانية...يعتبرو الإنجليزي زي الفنية مني عارفة ليه..

كلامك كلو صحيح

[R_F_S]

والله بصر1حـــه إني نــدمـآن على كل سآعه ضيعتها ب : اول السنه ب : الانجليزي ...

ارربع سآعآت .. إيش ب النسبة اللي يدرســــوآ ب : جامعة الملك فهــد للبترول والمعـــآدن .. ع هــوى ماسمـعت انه 6 سآعآت .. يـ لطيٍف

انا اشوف انه معقول 4 سآعآت ,,, لآنــه الطالب السعودي فٍ المدد1رس لم يتعلم سوى الحروف والارقآم ..

اما الاحيــآء انا اتفق معاكي ع النشآطآت الصفية عشآن الطلآب يحضروآ .. بس المشكلة لو حطينآ 20 درجة ب يد الدكتور .. كثير ناس ر1ح يقولوآ هــذا الدكتور ظــآلم مو زي دكتور فلآن وعلآن ..


وشكرآ وآسف ع الاطــآلة

[محمد عماد]

شباااب قومو ذاكرو احسن لكم ...

الجامعة ما راح تاخذ رأي الطلاب لإتخاذ اي قرار ... ماعندهم ديموقراطية

يعني كلامنا كلو = صفر على اليسار

[haay]

المشاركة الأصلية كتبت بواسطة ريال سعودي شباااب قومو ذاكرو احسن لكم ... الجامعة ما راح تاخذ رأي الطلاب لإتخاذ اي قرار ... ماعندهم ديموقراطية يعني كلامنا كلو = صفر على اليسار

+
1

[AM00NA]

المشاركة الأصلية كتبت بواسطة dr.passed الأحياء: كلها تست بانك وحفظ...صدقوني 4/3 الناس مهي فاهمه ولاشي بس بتحفظ..طيب ايش الفايدة؟ قاعدين نصم المادة 500 سؤال واغلبكم مو فاهم ايش الأسئلة والأجوبة بتقول؟..طبعا لو خلو الأسئلة من الكتاب انا برضو مني شايفتو حل ( لو شالو التست بانك) كتير حيسحب..كتير محايفتح الكتاب ويقول انا مااعرف ليه رسبت...وا...وا..وا والحال مو عاجبني في المحاضرات ولا اظن عاجبكم...الكل قاعد على الجوالات والأيبودات..رسايل بالهبل وضحك ولاكإنو في دكتورة واقفة تشرح..نص الكلاس راصو على الطاولة ونايم...النص التاني سرحان ولا على الجوال...ايش دا يالطيف؟ دا كلو بيسير لأنو الكل معتمد على التست بانك.. الحل في نظري...انو يخلو لو 20 درجة نشاطات صفية وبحوثات. منها الحركات دي ينحطلها حد ومنها يتعلمو ويبداو يمارسو الحياه الجامعيه ( حتى في التخصص بعد كدة) يكونو قيدهم متعودين يبحثو ويشوفو ويدورو.. ..

وعليـكم السلام والرحمـة .. أنا الحـمدلله بخيـر انتي كيـفك .؟
والله شوفي على اقتراحك انا اشوف انو شي راجع للشخص يعني يحفظ صم مايحفظ صم بكيفه يعني لو الشخص يبغى يفهم بيفهم لنفسسسه واللي في المحاضرات مشغولين بالبلاك وبالسوالف برضوا شي راجع لهم يعني على نفسها جنت براقش بعدين ..
و الماده الوحيده اللي جالسين نجيب فيها درجات كويسة الاحيـاء !! وماطلعتوا بالاقتراحات الغير مسموعه هاذي الا فيها !!
ليش ماتقترحون بالفيزياء ولا بالاحصاء يزيدون الكميات برضوا تعتبر الكميات اللي ناخذها مو كثير عشان نستفيد بعيد ؟ << هاذا اقتراح يششبه اقتراحكم
بعدين الوضع في المحاضرات والله انا آدخـل المحاظره عشان افهم من الدكتورة وش دخلني في الناس اللي يسوون يسوونه بعدين بيندمون ..


بالنسبه للآنقلش .. فأنـا معاكي قلبـا وقالـبا ولو اني مخلصصته بس برضوا كلنا عانينا فيه وطلعنا بدون فايده الحمدالله والششكر بس ..
شـكرا د.باسد ..

[Dr.Passed]

المشاركة الأصلية كتبت بواسطة am00na وعليـكم السلام والرحمـة .. أنا الحـمدلله بخيـر انتي كيـفك .؟ والله شوفي على اقتراحك انا اشوف انو شي راجع للشخص يعني يحفظ صم مايحفظ صم بكيفه يعني لو الشخص يبغى يفهم بيفهم لنفسسسه واللي في المحاضرات مشغولين بالبلاك وبالسوالف برضوا شي راجع لهم يعني على نفسها جنت براقش بعدين .. و الماده الوحيده اللي جالسين نجيب فيها درجات كويسة الاحيـاء !! وماطلعتوا بالاقتراحات الغير مسموعه هاذي الا فيها !! ليش ماتقترحون بالفيزياء ولا بالاحصاء يزيدون الكميات برضوا تعتبر الكميات اللي ناخذها مو كثير عشان نستفيد بعيد ؟ << هاذا اقتراح يششبه اقتراحكم بعدين الوضع في المحاضرات والله انا آدخـل المحاظره عشان افهم من الدكتورة وش دخلني في الناس اللي يسوون يسوونه بعدين بيندمون .. بالنسبه للآنقلش .. فأنـا معاكي قلبـا وقالـبا ولو اني مخلصصته بس برضوا كلنا عانينا فيه وطلعنا بدون فايده الحمدالله والششكر بس .. شـكرا د.باسد ..

يزيدو في الإحصاء والفيزيا عشان يسير فينا شي بعد الشر؟ هههه انا شايفتو كتير..
أنا فاهمه عليكي كلامك صح بس احنا بس بنقول الشي المفيد للي بعدنا في رأينا عارفه كيف؟ صحيح كلي واحد يعرف مصلحة نفسو بس...الفكرة العامة انو الكل مايقدر يسوي وقت انو حتى يفهم المادة لأنو الأهم دحين بالنسبالهم انهم يجيبو درجة...ليه مايسير همهم بعد كدة الفهم والمعلومة والدرجة؟

مثال: أنا الصراحة ما احب احضر احياء اتقل ماعلى قلبي اني اروح...بس لو انا عارفة اني حاروح عشان عندي نشاط عليه 10-5 درجات من ال 100 النهائيه طبعا حاروح لوعلى الأقل حاقوم اتكلم عن بحثي قدام الكلاس ( عشان ارفع من مستوى الحوار والنقاش ويسير في حوار وفايدة...ويسير في خبرات وتعلم بسبب بحوثات ونشاطات زي كدة طبعا حروح) يسير الكلاس ممتع ويفيدنا مستقبلا..ويرفعلنا درجاتنا

[شارع الأحلام]

معاكم كلامكم صحيح :)

[fatoom sweety]

اقووووول بلا دفاااارة خلاااص السنة هذه عدت فكروا بتخصصاتكم ودرجاتكم لا تشغلو نفسكم بالخرابيط ...ولا مره فكرت اطور من التحضيري اساسا خليه الشغل هذا عليهم بلا اقتراحات بلا هم!!!!!!!!!!!!!!!!!!!!!!!!!!!!!!!

[Dr.Passed]

المشاركة الأصلية كتبت بواسطة fatoom sweety اقووووول بلا دفاااارة خلاااص السنة هذه عدت فكروا بتخصصاتكم ودرجاتكم لا تشغلو نفسكم بالخرابيط ...ولا مره فكرت اطور من التحضيري اساسا خليه الشغل هذا عليهم بلا اقتراحات بلا هم!!!!!!!!!!!!!!!!!!!!!!!!!!!!!!!

والأجيال الي تحتنا تقعد تعاني من نفس مشكلتنا؟ لازم نهدف الى التطوير. احنا تعبنا في التحضيري بس ايش الفايدة من السنة دي ازا همنا بس الدرجات...ليه مايسير همنا نستفيد ونجيب درجات كمان