حبيباتي للي مع الاستاذه دلال مقاطي احصاء 222 توضيح هام جدا جدا للاستفسارات

[Great sister]

رفــــع

[حيــث الهــدوء]

حيث الهدوء....... ممكن سؤال الله يسعدك شفتي الجداول اللي فيها معامل الارتباط, ووالقيم الحرجه لاختبار ف ,,,,, وقيم مربع كاى كاتربيع المهم الجداول هذي كلها كيف استخدمها الله يسعدك اشرحيلي ع مثال من عندك والله مرررررررره خايفه وهل بتجي في ورقه في الاختبار ولا نحفظها

هلا حبيبي فراشه /اول شي اعتذر على التأخير يادلبو لأني نادر ماصرت ادخل عشان قع اذاكر و ان شاء الله اكون فهمت سؤالك مضبوط

اللي فهمته انك ماتعرفين كيف تستخدمين الجدوال بصفه عامه صح ؟

شوفي حبيبي

اوووول شي .. جدول اختبارات كا ( شقـــــــــــــيه ) ماهو معنا
الان اللي يهمنا هو الجداول الباقيه بيرسون / سبيرمان / اختبارات ت /وجدول اختبارات ف

هذي كيف يجي سؤالها ؟

تعتمد هي على مستوى الدلاله ( يا اما 0.01 او 0.05 ) وايضاً على عدد العينه هذا المعطييات مهمه لإيجاد القيمه الجدوليه وتجي دائماٌ في السؤال ( معطيه يعني )

شوفي : الحين لو تلاحظين بأي مثال اخذناه له تقريباً 6 خطوات للحل وكلها متشابهه ( اللهم اختلافات طفيفه )


وعندنا دائماَ في خطوات حل اي مسأله ( يطلبك ايجاد القيمه الجدوليه )

هذي وش فايدتها ؟؟

فايدتها انك تطلعين ضروري القيمه الجدوليه عشان تقارنينها مع القيمه المحسوبه وتشوفين وش اكبر او اصغر عشان تسوين الخطوه الاخيره اللي هي اتخاذ القرار حلو ؟؟

واتوقع انك فاهمه انا عن وشو اتكلم ( لان سؤالك كان واضح انك فقط تبين تعرفين كيف تستخدمين الجدول عشان تطلعين القيمه الجدوليه )


القيمه الجدوليه عشان نوجدها .. لازم نشوف هي وش طالبه في السؤال يعني عن اي درس تتكلم معامل ارتباط بيرسون ولا سبيرمان ولا اختبارات ت ولا قيم ف

لان كل واحد فيهم له قانون خاص فيه عشان نوجد عن طريقه القيمه الجدوليه

بعطيك مثال في درس بيرسون

قالت لك : لدينا عينه من الطالبات بلغت 10 .. معامل الارتباط لبيرسون كان 0.98 ومستوى الدلاله 0.01 اوجدي القيمه الجدوليه ؟

الحل :

لإجاد القيمه الجدوليه يجب علينا القيام بخطوتين :

ا / نشوف مستوى الدلاله : كان عندنا مستوى الدلاله ( 0.01 )

2 / نكون حافظين قانون القيمه الجدوليه لبيرسون ( مهمممم ) سواءً لبيرسون او غيره .. قانون القيمه الجدوليه لأي درس مهم

قانون بيرسون يقولك : ن - 2

و ( ن ) هي دائماً عدد العينه .. عدد العينه ننقص منها 2 ( هذا قانون ثابت لبيرسون )

يعني :

عندنا عدد العينه = 10

10 - 2 = 8

8 هي درجة الحريه لبيرسون حلو ؟

الان اوجدنا درجة الحريه .. وايضاً عرفنا مستوى الدلاله ( 0.01)

الان نروح للجدول الخاص في بيرسون ( وهي بتجيب لنا الجداول جااااهزه مثل ماهي عندك بيدك ومكتوب عليها هذا تبع مين )

نروح للجدول :

الخانه اللي فوق ابداً ابداً ابداً لا تطالعين فيها ( لان كل المحاضرات كانت تعتمد على ذيلين )

يعني المهم عندنا هي الخانه اللي تحت ( مستوى الدلاله لأختبار ذيلين )

شوفي :

عندك في اليمين شي مكتوب درجات الحريه .... هذي وشي ؟؟؟؟

هذي ياقلبي اللي اوجدناها قبل شوي بالقانون حق بيرسون ن - 2 يعني 10 - 2 = 8

8 هي درجة الحريه

تحطين اصبعك عليها

ثم تشوفين من فوق جنب كلمة درجات الحريه / ارقام ... الارقام هذي وشي ؟؟؟ هذي مستويات الدلاله

اول واحد مكتوب 0.01 / 10. / 02. / 0.5 / 10.

الان اللي يهمنا هو اللي مطلوب في السؤال يعني : 0.01 طيب ؟

تجين تحطين اصبعك على درجة الحريه اللي هي 8 وتشوفين وش يقابلها في مستوى الدلاله فقط

والنتيجه اللي تطلع ( تسمى نقطة الالتقاء ) وهي القيمه الجدوليه

نقطة الالتقاء هنا او القيمه الجدوليه هي ؟ ........

عطيني الجواب انتي بردك اللي بتكتبينه

انتظرك طيب ؟

وخذي هذي مسأله ثانيه ابيك تطلعين لي القيمه الجدوليه

يقولك : قامت باحثه بتطبيق مقياس عن العنف الاسري والعدوان على مجموعه من الطالبات بلغ عددهن 12 وكان معامل الارتباط لسبيرمان 0.73 ومستوى الدلاله 0.05 اوجدي القيمه الجدوليه ؟

[الفراشه الخجولهmn]

الــــــــــــــــــــــــــــــــــــــــــــــــ ــــــــــــــــــــــــــف شكر ياعسل وربي ماادري كيف اشكرك والله ماقصرتي ومنحرجه منك تعبتك واخذت من وقتك كثير سامحيني .....الله يسعدك ويوفقك ويزقك ويدخلك الجنه ويبعدك عن النار والله اني ادعيلك من قلبي
نقطة الالتقاء هنا او القيمه الجدوليه هي ؟0,872صح ولاخطأ ياعسل

[الفراشه الخجولهmn]

يقولك : قامت باحثه بتطبيق مقياس عن العنف الاسري والعدوان على مجموعه من الطالبات بلغ عددهن 12 وكان معامل الارتباط لسبيرمان 0.73 ومستوى الدلاله 0.05

اوجدي القيمه الجدوليه ؟ 0,591

بشري صح ياعسل

[حيــث الهــدوء]

نقطة الالتقاء هنا او القيمه الجدوليه هي ؟0,872صح ولاخطأ ياعسل

اوجدي القيمه الجدوليه ؟ 0,591

براااااااااااااااااااافو عليــــــــــــــــــــــــــك







اي سؤال ثاني انا بالخدمه عنووني والحمدلله انك عرفتي اللي استصعب عليك ^.^

[الفراشه الخجولهmn]

واااااااااااي كللووووووووووووش الحمدلله فرحااااااااااااانه
الله يوفقك يارب افديني كثير

الله يكثر من امثالك ياحلوه

[حيــث الهــدوء]

ولو يادلبو بالخدمه ^.^

وترا الماده سهله حيل

على فكره انا صار لي سنه ونص مأجلتها خايفه منها ( لانه حصل لي موقف في الجزء الاول منه )

لكن الان اضطريت اخذها لانها حاست لي الجدول وبجد ندمت اني ما اخذتها من اول لانها طلعت سهله حيييل في المذاكره

فيه شي بعد قالته لنا في المراجعه مره مهم

ان شاء الله اليوم بكتبه لكم اذا صحيت من النوم ( حدي دايخه ابروح اريح عشان استأنف مذاكره )

الله يوفقنا يارب

[الفراشه الخجولهmn]

[size="4"]والله مرررررره كنت مستصعبتها بس دوبي افهمها وطلعت سهله الحمدلله بس بقي لي اختبارا ت لسى مافهمته ان شاء الله يكون سهل ...
كل تأخيره فيها خيره يااااااارب تجبي100

نوووم الهناء .....بس الله يسعدك ماتنسي المهم اللي تقوليه [/size]

[حيــث الهــدوء]

الفراشه الخجوله وبااااااااااااااقي الطالبات

الشي المهم اللي كنت بقوله موجود على هذا الرابط

ضروووووري الكل يدخل

http://www.skaau.com/vb/showthread.p...01#post4097601

[Great sister]

الله يحميكي ويحفظك يارب ياريت تنسخي كل اللي شرحتيه ووضحتيه للبنات وتحطيه في رابطك ورا بعض ماشاء الله تبارك الله ربي يوفقك يارب