شعوري بعد أول يوم دراسي o_^

[بسمهـ خجولـهـ]

المشاركة الأصلية كتبت بواسطة miss doody بنات الشرفية خطة أ بليز ردو ح تداومو بكرة ولا ؟؟ انا عن نفسي ماودي اروح اخاف تكون روحتي ع الفاضي زي اليوم بس الين دحين مترددة ابغى احد يشجعني

وانا كمااان ما راح اداوم

لانو اليوم تعبت واهم شئ عرفت المبنى وكل شئ وهذا اهم شئ << عجبتني

بس برضو متردده << طيب ليه الفلسفه

[neda]

انا بس روحت شفت المبني وخرجت على طول لاني ماطبعت الجدول

[البارود2007]

انا كنت زيكم العام الدراسة تبدأ يوم الإثنين

[دومينيك]

والله اليوم انوااااع الهجوله
كرهت عمري وكرهت اليوم الي دخلت فيه الجامعه
ماتوقعتها كذا
حاسه بالكآبه من اول يوم
طبعا مااخذنا ولا محاضره
والحمدالله بكره ماعندي الا محاضره وحده والساعه 1 الظهر
يعني بكره رااااااحه

[miss doody]

المشاركة الأصلية كتبت بواسطة بسمهـ خجولـهـ وانا كمااان ما راح اداوم لانو اليوم تعبت واهم شئ عرفت المبنى وكل شئ وهذا اهم شئ << عجبتني بس برضو متردده << طيب ليه الفلسفه

بسمة .. اش عندك اول محاضرة ؟؟ ومتى تبدأ؟؟
انا عندي فيزياء من 9:30
وبعدين انجليزي من 11:00

طمنيني جدولك زيي ؟؟؟
وبشري قررتي ولا لساا ؟؟


دووودي

[بسمهـ خجولـهـ]

دوودي

انا كمان عندي محاضره فيزياء تبدا 9:30 وبعدين انقلش من 11 الى 15:50

وانا عن نفسي مررا مالي مزاج واليوم الانقلش ما دخلوا ابدا

انا ماراح اداوم وان شاء الله ما حد يجي من الاساتذهـ<< يارب

[memo_o]

بنات بكره كلكم غيبو ترا وربي ماراح تاخدوا شي كل وحده تكبر المخده وتحط راسهم وتنام
وترا ياويلكم لو رحتوا
انا بروح الجامعه اشقر واشوف في بنات تحضيري ولا لا
واذا شفت وحده منكم بتلها من كشتها

[مشمشانا]

هههههههههههههههههههه

لازم تعب اول يوم دا شر لا بد منه

===

ع العموم اول يوم اذا في شي بدأ اكيد البيو و دكتورتين فقط اللي يبدوأ اول يوم
الباقي من الاثنين و الفيزكس و الماث و الستات حتبدأ من الاثنين
الكمستري دكتورات من الاثنين و دكتورات من الربوع
الانجليزي حسب مين راح تديكم المادة ناس تبدأ بدري وناس راح تدي اجازة

====

جيت اتطمن عليكم ايش سويتو

الحمد لله انا اليوم اول يوم في كليه الصيدلة
و اخدنا 4 محاضرات
محاضرة تعتبر مقدمة من 8لــ9
و محاضرتين من 9لــــ11
و بعدين ساعة فاضين لانو دكتورتنا ما جات
و بعدين جات العميدة من 12 لـــ 1
و اخيرا محاضرة من 1لــــ2
ما عاد فيني طاقة من اول يوم محاضرات
المشكلة انو نحنا الكلية الوحيدة اللي اعطو من اول يوم

=====

يالله سي يااا اتمنى لكم التوفيق

اعتقد مع نظام الدراسة دا ما عد بدخل نت ^^

[سحر البيان]

بالنسبة للتحضيري راح يبدأ الدوام يوم الاثنين و هذا خبر أكيد لباقي المواد

و الانجليزي أظنهم بدأوا من السبت ... الكل مشدد أنكم تبدأوا من أول أسيوع لأن جداولكم مرتبة و مناهجكم طويله


و مع تحياتي و تمنياتي لكم بالتوفيق

قريت رد هذا الأخ في منتديات الجامعه يمكن يفيدكم

بتكلم لك عني انا وما ادري يختلف عن البنات او لا ! طبعـآ او محاضرتين كانت في لخبطه بالغرفه , كانت غرفه 102 بـ مبنى 31 فيها اكثر من ماده بنفس الوقت ! كان عند بعض الطلاب مادة كيمياء و بعضهم عندهم مادة مهارات حاسب الساعه 9 وفي بعض الطلاب عندهم مهارات حاسب بـس الوقت يختلف الساعه 9ونص وكل هالمواد بنفس المكان ونفس الروم ! عشان كذا اتوقع الدكاتره ما حضروا واكيد عندهم خبر .. لان الاداره كانت عارفه باللخبطه وقالوا لنا انتظروا لـ بعد الظهر ان شاء الله تتحدث وبعد ما خلصت المحاضرتين رحت لـ مادة الانجليزي واخذنا كل المحاضرات الـ 4 طبعا انا بالمستوى الثاني , بالمحاضره الاولى عرفنا بنفسه وعرف كيف طريقته بحسب الدرجات واخذنا افعال الـ Be وتصريفاتها بأول شي وبعدين صار يعطينا تدريبات بورق ونحلها و اعطانا بعض المحادثات وقسمنا لـ مجموعات وخلانا نتحدث مع بعض واعطانا اسم كتاب نشتريه والحمد لله اسلوبه معنا بالمره حلوه وطريقة كمان . . ان شاء الله كل شي هين والله يوفق الكل ^_^

http://forum.kau.edu.sa/vb/thread4650

و اذا ردي مخالف أحذفوه بس حبيت أفيدكم ....

[Just Smil]

انا شوفت المباني والغررررف مررة كبيرة الجامعة رجوولي تكسسسسسرت من كثر ماامشي