إدارة موارد بشرية على الاوديوس bus231

[yesyes]

المشاركة الأصلية كتبت بواسطة العكرش نفس الكلام حدث معي لمادة السلوك الانساني الترم الماضي وكنت خايف من الموارد البشريه لكن عدت بخير وعلى فكره وش رايكم بهذي الفقره الي جات بالاختبار التعيين هو الخطوه الثانيه بعد الاختبار ياليت كل واحد يقول وش حلها صح والا غلط

طبعاً خطأ ( لأن التعيين هو الخطوة الأولى بعد الإختيار )

1 الإستقطاب
2 الإختيار
3 التعيين
4 التهيئة المبدئية


وبكدا يكون التعيين هو أول خطوة بعد الإختيار وليس ثاني خطوة

[william]

يعطيكم العافية

الحقيقة الدكتور علي القحطاني شهادتي فيه مجروحه

واتحدى اي طالب يقول ان فيه دكتور دخل عليهم القاعه وقالهم بكل وضوح أجوبة الاسئلة بتلاقونها في الاسئلة نفسها
وبالفعل اذا عرفت فقرة انها خطأ تطلع الي قبلها صح وهكذا دواليك

انا اخذت 95 بفضل الله ووجهت شكر خاص للدكتور على جواله

وعندي نصيحة اكاديمية اوجهها لطلبة تخصص الموارد البشرية:

كتاب ادارة الموارد البشرية هو مرجع لكم في هذا التخصص لان فيه مراجع اجنبية مهمه نقلها لنا مؤلف الكتاب
واعرف شخص سُئل في مقابلة شخصية في وظيفه تقدم لها ،عن معلومات وكانت موجوده في هذا الكتاب وتمنى انه كان يعرفها مثل تقييم الوظيفة ومعايير التقييم وطريقة الاختيار والتعيين .

اتمنى من كل طالب يشتري من أي مكان رف صغير يصف جميع الكتب فيها فقد تحتاج للطلاع عليها مستقبلاً .

بالتوفيق

[salem matare]

المشاركة الأصلية كتبت بواسطة العكرش ننتضر باقي الاعضاء

اعتقد اني حاطها صح
I am not quite sure

[fna]

المشاركة الأصلية كتبت بواسطة العكرش التعيين هو الخطوه الثانيه بعد الاختبار ياليت كل واحد يقول وش حلها صح والا غلط

حطيتها صح

[Faho0ode]

الاجابه خطأ

فالتعيين هو الخطوه الثالثه من خطوات الاحلال والتوظيف وهو يلي الاختبار

والسؤال المقصود به ترتيب التعيين الاساسي وليس كما تم تفسيره في مشاركات الاخوان بان وجوده اولا او ثانيا بعد الاختبار

والترتيب هو :

1 الإستقطاب
2 الإختبار
3 التعيين
4 التهيئة المبدئية

اذا الاجابة خاطئة لان التعيين يعتبر الخطوة رقم ثلاثه والذي يلي الاختبار الخطوة الثانية
فالمقصود في السؤال ذكاء الطالب وفهمه وبديهته وحفظه للترتيب
فالاختبار ليس الخطوة الاولى بل الخطوة الثانية والتعيين هو الخطوة الثالثه بعد الاستقطاب والاختبار
ولله الحمد اخوكم اخذ العلامة الكاملة في هذه المادة الحمد والشكر لك يارب

[سـلـيـمـان]

المشاركة الأصلية كتبت بواسطة faho0ode الاجابه خطأ فالتعيين هو الخطوه الثالثه من خطوات الاحلال والتوظيف وهو يلي الاختبار والسؤال المقصود به ترتيب التعيين الاساسي وليس كما تم تفسيره في مشاركات الاخوان بان وجوده اولا او ثانيا بعد الاختبار والترتيب هو : 1 الإستقطاب 2 الإختبار 3 التعيين 4 التهيئة المبدئية اذا الاجابة خاطئة لان التعيين يعتبر الخطوة رقم ثلاثه والذي يلي الاختبار الخطوة الثانية فالمقصود في السؤال ذكاء الطالب وفهمه وبديهته وحفظه للترتيب فالاختبار ليس الخطوة الاولى بل الخطوة الثانية والتعيين هو الخطوة الثالثه بعد الاستقطاب والاختبار ولله الحمد اخوكم اخذ العلامة الكاملة في هذه المادة الحمد والشكر لك يارب

بيض الله وجهك هذا الكلام الصح

التعيين هو الخطوة الثالثة بعد الإستقطاب والإختبار

[العكرش]

بعضكم عدد الخطوات وحلها صح
وبعضكم عددها وحلها خطا
اعتقد لو جا السؤال عدد الخطوات كان اهون وكلكم بتحلون صح

اين المشكله بقا

المشكله في اسلوب السؤال انا اسميه اسلوب المكر
ميزة الدكتور ما احد يرسب عنده ويزود درجات لكن يستخدم هذا الاسلوب
وسجلت كم فقره غيرها وقت الاختبار ونسيتها(ماتدري الدكتور يقصد كذا والا كذا )
لاحظت نفس الاسلوب ايضا في اختبار السلوك الترم الماضي
الهدف من الاختبار هو معرفه درجة مذاكره الطالب وفهمه وليس...




مايزيد الفقره حيره اقرا الجمله التاليه (موجوده صفحة201 )
الاختيار هو الخطوه الثانيه اللاحقه لعمية الاستقطاب
وفقرتنا التعيين هو الخطوه الثانيه بعد الاختيار

اللاحقه = بعد

وعلى فكره من الناحيه الشرعيه لاتجوز الاغلوطات
وهي محاوله ايقاع العلماء في الخطا بالسؤال بطريقه ما او اسئله غير واقعيه
ومن ثم اشهار وتثبيت خطا العالم

انا جوابت خطا (ومازال رايي انها خطا)

[Faho0ode]

المشاركة الأصلية كتبت بواسطة سـلـيـمـان بيض الله وجهك هذا الكلام الصح التعيين هو الخطوة الثالثة بعد الإستقطاب والإختبار

ومن قال اخوي
وحلاوة السؤال انه يختبر مدى ذكاء الطالب وبديهته وفهمه
وليس مدى كمية المعلومات المحشوه في ذهنه

[aziz8008]

المشاركة الأصلية كتبت بواسطة raul 7 السلام عليكم ورحمة الله وبركاته .. اول شي مبروك للجميع النجاح ... وانا الحمد لله اخذت 90 وهذا فضل من الله ... عادل انت و يس يس تذكرون يوم كنت اقولكم اني سالت واحد من المتخرجين وقال لي بالحرف الواحد ان الدكتور علي القحطاني بالصيف يصير احسن دكتور بالجامعة وانه ممتاز جدا ... اذكر الاخ عزيز كان يعارض الشي هذا ويقول ان الدكتور سمعته سيئة .. يوم احمسكم يا عادل تذكر ... والله ماقصر خويي من جد نصحني اخذ عنده وهذا انا الحين عديتها ب a الحمد لله . الحمد لله . الحمد لله على الاقل ماخاب التعب .. تحياتي

هلا اخوي راؤول

اول شيء مبروك لكم جميعا النجاح بدرجات عالية لانكم فعلا تستحقونها عطفا على الاسئله السهله اللي جتنا ومو ذنبك ان الدكتور حط اسئله سهله وانت جبت الدرجه اللي تستحقها بناء على الاسئلة بس مسألة انك تأخذ اقل من الدرجه المستحقه فهنا المشكله

بالنسبه للدكتور علي القحطاني انا ماقلت سمعته سيئه انا نقلت لكم تجربه معاه الترم اللي راح في مادة السلوك الانساني واللي لا تقارن في سهولتها مع ادارة الموارد البشرية


بصراحه الدكتور علي القحطاني شخص لا يمكن التنبؤ بما يعمل

الترم اللي راح ماده السلوك الانساني طالع من الاختبار واقل شيء اجيب 90 وعطاني 74 ومافيه طريقه للمراجعه سواء ايميل او فاكس او حضور للجامعه الا سويتها وبالاخير تم رفض المراجعه


انا كان امنيتي انه يجيب اسئله صعبه وتطلع درجاتنا من 70 واقل عشان الواحد ماينقهر بعد ماتطلع الدرجات ويقول هذي الدرجه اللي استحقها عطفا على الاسئلة

والترم هذا الحمد لله جبت درجه عاليه جدا جدا قريبه من الفل مارك في ادارة الموارد البشرية طبعا انا برضوه متأكد من حلي هالترم ومذاكر الماده كويس وخذت الدرجه اللي استحقها بناء على الاسئله السهله اللي حطها


والاسئله السهله بصراحه تحسب للدكتور علي وماقصر ويعطيه العافيه على سهولة الاسئلة


بس المشكله وين لما تجيك اسئله سهله والدرجات من 70 الى 80 وتكون انت طالع من الاختبار واقل شيء 90 وتتفاجئ بالدرجه زي ماحصل معانا في السلوك الانساني

وهذي مشكله علي القحطاني اختباراته سهله جدا لكن الظاهر التصحيح بالمزاج او ترم يخسف بدرجات الطلاب وترم يمشيهم وكل واحد وحظه او ان الدكتور يمشي بالصيف ويصير احسن دكتور في التصحيح زي ماذكرت وذكروا اخوياك اللي تخرجو

بالتوفيق للجميع

وكل عام وانتم بخير مقدما