وكيل الجامعة : لا يوجد تاجيل للدراسة في جامعة الملك عبدالعزيز ..

[DoDocyclin]

السلام عليكم

ابغى اعرف لو سمحتوا يعني اخر كلام الناس رايحه و لا لا ؟؟؟

و اللي خايفين من ايش خايفين؟

ازا بكرا جد جديد لا سمح الله و كان في سيول او شي يسير كلام تاني

و ازا نزل مطر و احنا في الجامعة نمشي على طول ؟؟؟؟؟ و لا ايش المفروض يسير ؟؟

و الحمدلله يعني احس الاجزاء اللي اتضررت ما كان فيها خسائر غير خسائر مادية!!

مع العلم انا عندي اختبار السبت و الى الان ما زاكرت ؟؟

بصراحة ماني عارفه ايش اسوي

بليييز احد يديني كلام مفيد ؟؟

و يقولي الخوف من ايش بالزبط؟

[متفائلة دومآ:)]

حسبي الله ونعم الوكيل اللي يسمعهم يقول ماشاءالله من قوة العلم اللي عندهم مايبغو يضيعو شي منو
تبغونا نسير زي الدول المتقدمة في العلم وفي العمل وفي كل شي في حياتنا انتو كمان خليكم زيهم في اهتمامهم في دولهم وخوفهم على الناس مو بس كلام فاضي وكذب تحسبو ارواح الناس لعبة؟
حسبي الله ونعم الوكيل اصلا قد مانقول وقد مانتكلم مافي فايدة.

الله يرحم اللي ماتو ويصبر اهاليهم ويرجع المفقودين بالسلامه ويصحو المسؤلين عندنا ويسيبو النفاق والغش

[ToOoFi]

اخت دودوكلاين

اول شي لاتتكلمي في شي منتي عارفتو

الاجزاء ع قولك الي تضررت مافيها الا خسائر ماديه لا ياحبيبتي

ناس ماتوووووووووووووووووووو وسيارات راحت
وبيووت واوراق خاصه وملابس وفلوس ..

افتحي اليوتيوب وشوفي الي راحوا بسبب هذا السيل اليي صار

وبالنسبه للجامعه صراحه اشجعك ع السؤال الي طرحتيه

سؤال جدا رائع

انا ارح اجاوبك عليه

اول شي جامعتنا العزيزة قريبه جدا من بحيرة المسك الي يقولوا انها رح تفيض بمجرد نزول الامطار عليها

يعني لو فاضت رح يصير سيل .. ولما يصير سيل وانتي في الجامعه ايش رح يصير فيكي ..؟؟؟؟؟؟؟؟؟

رح تغرقي ونغرق كلنا ويجرفنا السيل ونصير جثث مفقوده زي الباقيه

هذا ياحبيبتي الي بيصير

انتي الان قرري

تبغي تداومي والا لا .؟

وتحياتي
والمعذره ع الكلام ولكن كلو بصالحك

اختك/ ToOoFi

[mohammad110]

حسبنا الله ونعم الوكيل
والله المفروض يقدم مسؤلي الجامعة للمسائلة بسبب تعريضنا للخطر ,,

[Eng. MeZo]

يلا يا شباب خلونا نقط ونستأجر الهلكوبترات حقت الدفاع المدني

وهي كدا كل يوم بتحوم فوق راسنا وأحنا بالجامعة من غير أي فائدة

لووووولز...

[Max Dark]

يانااااااس ياااعاااااالم
يا مسؤووولي الجامعه ..
نطااالب بإجااازة , قدروا مواقف النااس اللي فقدت شخص عزيز وفقدت منازلها واغراضهم ..
هل انتهت الرحمه بين الناااس؟!
ماقلنا اجازة شهر قلنا اسبوع ..
جااني خبر ان كلية "دار الحمكه" اخذوا اجازة لأسبوع ..
يعني لو داومنا السبت وحصلت مطر , هل في احد راح يتحمل خسارة الضحايا؟!؟! والا بيحطوها فين ويقولوا احنا مااحتطنا؟!!؟

[اخو اخويا]

انا بداوم واذا مت لا سمح الله الجامعه تتحمل ديتي

خلوكم شاهدين

[اخو اخويا]

====ديتي 1500000

[اخو اخويا]

تدرون الشغله كلها مثاليه

يبغون يسون انهم مستحيل يتراجعون عن قراراتهم

واننا قد المسؤوليه

طيب لو قد المسؤوليه لا تخلون ابنائكم الطلاب في خطر

واوجد الحل الانسب طز في الخطه الدراسيه اهم شي ارواحنا

<<بلا مثاليه زايده>>

[DoDocyclin]

المشاركة الأصلية كتبت بواسطة tooofi اخت دودوكلاين

المشاركة الأصلية كتبت بواسطة tooofi اول شي لاتتكلمي في شي منتي عارفتو اختك/ tooofi

يا ويلي ايشبك اتهجمتي عليا

انا اقصد انو في الجامعة في نفس الجامعة ما كان في الا خسائر مادية

انو مكاتب و المباني اتضررت

صحووو ؟؟

و الله يا قلبي شفت المقاطع و الواحد قلبو بيوجعو مررره

بس الحمدلله الناس ما قصرت ما شا الله لو تشوفي كيف المتطوعين كل يوم في الغرفة التجارية

و الملك كمان ما قصر

الله يرحمهم اللي ماتوا يا رب و يجبر اهاليهم و يعوضهم بيوت احسن من بيوتهم في الجنة

اللهم و هب لهم ازواجا خيرا من ازواجهم يا رب

و ارحمهم برحمتك انت ارحم الراحمين

امييييييييييييييين اميييييييييييييين


و للي خايف و ما يبغى يروح عشان ازا فاض السيل و كدا

لا تنظروا للأمور بطريقة سوداوية

يعني محد يموت ناقص عمر

اكيد تعرفوا قصة نوح عليه السلام مع ولدو

و السفينة

لما عصى الابن ابوه و طلع لجبل

(( قال سئاوي إلى جبل يعصمني من الماء ))

و رد عليه نوح عليه السلام

(( قال لا عاصم اليوم من أمر الله إلا من رحم و حال بينهما الموج فكان من المغرقين ))

سورة هود (43)

يعني لا تخافوا و خلوا إيمانكم بالله أقوى و لو مكتوب لنا نموت حنموت في اي لحظة

و اللي يقول لا انا ما ابغى اموت انا ورايا و ورايا انا لسه صغير

خير فين راح الإيمان بالقضاء و القدر ؟؟؟؟؟

قال تعالى :(( و ماكان الله معذبهم و هم يستغفرون))

استغفروا ربكم بإذن الله ما راح نتعذب

دمتم بود