( ليلة السقوط الكبير ) - اختبار الكمي .. زود همي - "الاسباب والمرئيات"

[مساعد الشهراني]

إحنا دافعين مبالغ كبيره مربحتهم ملاين بس 2600 طالب في قاعة الحمرا خطة (أ) و (ب) أحسب 2600 طالب * (3000ريال + 1000 ريال) = 10400000 ريال وعليك حساب باقي المناطق ...... ولا تنسى أخواتنا الطالبات
وغير كذا ليش لم يتم أخذ القاعة لمدة أسبوعين على الأقل يوم أ ويوم ب ويصير في يوم راحة يمدي الواحد يذاكر خاصة والتكليف بالأجازة لمدة اسبوع بس و 99% موظفين ............ حسبنا الله ونعم الوكيل ...... المهم العالم اليوم طالعين من عزا وليس اختبار ونصيحة انسوووووو اللي مضى وفكروا في اللي جاي ولله يستر من الرياضيات

[fawaz.s]

ماشاء الله عليك

اقسم بالله لو انا اللي احط النتايج لاعطيك ممتاز مو على اجاباتك
بس على هالموضوع

لانه صراحه مبين انك مذاكر ومتعب نفسك وحاولت بس خانت الظروف

يعطيك العافيه مره ثانيه عالموضوع مبدددددددددددددددددع

[الشـــاطـــئ]

لحوووووووول

اجل السالفه كذا هذا ومابعد اختبرت

اجل وش بيصير بعد الاختبار^_^

بسوي معادله مختلفه عنكم في الشكل

بس الظاهر مساويه في الناتج

الله يستر

[محمد3320]

المشاركة الأصلية كتبت بواسطة المهندسكو والله إني ذاكرت واجتهدت وحفظت القوانين وكل هذا كان قبل شهر ولكن لما وصلت للورقة ،،،، تلخبط معلوماتي بسبب الفات إلي سووها وكيف ساعة ونصف تحل أربعين مسألة ... كل مسألة يبغى لها حساب وتركيز

هلا اخوي و انا و الله مثلك مذاكر و مجتهد مرررره في التحليل .

ولاكن لما جات الورقه حاولت اتذكر القوانين ولاكن كل ماكتب قانون اقول اقول مو لهذي المسئله اقوم امسحه .
المهم ضقت مرررره لدرجة اني حاولت اسلم الورقه وأنا ما حليت شي و قلت خليني
اقراء المعوذات و آية الكرسي و اخذت 10 دقائق اقراء آية الكرسي والمعوذات .
و قلبت الصفحة . و جلست اسولف مع الى بجنبي . ريحت و بعدين رجعت للحل . و الحمدلله احس اني وفقت ..
ووفقت في آخر ربع ساعه بمراقب أبن حلال ساعدني في بعض الأسئله .

المشكله انه جميع المسائل مراجعها اليوم لدرجت انه حتى الأرقام ما غيرها


مع العلم بأن بأن ساعه و نصف لا تكفي ابــــداً للحـل .

لان الأجــابــه تـحتـاج من الطالب يحـل المسأله كامله لكي يتوصل للحل . ليست معلومه يستطيع الأجابه عليها من أول ما يقراء السؤال .

[العلم والعالم]

حبيت أنبه لكم بالنسبة لقضيت الوقت جميع المواد مدة إختبارها ساعة ونصف فقط يعني دقيقة زود لا تفكر ولا تحلم بها

هذا الكلام من واقع تجربة عشناها لأكثر من 3 سنوات يعني قضية الوقت لا أحد يقول مفروض يزود الوقت أو أي شي من هالقبيل لذلك كل واحد يحسب على إن وقت إختباره 90 دقيقة فقط

أذكر أول فصل لي في الجامعة وأول إختبار كان لمادة إسمها الإحصاء 101 وهي أربع ساعات وكانت الأسئلة شاملة للمنهج كامل يعني ما خلو فقرة في المنهج ما أتى عليه سؤال أضف لذلكـ أسئله جامدة

طبعاً أخيكـم في الله جلس يحل على رواقه وعلى راحته ويتفلسف بالحل كمان وما دريت إلأ يقول باقي ربع ساعة من الوقت طبعا حنا متعودين على الثانوي يقولكـ باقي ربع ساعة ولما تخلص الربع ساعة يعطيكـ ساعة زووود ما درينا إنا في جامعة

المهم وأنا جالس ورافع رجل على رجل وأحل ولا دريت عن التبيهات التي تطلق حول قرب نهاية الوقت وإلأ ويأتي النداء الأخير باقي من الوقت دقيقة واحدة المهم ويعلن جرس الإغلاق إنتهى الوقت وعلى كل طالب أن يضع القلم واللي يكتب حرف واحد لا تستلم ورقته

المهم وأفكر وإلأ باقي 11 فقرة من الأسئلة ما حليتها المهم وأسمي بالله وحقرا بقرى عدي الى العشرة وألون الفقرات الباقية

لكن الحمد لله عدينا المادة بحمد لله

طبعا من بعد هذا الإختبار أخذت درس وبدأت أستخدم ساعات الحكام في وقت الإختبااار


في الأخير أنا ذكرت لكم هذه القصة لكي أبين لكم أن قضية الوقت قضية أزلية ولن تحل وستبقى على ما هي عليه

لكن النصيحة التي أقدمها لكل طالب لمحاولة تفادي هذه المشكلة هو على كل طالب أن يبدأ مباشرة في الأجوبة ويتركـ الفكرة القديمة التقليدية اللي تعلمناها أيام الثانوي التي تقول إقرأ الأسئلة كاملة ثم إبدأ في الأسهل هذا الكلام ما عاد ينفع في التعليم الجامعي

لذلكـ إبدأ على طووووول في الحل وأي سؤال ما تعرفه عديه ورووح للي بعده ولا تقعد ولا دقيقة تفكر فيه لأن الوقت ما يسمح لأن قضية إني بجلس أفكر وأتذكر الحل ما تنفع نهائي اللي ما تعرفه سيبه وعلى اللي بعده وبعد ما تخلص اللي تعرف إرجع الى اللي ما تعرف وحاول فيه ولما يكون باقي نصف دقيقة ضلل الأسئلة الباقية التي لم تستطيع حلها لعل وعسى أن تصيب الهدف



الله يوفقكـ الجميع لكل خير

[تـفـاااحـه]

انتو ليش زعلانين بالعكس انا درسته السمستر الى فات وكانت الاسئله حلوه
بس الى كان منتبه وقت الدوره راح يفهمها

[بكالوريوس]

انا مااقول إلا حسبي الله ونعم الوكيل على :

1- اللي حط الأسئلة كأننا انتظام مو انتساب .
2- على اللي قرر ساعة ونصف في جميع المواد .
3- على من خلا لون الورق اصفر يجيب الكآبة .
4- على من درسنا في الدورة التأهيلية واعتمدنا على الملخص اللي كتبناه طوال فترة الدورة وفي الاخير كل اللي جاء من الكتاب .

ياحسافة على سفرتي لجدة مشان التحليل الكمي والرياضيات اللي مايندراء وش مصيره .

واخيراً ياجماعة انا حليت فقط 8اسئلة صحيحة والباقي كله تخمين وربكة الوقت ماخلت لنا لا تحليل مسائل ولابطيخ حتى القانوين والله حافظها لكن الربكه على المسائل الغريبة خلطت الحابل بالنابل وتخلبطت في راسي القوانين للاسف كل هذا بصوب والوقت اللي خانقنا طول الوقت بصوب .

حسبنا الله ونعم الوكيل

[جندي اول طيار]

فل يسقط التحليل الكمي

فل يسقط التحللي الكمي

فل يسقط التحليل الكمي


والله خويكم <<< الي هو انا , مدربي راسه ومعتمد على خويه

الي جنبه بس شكلها ( راحت تطلب جت مديونه )

وهاردلك يا شباب وان شالله انا ناجحين

يقول الشاعر
حنا الي ما تهزنا الرجال العواصيف * وش عاد ورقه تقول اجب عن الاتي

شدو الحيل وبالتوفيق

دمتم بوووود

[تـفـاااحـه]

بس بمادة الاحصاء لليوم مو داريه كيف نجحت لانه القاعه كانت برد وانا زي الاطرش بالزفه
صرت احل حادى بادي عشان اخلص واطلع
والحمد لله على كل حال

[الغثيان]

ياخي ما فيه وقت
والله تقول نشحذهم
وشي ساعة ونص والله ما يمديك تمر مجمع جمجوم الا الوقت راح
وهذا تحليل كمي
يعني اقصاد دولة
مو تفويرة شاي