كــل شـــيء عن خـــطه الف ^^

[BERO WoOoW]

الله يوفقك ياقلبوا ويعطيك على قد نيتك :)

[زينه العبدالله]

مشكوره أخت ميعاد ماقصرتي ..وحبيت أزيد شوي ع كلامك..
انا خطه (أ) اول شيء الي يقول خطه أ سهله معللييييش كلام فاضي ...انا ما أقول هي صعععبه بس مو أقل من خطه ب ..المهم مودا الموضوع ...انا بصراحه أقولها كأني إنتسااااااااااب كل شي أشرحه لنفسي والله بجد ..ما أفهم ولا شيء من الأستاذات حسبي الله بس .
نبدأ الرياضيات ...الحمد لله مانقصت فيه إلا 3 درجات لحد الآن >>قولوا ماشاء الله ..الله يستر هببت في النهائي مرره ..
كيف ذاكرت ماتتوقعوا ؟؟!! الأستاذه حقي عددددددددددددددددددددددددددددددددددددددددددددددددد دددددددددددددددددددددددم..
وكتاب الرياضيات نصيحه والله يشتت مرررره بالذات النهايات مررره يشت يشرح اش يعني نهايه ومافي تمارين ..لكن شبتر 1 مهم من الكتاب..وذاكرت من كتاب اسمه محاضرات في الرياضيات لطلاب وطالبات السنه التحضيريه لمحمد الغامدي وعبد الله الدوسري..والله وقسم بالله انوا الدوري الأول جات منه نص الأسئله ياناس والله كلها بالذات أسئلة الأختبار نهاية الكتاب مرره تمام..ولا تنسوا ملازم حمزه أبو جبل بالذاااااتت للنهاية والأشتقاق يعطيك أفكار جديده ماهي موجوده في الكتاب ويجي منها في الأختبار..وترى الكتاب الي قلته فوق ترى مو كله معانا لأن هو حق العام ومنهجهم عارفين يختلف عننا هما عندهم زايد وأحنا كمان زي مثلا القيم العظمى والصغرى ماهي موجوده فيه ..والتكامل كمان عندنامبسط وهما كان مرره موسع ,,وش كمان ..بس والله نصييييييييييييييحه مني شدوا حيلكم بالذات في الرياضيات في الأختبارات الدوريه وبالذات الأول لأنه سهل مرره لازم تجيبوا أكثر من 25..لأن النهائي طوووووووووويل وصعععععععب ذاكرته أسبوع والله انه كان نار والأختبار كان كابوس ..ملا حظه في الرياضيات أسئلة الكتاب الي وراء وقسم بالله ما قد حليت منها تشتت ..بس عشان ذمتي فقط 1.6 بس لأن مالقيت له ملخص ..وجبت ولله الحمد 28 و29...
أما عاد الفيزياء الكتاب لا تشتروووووووووووووووووووووووووووووووووووووووووووه نصيحه والله خسارة فلوس ع الفاضي وكبير وثقيل يجيب المرض وقسم بالله اني ما أعرف شكله كيف ولاقد فتحته بس أذاكر من ملاوم أشرف بركات..والأستاذه حقنا ماتشرح تمام وجبت ولله الحمد فوق 25 .ولا تتعبوا نفسكم في مسائل طويله لأنها ماتجي إلا أسئله مباشره وأسئله قدرات يعني فهم وقوانين ووحدات يعنيا لفيزياء لازم تفهم مزبووط مو بس تعرف تحل وخلاص ..
اما المهارات والحاسب ما يبغالها والأسئله سهله ..بس الحاسب يرفع الضغط شويه..وبالتوفيييييق

[bint aboha]

السلام عليكم ورحمه الله وبركاته

مشكوره ياميعادوا الله يوفقكي يارب ويسعدك دوم ويحقق مرادك وأي شي تبغيه عن خطه ب

تلقيه ف مواضيع الأعضاء الثانيين أنا أضفت أشيائي وإذا تبغي لك أنا مستعده أعطيكي هوا

ياقلبي والله حطيته ف المفضله عشان أستفيد منه والله يوفق الجميع دعواتك ليا بالطب ولغروري

ذبحهم ولوجي والجميع يارب والله يسهل ع


تقبلي مروري

[Albert Einstein]

أنصحكم (بالنسبة للفيزياء )

ركزو على ملخصات الأستاذ على الزهراني

وبعدين شوفو أشرف بركات أو غيره

عشين تفهمو !!

[جود الجوري]

مشكوره ميعاد جعله الله في ميزان حسناتك

[M!ss 5o05a]

المشاركة الأصلية كتبت بواسطة رهف الاحساس ماشاءالله سباااااااااااااقه في الخير ياميعااد كنت ناويه أنزل موضوع زي كدا بس رحت مكه << ودعيتلكم كلكم بس بصراحه مادعيت على كل ظلمني كان نفسي ادعي على حقين الحاسب << بس قلت حراااااام وراهم عيال بس ربنا ينتقم منهم على العمووووووم ماشاااءالله أغلب كلااام ميعاااد صح بس بأكد على كلااامها وعندي إضافة بسيطه بسم الله نبدأ المااااااااث <<< مااادة والله حلووووه وكلها نفس منهج تالته من نهايات واتصال وتفاضل وتكامل شغلات زي كدا ومرررررة سهله وطبعا أفضل استادة هدى أفندي ماشاءالله عليييييييييييييها وبالنسبه للاختبارات سواء الدوري الاول و انو كاان مرررررة سهل كلو عرفت أحلو بس أفتكر بالدوي الاول كدا سوال على ماعتقد مامرت عليه وكانت موجودة بمخلصات دكتور حامد السلمي والتاني مررة سهل كلو عرفت أحلو ذاكرت ملخصاتو وملخص المحاضرات تبعي مع الاستادة هدى وعلى فكره مررة كان في رسمات كثيره في الدور التاني ركزو عليها لا تهملوها وبنسبه للفاينل في بنات ذاكرو من كتبهم حق التانويه لان فيها افكااااار كتيرة وأنا بالنسبه ليه ذاكرت ملخصات حامد بس للاسف ماكان منزلها كلها ودوريات حمزه ابوجبل واستفدت من حق حمزه ولكن الاختبااار كان مرررررررررة يبغالو تركييييييييز وانا بصراااحه مررة صدعت وماكنت مركزه فالله يستر على الدرجه دعوااتكم تكوون حلوه وبالنسبه أبغى أقولكم على اللمخلصات تبع حامد هيا عبااارة امثلة بالكتاب قريبه من ملخصات الدكتور حامد بس ايش الي يميزها انو مركز على الاشياء المهمه وجات والله منو امثله ومن هنا حملوها http://www.kau.edu.sa/content.aspx?s...g=ar&cid=12166 الفيزكس<<<ماااااااادة في البدايه رفعتلي ضغط بس انا اقولكم من وين تذاكرو التمارين من اشرف بس الابواب الاولى اما في النهايه انتبهو التحليل مو زي التحليل حق الكتاااب فانتبهو تتطورطو والنظري من البنك <<أkصحكم تمسكوه والله مررررة مهم بالدات النظري وبالنسبه للاختبار الاول مررة كان سهل ومن اشرف ومن الكتاب بس ماكان في نظري فيلو ومرررررة ركزو على الكلاام الي مكتوب في المربع الاصفر مافي اختباار الا جا منو والتاني الكل يقوول صعب وانا اولهم وكنت مزاكره من اشرف ومررة تلخبطت وجيت للكتاب شتان الافكار حق تحليل الرسم يختلف فجات على راسي المهم الكل كاان يقول صعب وانا اولهم بس بصراحه غيرت رأئي طلع سهل <<لمن ذاكرت للفاينل من البنك والله يسعد الي دلتني عليها والكتااب رحت حليتو كل الاسئلة مرت عليه والله في اسئلة نفسها سمسم من البنك والله مابكذب عليكم شوفوها انتم بنفسكم مررة ندمت اني ماذاكرت منو بالدور التاني ونجي للفاينل الحمدالله مررررة كان سهل ونفس الكتاب وفي كمان من البنك جا بس اغلبو كااان مرررة حلو وينحل وانتي مغمضه اتلحمدالله ان شاءالله الكل تكون درجاتو حلوه <<ادعولناا ونسيت ما أقووول أحسن دكتوره لبنى ماشاءالله عليها انا ماحضرت لها غير مررة وحده كانت بتراجع والله جاني البكاء من جد مررة كرهت دكتورتي بس حبيت في النهايه << مدري ليش والسكيشن << مرررررة لا تهملو يابنات لاازم تروحو ترا وافضل استادة هيفا الله يسعدها تحل معااكي نماذج والاشياء المهمه وتركزلك عليها مررررررة يناسو عليها وكمان لا تنسو في ملخصاات الدكتور علي شارح بالعربي مررة خلوه وفي تبع الامثله حقو افكااااار حلوه ولا تنسو قبل اختبار تشوفو نموذج الاختبار الي حاطاه الدكتوره ثريا هذا موقع الدكتوره ثريا: http://tbaeraky.kau.edu.sa/content.a...www.kau.edu.sa الاتصاال << ماادة لزيزه بس اقرئي وروحي حلي ماعند كلاام أقول فيها ان شاءالله تضمنو الكل فيها a+ الحااااااااسب<<مااااادة كرهتا بعد الظلم الي جاني منها ومو بس انا في كماان غيري حسبي الله عليهم الله ياخذهم والله مررررررررة ماسامحهم ولا على رع درجه فمابالك درجااات نقصوني الله يحرق اجهزتهم قدها خربااانه خلقه والله الى اليوم كل مافتكر ادعي عليهم الله لايسامحهم لا دنيا ولا أخره ومرح اتكلم عنو لاني مرررررررررررر متنرفزه منو يكفي الي قالو البنااااااات وبس هذ الي عندي تقريبا وياااااااااااريت تدعوووووولي من قلبكم والله جايه تعبااان بس قلت خليني انزالكم الموضوع لعل أحد يستفيد منو وبالتوفييييييييييييييييييييييييييييييييييييق جميعا

ماشاالله انتي كمان شرحتي ووفيتي

دعيتيلي انا كمان >>تدخل نفسها بالغصب ههههههههه

[hanofa]

الله يسعدك ياميعاد هنوفتك حبتين

[طيوف الحب]

ميعاااااااااااااااااااااااااد

الله لا يحرمك الاجر
ويجزاك كل لخير
ويوفقك في الخطة الجديدة للفل مااااارك ياااااااارب

والله ما قصرتي انتي والبنات اللي كتبوا مداخلات وردود
الله يوفقكم وتكون خطبة ب اسهل عليكم من أ

وبالتوفيييييييييييييييييق للكل أ و ب

[ḄęŞĥỜờỞ]

ميع’ـآإد ،‘

الله يسِسِعدكـِ وٍيوٍفقكـِ يآإآإرٍب ،‘
وٍربيّ يجزِآإكيّ كل الأجرِ إنـ شششآإء الله ،‘
<<~ مآعنديّ إضآإفآإت أزيديهآإ ع اللي قلتوٍهـ ,,
مآإششآء الله عليكيّ ،‘ كفيتيّ ووٍفيتيّ .. وٍالبنآإت الله يسسعدهمـَ مآقصصروٍآإ

وِالله يوٍفقنآإ أجمعيـــــ’ن وٍيسسهل علينآإ خطة ب ,,~

[سونـــــــــــــــــــــا]

ميعــــــــــــــــــــــــــــــاد
الله يسعدك دنيا وآخرة ويحقق كل أمانيك وأحلامك وينجحك وان شااااااااااااااااااااء الله عقبال الدكتوراة
ياااااااااااااااااارب
تقبلي مروري يالغلا
شكرا لكل من تفاعل مع ها الموضوع