.....[[ إســـتـــفـــسـســآرآتـــكـــم ~ الــطــــبـــــيــة ~ هــــنـــــآ

[Aowedh Alsolmi]

دكتور آسمه السقاف له عيادة خاصة وشهير جداً , والله مااعرف مكانه بس اعتقد بالمطار القديم وحولها ..

ماتشوفون شر ..

[الخزاميه]

حبيباتي ابغا اسوي تقويم ومو عارفه افضل دكتور يسويها بليز دلوني
على مركز ممتاز واسسسعاره معقوله

[حلاي من حلى روحي]

عن تجربه شخصيه انصح بالدكتور ايمن المنشاوي في عيادة سمارت قريبه من عزيز مول=)

وهذي الروابط ان شاء الله تفيدك..
دلوني على أفضل دكتور أو دكتورة لتقويم أسنان ؟!!!

اللي سوت تقويم في المدار تدخل بليززززز

[rubi]

السلام عليكم

انا عيني تعبانة ياناس وحطيت الموضوع بالساحة عشان داك القسم اللي اكتر الاعضاء بيروحوه

ياريت تنقلوه للساحة العامة لاني باقيلي يومين بسسسس عشان اختار الدكتور

بليز رجعوه للساحة العامة لاني حتضرر لو جلس هنا

[i am ambitious]

السلام عليكم
بنات انا حابه اسألكم عن تقويم الاسنان لاني رح اركب قريبا بس متردده لان الدكتوره قالت لي انه لازم نخلع سنين من الفك العلوي وايضا من الفك السفلي ...بس مرررررررره خفت لمن قالت نخلع انه بعدين اسناني ماتاخذ استقامه واحده ويصير فراغات بعدين ..........ابغى كل وحده تقولي رايهااولو سوت تقول تجربتها......ومشكورين مقدما.

[الشيمآء]

السلام عليكم ~

بنات
مين قد عملت ليزك ؟ و فين ؟
أحد جرب المغربي ؟

أنا جددًا متحمسة و مستعجلة كمان, بس بابا متخوف و يقلي اسألي و شوفي مين أحسن دكتور و كدهـ :/

شكرًا :) .

[مهاوي2008]

المشاركة الأصلية كتبت بواسطة الشيمآء السلام عليكم ~ بنات مين قد عملت ليزك ؟ و فين ؟ أحد جرب المغربي ؟ أنا جددًا متحمسة و مستعجلة كمان, بس بابا متخوف و يقلي اسألي و شوفي مين أحسن دكتور و كدهـ :/ شكرًا :) .

هلاياقلبي بنت عمي سوت ليزك وخالتي بمستشفى سليمان فقيه عند احمد الديب ومررره ماشاء الله العيون صارت كذا من قوة النظر ماشاء الله تبارك الله

لاتخافي ترى جدااا سهله وماتاخذ وقت


واختي سوت عملية عدسة كلفتها 26 بالمغربي

[فلانه]

السلام عليكم
شعري يتساقط بشكل كبيير ..وجااااف ومتقصف وتالف ..ماسكات الشعر والزيوت تزيد التساقط ما اقدر استخدمها ..وعندي فراااغات في مقدمة شعري..المشكلة ان شعري فيه شيب فمجبورة اصبغة كل فترة .. استخدمت بخاخ فوركابيل حوالي الشهر او اكثر زاد التساقط بشكل مخيف وقفته على طول ورحت لدكتورة .. طلبت منها تكتبلي المينوكسيدل لأني ابغى شيء يوقف التساقط وينبت الشعر بشكل سريع .. ما نصحتني فيه .. و طلبت مني اسوي تحاليل للغدة الدرقية والحديد و هرمونات الحليب الذكورة .. طلعت الحاليل سليمه .. كتبتلي امبولات رويال بلاسنتا وفيتامين وشامبو للتساقط .. استخدمتها اكثر من ثلاث شهور وما استفدت شيء ما وقف التساقط وشعري جفّ اكثر والفراغات زادت ووضحت اكثر مع اني وقفت الصبغة من اول ما استخدمت العلاج .. ما راجعت الدكتورة لأني ما ارتحت لها .. قلت بأروح لأدمه ..كنت بأحجز عند دكتورة نوال بس ما لقيت حجز بدري وانا مستعجلة .. فحجزت عند دكتورة انتصار محفوظ .. ما اعرفها او سمعت عنها.. خايفة اروح لها وما استفيد شيئ
كنت بأحجز عند cosmoderm عند دكتورة مها دحلان بس الرقم الي في موقعهم خطأ وما اتوقع القى حجز قريب .. وقريت في منتدى كويتي عن منتجات من ماركة Brelil Bio-Professional للشعر التالف في صيدلية بوتس بس لما فتحت موقع الصيدلية على الانترنت ما لقيتها في فرع السعودية .. مين جربت منتجات بوتس للشعر؟ ومين جربت ابر الميزوثيرابي للشعر ..كنت متحمسة لها بس لما سويت بحث في قوقل الاغلب ما استفاد منها وتساقط الشعر بعد ما وقفوها والي تمدحها تكون لسا ما وقفتها .. خوفوني منها


تعبت نفسياً من شعري .. مين سمع عن الدكتورة انتصار محفوظ ؟؟كيف علاجاتها ؟ ومين جرب ادمه للشعر ؟و مين يعرف دكتورة او دكتور كويس للشعر بس ما تكون مواعيده صعبة ؟

[little Angel]

بنات سمعت انة في عيادات يعملوا لك ليزر بس الاختلاف عندهم انة في خدمة ذاتية يعني مثلآ لو تبغي تعملي للمناطق الحساسة هم يجهزوا لك الغرفة ويعطوك التعليمات ويخلوك لوحدك انتي تعملي لنفسك,,,,سؤالي فين ممكن الاقي عيادات خدمة ذاتية لليزر بجدة ومين جربتها؟؟؟؟
مشكورين..

[alaa1407]

هلا ياعسل (فلانه) مشكلتك نفس مشكلت اختي ومافي شي يخطر في بالك الا جربتو من ادويه ومافي مركز الا راحتو وكلهم مامنهم فايده كانت تاخد ميزوثيرابي اتحسن مرره شعرها جلست 3 شهور او اكتر اول لما وقفت فعلا شعرها رجع يتساقط والاعلاج الوحيد الي ادى نتيجه هوا بخاخ تبع التساقط 5% نسيت اسمو بس اول لما توقفو يرجع شعرها ي ماهوا وكتير دكاتره قالولها فايدته طول مابتستخدمو اول لما توقف راح يطيح الشعرحتى دورت عن طريق النت عن مراكز علاجيه برا المملكه وكلهم ابر وكورسات والى الان وهيا بنفس المعاناه