::هنا ضعي استفسارك.. عن جدولك وموادك:: .. *_^

[وردة الروح]

الحقونييييييييي مبادئ قانون عند ليندا ايش اسوي مااقدر احذف المادة لانه متطلب اساسي ايش اعمل شوروا علي

[سلاااف]

المشاركة الأصلية كتبت بواسطة وردة الروح الحقونييييييييي مبادئ قانون عند ليندا ايش اسوي مااقدر احذف المادة لانه متطلب اساسي ايش اعمل شوروا علي

اسمعي انا اخذت عندها دي الماده شوفي هي معصبه
بس ع البنات اللي يستاهلو اما المحترمات زي >> مصدقه نفسها خخ
بس من جد كوني محترمه معها وهي طيبه واسئلتها فيه صح
وخطا ومقالي يعني كلهم كذا صح كانت المذاكره كله
حفظ وكطويله بس كله يعتمد عليكي اذا ذاكرتي بتجيبين درجه حلوه
لاتحذفينها ولا شي وبالتوفيق

[الوردة المشرقة]

ملحوظة هامة : يستخدم هذا البيان داخل الجامعة فقط


التسجيل المادة أسم المادة الوحدات الأيام الوقت المبنى الغرفة النوع
14/02/2011 acct 102 aa مبادىءالمحاسبة 2 3 s.m.w.. 8.00 8.50 420 103a q
14/02/2011 bl 230 ea قانون اداري 3 s.m.w.. 10.00 10.50 003 303a q
14/02/2011 isls 301 fa الثقافة الاسلامية (3) 2 s.m.... 11.00 11.50 420 207b q
13/02/2011 pad 331 da سياسة عامة وصناعة القرار 3 .s.t... 9.30 10.50 420 209b q
14/02/2011 pad 351 ba بحوث العمليات 3 .s.t... 8.00 9.20 420 102a q
13/02/2011 pad 370 ga ادارة خدمات صحية 3 .s.t... 11.00 12.20 003 304a q
عدد الساعات الفعلية ========>هدي المواد الي انا منزلها بس سؤال استاذة ليندا تعطي قانون اداري

[..عـ أنثى ـذوبة..]

ملكة

للامانه سلوك ومحلية مادرستهم ..

بس احس تمام جدووووولك *_^

[arwa al-harbi]

المشاركة الأصلية كتبت بواسطة ..عـ أنثى ـذوبة.. ملكة للامانه سلوك ومحلية مادرستهم .. بس احس تمام جدووووولك *_^

تسليييييييييمين عذوووبه

طيب اللي اخذوو سلوك تنظيمي وادارة محليه

ابغى اسألكم كيف صعبه ولا سهله ؟؟

اخاف يكون ضغط علي


انتظركم بلييييييييييييييز

[منتظرة الفرج]

ملكة بكبريائي

جدولك حلو بس كمان يعتمد على الاستاذه
اذا اخذتي ادارة محليه عند استاذة عنود فحلو جدولك

محاسبة ماده حسابيه لازم مذاكرة اول باول
مبادئ قانون طويل وفيه مصطلحات بس سهل للي يذاكر بتركيز وبفهم مو حفظ مجرد
ثقافة اسلاميه سهله واسئلتها موحده موضوعيه
سلوك تنظيمي احلى ماااده ممتعه للقراءة وكمان سهله اختباراتها وتفيدك بالحياة
خذيها مع استاذه بدرية الجهني واضمني ال a
اخلاقيات عمل كمان ماده سهله على ماسمعت

يعني المادتين الدسمه شويه هم المحاسبه والقانون طويل
بس والاداره المحليه لو مع استاذه غير العنود غيريها وبالتوفيق

[arwa al-harbi]

المشاركة الأصلية كتبت بواسطة منتظرة الفرج ملكة بكبريائي جدولك حلو بس كمان يعتمد على الاستاذه اذا اخذتي ادارة محليه عند استاذة عنود فحلو جدولك محاسبة ماده حسابيه لازم مذاكرة اول باول مبادئ قانون طويل وفيه مصطلحات بس سهل للي يذاكر بتركيز وبفهم مو حفظ مجرد ثقافة اسلاميه سهله واسئلتها موحده موضوعيه سلوك تنظيمي احلى ماااده ممتعه للقراءة وكمان سهله اختباراتها وتفيدك بالحياة خذيها مع استاذه بدرية الجهني واضمني ال a اخلاقيات عمل كمان ماده سهله على ماسمعت يعني المادتين الدسمه شويه هم المحاسبه والقانون طويل بس والاداره المحليه لو مع استاذه غير العنود غيريها وبالتوفيق

ربي يسسسسسسعدك ياشيخه روحي الله يوفقك ويطمنك زي ماطمنتيني

ابششرك ادارة محليه عند عنود السبعان
ومحاسبه عند سحر وسلوك بدرية الجهني
كله تماااام الا القانون لييييندااا


عندي تعارض وصراحه ماابغى افووت الاستاذذات هذوول
يمكن ماالقاهم الترم الجاي

[منتظرة الفرج]

بنات اللي يسألون عن استاذة خديجة الحربي استاذة رائعه جدااااا نفسي اخذ عندها ماده ثانيه
بس فيه بنات متعقدين لسبيين الاول انهم يغيبون وما يأشرون اللي تقوله
وثانيا ما ذاكروا من الملزمة (ملزمة عذاري الله يسعدها ) نفس الكلام اللي تقوله
بس لازم كمان تأشروا لان فيه اشياء بسيطه ناقصه بالملزمه ممكن تنذكر بالمحاضرة
واللي ما انقال محذوف يتكلم عن دولة الكويت


الاستاذة بدرية الجهني كذلك استاذه طيبه جدا واخلاق وتشرح من قلب
واسئلتها جدا سهله اللي يذاكر نفس ليلة الاختبار يقدر يحل بس اللي تبغى تقدير كويس تذاكر قبلها بفتره
خذوا عندها سلوك تنظيمي

الاستاذه عنود السبعان فرفوشه وتنكت حلو شرحها وكمان الاختبار الدوري الاول
ما يدخل بالاختبار النهائي
اول اختبار دوري تصعبه شويه بس بعدين تريح الطالبه ممكن
تاخذوا معاها سلوك تنظيمي وكمان ادارة محليه


مبادئي قانون خذوا مع ماجده فؤاد لان هي اهون من غيرها
اللي تركز معها تجيب درجة كويسه
بس انا عن نفسي كنت امل من المحاضرة وقد اني مااشوفها لاني اجلس ورى وهي تجلس وتشرح *_*
بس احيان تحرج البنات المسرحين وتسألهم ,,ركزوا لصالحكم

الدكتورة خالده لمادة علوم سياسيه رغم اختلاف البنات
الا اني اقول اللي تشارك راح تاخذ درجة كويسه اكثر مما تتوقع
لانها تحب البنات اللي يشاركون وما تحب الهدوء بالمحاضرة تحب التفاعل من الشعبه
اسئلتها شويه صعبه تقول عللي الصح يعني تحفظي التعداد والتعاريف عشان التصحيح لو جاك خطأ
بس الاختبار النهائي يكون سهل طبعا هي تطلب كتاب لصدقة فاضل بس انتوا امسكوا الملزمه
او اكتبوا اللي في شرايح العرض حقها هو نفسه وهو اللي يجي منه بالاختبار
الكتاب زيادة ثقافه سياسيه *_*

نظرية تنظيم اخذتها مع استاذة مها البرادعي نذاكر بس من السلايدات اللي تعرضها رغم انها تقول لنا
مممكن اجيب لكم من الكتاب بس ما تجيب ولو جابت شئ بسيط
يعني اقرؤوا الكتاب مع مذاكرة جيدة للمعروض بس جيبوا لها البحث اللي تطلبه
من بدري عشان ما تنحرجوا وتقعد تقول اقروا قدام البنات وتناقشكم *_*


الدكتورة رجاء اخذت عندها مااحب اخذ عندها مره ثانيه هي طيبه
يعني تحترم البنت اللي تشارك ولا تتكلم حتى الشاطرين اللي يشاركون تاخذ برايهم
لما يقلون ما نبغى المحاضرة الجايه او يقترحون زيادة وقت وما يجون يوم
بس اختبارها كلام كبير *_* يعني مو على قد ما يحدث بالمحاضرة ادخلي الاختبار وانتي مذاكره كويس
يمكن البنات ما يحبوا ياخذوا عندها لانها لها طريقه تفضل ان الطالبه تمشي عليها والطالبه
ما تحب التقييد وهذا السبب


بحوث العمليات اخذت انا عند الاستاذة امل تركستاني كانت تركز على النتائج النهائيه بالمسألة بس لما تشوف الدرجات واطيه ممكن تحاسب على الخطوات وعندها ملزمه خاصه فيها
وزميلتي اخذت عند الاستاذة شاهيناز كانت مسهله لهم المادة بشكل مايتصور بس للاسف هذا الترم ما راح تدرس
الماده حوالي 7 فصول كل فصل يحمل فكرة مستقله بمعنى ماترتبط ببعض زي المحاسبه
بعض الاستاذة يشرحون كتاب الدكتورة اسماء باهرمز والبعض تشرح من كتاب دكتور وبالنهايه هي نفس المواضيع



اللغة العربيه 2 (التحرير الكتابي ) أسهل مادة في الخطه الدراسيه
لان الاختبار موحد فالاستاذات يشرحون نفس الامثله وتجي نفسها بالنص بالاختبار
بس هذا مايعني انك ما تفهمين
لان ممكن يكون اختلاف بسيط حاولوا تاخذوها اخر محاضره لانها تخلص بدري يمديكم ترجعون البيت وممكن تغيب الاستاذه لان الكتاب صغير *_*


نظم معلومات مادة تتكلم عن الحاسب بس بدون تطبيق عملي والكتاب كبير
بس لو تلخص ممكن كل فصل ما يتعدى صفحتين بعض الاستاذات يطلبون
بحث وبعضهم تلخيص باب وبعضهم دورت آكسس اخذته مع استاذة اسمها منى الرفاعي
الترم قبل الماضي وكان الاختبار موضوعي
بعض الاسئله نفس الاختبارات السابقه


تطوير تنظيمي ما فيه الا استاذة حياة راجخان بس المادة موضوعاتها سهله
بس ذاكروا كويس لان الاختبار يجي اختيارات وصح وخطأ دقيقه مررره كلمه تغير المعنى
وكمان تحب تحط مقالي بس سهله




نصيحه اخيره تونا نكتشفها
قبل ما تاخذوا ماده شوفوا رأي البنات اول عنها اللي اخذوها من زمان وكمان استاذاتها ومواضيعها
عشان ما تلاقون انفسكم بمواد دسمه بترم واحد
ولا تاخذوا الكلام بحذافيره لأن فيه اختلاف بالاراء لكن خذوا فكره بسيطه

هذا اللي افتكره الحين وبالتوفيق للجميع ان شاء الله

[كاتمة المشاعر]

ياحلوين ردوا عليه بليز ايش رايكم في ابتسام حلواني ونسرين خياط
وشكرررررررررررررررررا

[..عـ أنثى ـذوبة..]

المشاركة الأصلية كتبت بواسطة كاتمة المشاعر ياحلوين ردوا عليه بليز ايش رايكم في ابتسام حلواني ونسرين خياط وشكرررررررررررررررررا

نسرين خياط ابعدي عنهاااا ... اما عن ابتسام نفس سوالك مالقيت رد وكمان محتاارة بينها وبين

هيفاااء ..