ألية استلام الوثائق لخرجين 1436 الترم الاول (تم استلام وثيقتي اليوم 26/04

[أمنيتي أنجح]

المشاركة الأصلية كتبت بواسطة kholoud salim بسم الله الرحمن الرحيم .. اولا اعتذر ع التاخير على الناس اللي طلبو مني اشوف ايش بيصير لكن رح تعرفو السبب الان رحت للجامعه 10.30 بيتي قريب من بوابة شمالية ولمن جيت ابغى ادخل منها كالمعتاد رفضو قلتلها سيارتي مشيت بعد شد وجذب وافقت بس قالت ماحتخرجي من هنا ف اعملو احتياط الدخول من بوابة (جنوبية) اللي هي قبال الجامعة بلازا ,, وهي اقرب لمبنى العمادة الجديد رحت بسيارة للعمادة لانو كان مشوار ودخلنا العمادة بالمصعد نزلت للبدروم انصدمت بالزحمه حاطين استاند في اوراق اخلاء الطرف ( تاكدي لو هي مكتوب انتظام او انتساب او تعليم عن بعد ) عملته وتكتبي اسم و القسم تبعك والتخصص و رقم الهوية والجامعي وتوقعي ,, وتدوري بين الشبابيك وين التخصص تبعك وتوقفي فالطابور ,,, طبعا وصلت المبنى بالزبط 11.15 وقفت لحد ما استلمت وثيقتي الساعه 1 يعني تعب مش طبيعي وطول الوقت دا وانتي واقفى سره المهم تخلصي تشدي الرحال لمبنى 7 اللي هو مبنى العلوم (ملاحظة لازم تروحي جري عشان تلحقي ) المهم تروحي لهناك تصوري 5 نسخ من كل ورقة وسعرها (ريالين ) وقتها لو قالت 200 بعطيها بس اخلص المهم وترجعي للمبنى وللبدروم نفسو (افضل تجيبي اكلك وتقعدي تاكلي لاتروحي جيعانه ) ,, حتلاقي شباك لختم طبق الاصل وطبعا على اخر الوقت فتحو شباك تاني ف ما ادري كيف الوضع معاكم ,,, وخلاص ختم وخرجت من بوابة جنوبيه والله يخارجناااا ,, ملاحظات ركزو عليها :: اهل المناطق البعيده اعملو حساب يوم كامل تقعدو بجده لاوحده تجي وتقول طيارتي بعد ساعه لان مافي احد حيفتحلك مجال وصار دا الشي قدامي البطائق لازم معاكم لان الشغله سلم تستلم افضل شي تجو بدري سالتلكم متى يفتحو قالو 8.30 وحسب كلام وحده انها كانت هنا 9 وخلصت سريع سريع .. اللي حابة تكمل ماستر وتبغى توصيات حتروح اظن مبنى 62 او 64 مدري كم رقمو المهم هذاك البعيد اللي كان تبع الطلاب عند مبنى 420 بس تاكدو منه المبنى عشان حتروحو تعملو التوصية وترجعو للعمادة تاني ,, والحمدلله اني خلصت على خير واستلمت وثيقتي والله يجعلها حجة لي لا علي ويسهل امري واقدم على الهيئة طبعا مالحقت رجعت البيت 2 ف رح اخلي مشوار الهيئة الصحية يوم تاني ,, صح تذكرت شغله .. التسليم طوال الاسبوع يعني لاتخافو وصلى الله على محمد وعلى اله وصحبه اجمعين ,,,

مبرووووك وان شاءالله بدايه خير لك وماقصرتي ع الشرح بس ليش تشدي الرحال وتصوري برا المبنى هههه يقولوا البنات فوق في مكتبه وتصوري هناك بالنسبه لي اخذت وثيقتي وع السياره هههه تعب الانتظار واليوم برجع أختم النسخ المصوره

[kholoud salim]

المشاركة الأصلية كتبت بواسطة أمنيتي أنجح مبرووووك وان شاءالله بدايه خير لك وماقصرتي ع الشرح بس ليش تشدي الرحال وتصوري برا المبنى هههه يقولوا البنات فوق في مكتبه وتصوري هناك بالنسبه لي اخذت وثيقتي وع السياره هههه تعب الانتظار واليوم برجع أختم النسخ المصوره

الله يبارك فيكي ,, ما اعتقد ولا ماكانو كلهم يطلعو يصورو في مبنى العلوم او المكتبة المركزية ,, اساسا المبنى تحسي لسى فاضي اغلب المكاتب مافيها احد او ما انفتحت

ف اقرب شي هو مبنى العلوم مره مش بعيد تخرجي من مبنى العمادة المبنى بوجهك بس


لا والله انا ابغى اخلص ف رجعت لهناك صورت ورجعت ختمتو وخلاص

[اخترت صح]

رحت استلم يوم الاثنين كان فاضي جدا
مافي اي زحمه مو زي ما توقعت

[kholoud salim]

المشاركة الأصلية كتبت بواسطة اخترت صح رحت استلم يوم الاثنين كان فاضي جدا مافي اي زحمه مو زي ما توقعت

طيب كوويس الحمدلله ماحوستي زيناا ووقفتي بالزحمه

[همها رضى ربها]

من ناحية التوصيات بعد ما استلمت الوثيقه رحت لمبنى الجوهره الي هوا مبنى كلية الاداب و تروحي عند دكاتره مو استاذات الدكاتره مثل نادية حجازي و سهام العزب و حنان فوزي هذولا الي انا اخذت من عندهم التوصيات طبعا رحت لدكتوره ناديه و طلبتها توصيه قالت معاك فلاش ميموري قلت لا قالت جيبي عشان انسخلك الورقه و تطبعيها و ترجعيها لي اوقعها طبعا رحت المكتبه في مبنى 13 و اشتريت فلاش و رجعتلها و سوتلي التوصيه و بعد ما خلصت الثلاث الاوراق من الدكاتره رجعت اطبعا من المكتبه و وقعوها لي و ختمتها من السكرتاريه حقت القسم بس مشوره من المكتبه للدكتوره و مره طولت عشان قاعده انتظرهم لانهم يعطو محاضرات تقعدي تستنيهم لين يخلصو الافضل انك تجيبي معاك فلاش احتياط و تجيهم في ساعاتهم المكتبيه و التوصيه تعطيها معلوماتك و اهم شي انك تعطينها الماده الي درستك و تعطينها اعلى درجه اخذتيها في ذي الماده ايه او ايه بلس + بي او بي بلس لازم تعرفي ايش الماده الي اعطتك اياها لانها بتسالك و في دكاتره ثانين بس انا ذولا الي مريت عليهم عشان كانو موجودين

[اخترت صح]

المشاركة الأصلية كتبت بواسطة همها رضى ربها من ناحية التوصيات بعد ما استلمت الوثيقه رحت لمبنى الجوهره الي هوا مبنى كلية الاداب و تروحي عند دكاتره مو استاذات الدكاتره مثل نادية حجازي و سهام العزب و حنان فوزي هذولا الي انا اخذت من عندهم التوصيات طبعا رحت لدكتوره ناديه و طلبتها توصيه قالت معاك فلاش ميموري قلت لا قالت جيبي عشان انسخلك الورقه و تطبعيها و ترجعيها لي اوقعها طبعا رحت المكتبه في مبنى 13 و اشتريت فلاش و رجعتلها و سوتلي التوصيه و بعد ما خلصت الثلاث الاوراق من الدكاتره رجعت اطبعا من المكتبه و وقعوها لي و ختمتها من السكرتاريه حقت القسم بس مشوره من المكتبه للدكتوره و مره طولت عشان قاعده انتظرهم لانهم يعطو محاضرات تقعدي تستنيهم لين يخلصو الافضل انك تجيبي معاك فلاش احتياط و تجيهم في ساعاتهم المكتبيه و التوصيه تعطيها معلوماتك و اهم شي انك تعطينها الماده الي درستك و تعطينها اعلى درجه اخذتيها في ذي الماده ايه او ايه بلس + بي او بي بلس لازم تعرفي ايش الماده الي اعطتك اياها لانها بتسالك و في دكاتره ثانين بس انا ذولا الي مريت عليهم عشان كانو موجودين

شكرا الله يعطيك العافية

بالتوفيق

[همها رضى ربها]

المشاركة الأصلية كتبت بواسطة اخترت صح شكرا الله يعطيك العافية بالتوفيق

العفو حبيبتي واجبنا و التوفيق لنا جميع

[بنت البار]

بنااااات بليييز .. اللي ماخذه مرتبة شرف اش تعمل ..


يعني من فين اخذها وهل فيها توقيع وتصوير وكذا ..


ياليت وحده تفصلي هذا الموضوووع ؟؟؟؟؟؟