سؤال يا جماعة عالابتعاث المرحلة الخامسة

[ملاكي]

طيب ممكن اسأل لو قدمت للقدرات والتحصيلي من جديد يتلغي حقي الاول ؟؟ انا مو جايبه في التحصيلي 77 ونفسي اادخل مره ثانيه بس خايفه انوو يتلغي الاول واتورط وهل في مجال دحين اسجل ؟؟!!!

[bullet4myvalentine]

المشاركة الأصلية كتبت بواسطة مســـــــــــــــك خيتو طيب على كلام الاخrecpect قال ان صلاحية اختبار التحصيلي سنة وحدة طيب انا جبت في القدرات 75 والحصيلي 76 يعني بس درجة وحدة هل لها داعي اسوي الاختبار هذا ولا لا؟ ا

انا بالصراحه اول مره اسمع في صلاحيه اختبار تحصيلي والقدرات
انا شايف شروط حق بعثة الملك عبدالله الله يحفظه جاوزتي جميع الشروط ماعدا التحصيلي لازم تحصيلي 77 على الاقل وانتي جايبه 76

* برنامج الابتعاث تبع الملك عبدالله الله يحفظه
مرحلة البكالوريوس ( يقتصر التقديم على التخصصات الطبية فقط ) :
1. ألا تقل نسبة الثانوية العامة عن 90% في قسم ( العلوم الطبيعية أو ما يعادلها ) .
2. أداء اختبار القدرات العامة على ألا تقل الدرجة عن 70% .
3. أداء الاختبار التحصيلي ، على ألا تقل الدرجة عن 77% .
4. ألا يكون قد مضى على حصوله على شهادة الثانوية العامة أكثر من 3 سنوات بدءاً من العام الدراسي 1426هـ ـــ 1427هــ .
ومعلومه سنه تدرسي انجليش اجباري وبعدها تتخصصي افضل لك تختبري توفل تيجيبي درجه عاليه ومولازم تدرسي انجليش دا مين عندي

* انا كتبت قبل كدا انو في برنامج ابتعاث داخلي وخارجي تبع ارامكو بس مافي تخصصات طبيه

• أن تكون من خريجي الثانوية (علمي, أدبي, تجاري, صناعي)
• أن يكون معدلك العام للدرجات 75% فأكثر
• ألا تقل الدرجة الكليه لاختبار القياس عن 70
• ألا يتجاوز عمرك 24 سنة هجرية
• أن تكون سنة التخرج 1430/1429 هـ أو السنة الماضية 1429/1428 هـ( صلاحيه بس سنه فقط بمعني السنه الجايه مافي)
• بعد ماتتجاوزي كلو الشروط راح يجي لك شرط اجباري تختبري رياضيات عن معلومات تاني وتالت ثانوي

ان شاء الله بكره استفسر موقع القياس عن القدرات والتحصيلي ازا مافيها انتهاء صلاحيه وكمانه امكن يأخدو احسن الدرجات

* النهايه اقولك استخيري ربنا يا تعيدي التحصيلي عشان تيجيبي الدرجه المطلوبه للبعثة الملك الله يحفظه او ارامكو

لا تفقدي الامل يا اختي مسك انتي قولي لي التخصص اللي انتي نفسك فيها وان شاء الله ازا عندي خبر عن بعثات او جامعات او منح انا اقولك اسرع مايمكن

[crespy]

بصراحة حتى أنا أول مرة أسمع عن مدة صلاحية للقدرات والتحصيلي(عند التقديم مو كاتبين أن يكون قد مضى على اختبار القدرات مدة كدا أو التحصيلي مدة كدا) فأتمنى نعرف من فين سمعتو عن الكلام دا بالضبط وشكرا