تجمع طالبات تحضيري علمي الشرفيه خطة أ

[دانه الكويسه]

انا ما عندي انجليزي حاليا عادي لو غبت ؟

[Raghad7]

بنات حبيت اسألكم الشرفية فيها مكتبة اشتري منها الكتب ولا؟؟؟

وبالنسبة لليوم الارشادي لو ماقدرت اروح عادي اجلس في البيت ولا اروح الجامعة اداوم !

[Dr.Najlaa]

انا كمان خطه أ والله يوفق الجميع بس بسأل لو الدكاترا بيحذفوا ويسهلوا المنهج علبنا ولا الكتاب معانا من الجلده للجلده

[بنت عز ما تنهز..]

المشاركة الأصلية كتبت بواسطة دانه الكويسه انا ما عندي انجليزي حاليا عادي لو غبت ؟

الافضل تداومي اول يوم وتسألي دكتوراتك متى بيبدأو
لان انا افتكر بدأنا الاحصاء من ثالث يوم

مموفقين..

[بنت عز ما تنهز..]

المشاركة الأصلية كتبت بواسطة raghad7 بنات حبيت اسألكم الشرفية فيها مكتبة اشتري منها الكتب ولا؟؟؟ وبالنسبة لليوم الارشادي لو ماقدرت اروح عادي اجلس في البيت ولا اروح الجامعة اداوم !

ايوة الشرفية فيها مكتبة خوارزم..بس بصراحة غالية شوية
فالافضل تشتري من المكتبات اللي برا

اما البرنامج الارشادي من وجهت نظري اشوفه مرة مهم..لان بيجاوب على عدد كبير من التساؤولات اللي تدور ببالكم حاليا+بتعرفوا ايش الكليات اللي بيفتحوها جديدة لدفعة 15
وفي معرض للكليات ممكن تسألوا عن الكلية اللي تبغوها

فالبرنامج الارشادي حضوره بيحفز للجد والاجتهاد خلال السنة التحضيريةوبتعرفوا انظمة الجامعة من خلاله

ببالتوفيق..

[بنت عز ما تنهز..]

المشاركة الأصلية كتبت بواسطة dr.najlaa انا كمان خطه أ والله يوفق الجميع بس بسأل لو الدكاترا بيحذفوا ويسهلوا المنهج علبنا ولا الكتاب معانا من الجلده للجلده

في الجامعة مافي شيء اسمه حذف..كل شيء يتذاكر
ممكن يحذفوا كم رسمة في الاحياء بس مع ذلك لازم تحاولي تذاكري كل شيء

بس التحضيرية سهلة
افهمو مع الدكتورة+راجعوا المحاضرات اول باول+حاول تحلو اكبر عدد ممكن من الاسئلة
الاسئلة غالبا بتتكرر كثير في الاختبارات شوفوا اسئلة اختبارات الاعوام السابقة في موقع الجامعة+اسئلة التست بانك والورك شيت
وممكن تستعينو ببعض الملخصات عشان الفهم

بالتوفيق..

[دانه الكويسه]

يعني اول يوم نأخذ شي
و بالنسبة لليوم الارشادي البنات ما قصروا معانا
في الاسك و تويتر و هنا كمان ما عندي اي علامة استفهام

[بنت عز ما تنهز..]

المشاركة الأصلية كتبت بواسطة دانه الكويسه يعني اول يوم نأخذ شي و بالنسبة لليوم الارشادي البنات ما قصروا معانا في الاسك و تويتر و هنا كمان ما عندي اي علامة استفهام

كويس الحمدلله

اول يوم غالبا ما بيكون في محاضرات..بس الافضل انك تداومي عشان تروحي وتسألي دكتوراتك متى بيبدأو محاضرات
اغلب الدكتورات بتلقيهم في مبنى 4 الدور الثاني

موفقة..

[بنت عز ما تنهز..]

افتكرت شيء مهم

الامن ما بيخلوكم تخرجوا قبل الساعة 10:30
فقولوا للسواق او ولي امرك لا يجي قبل 10:30..حرام ينتظر برا في الحر والشمس

موفقين..

[sunshine~]

اليوم الارشادي كان اليوم !!!!!!!
اذا مواليوم متى بالضبط وفين !!