تجمع كلية الهندسة .. 14

[abd alz]

ياجماعه اغلب اللي بشمال جده هندسه مو راضين انا اشووفها مره مابها شي وعلي قولة مزكوم نفتك من الزحمه

[sultanooh]

المشاركة الأصلية كتبت بواسطة abd alz ياجماعه اغلب اللي بشمال جده هندسه مو راضين انا اشووفها مره مابها شي وعلي قولة مزكوم نفتك من الزحمه

فيه فروقات بين الرئيسي والشمال

الشمال لا يوجد به جميع التخصصات الهندسية مثال الهندسة المدنية

شهادة الشمال غير معتمدة دوليا من abet

واخيرا هندسة الشمال حتتحول الى جامعه مستقله اسمها جامعة جدة

هذي اغلب الفروقات يمكن البعض تهمه لذلك مو راضي بالشمال ويبغى الرئيسي


........................



مبروووووووووووووووووووووووك للمهندسين الجدد القبول

نتمنى لكم مزيدا من الابداع

[abd alz]

اخوي كيف مو معتمده من abet وهي جامعة الملك عبدالعزيز اذا انك متاكد من كلامك اعطيني مايدل علي كلامك

[مزكوم]

ي أخوااان اللي يفرق مع الطالب معدله وقت ما يتخرج ..

يعني واحد معدله 4 من جامعة شمال جدة أفضل من واحد معدله 3.5 من المقر الرئيسي .

[abd alz]

المشاركة الأصلية كتبت بواسطة مزكوم ي أخوااان اللي يفرق مع الطالب معدله وقت ما يتخرج .. يعني واحد معدله 4 من جامعة شمال جدة أفضل من واحد معدله 3.5 من المقر الرئيسي .

بالضبط واللي يفرق بعد ان تخصصات الشمال اقل ولكن اقوي التخصصات
لكن اذا انها غير معتمده من abet يدل علي انها لا فائده لها اغلب الشركات او البعض من شروطهم لازم تكون معتمده

[عزوز1111]

السلام عليكم يا شباب احنا مسوين قروب في الواتس أب إذا أي مهندس حاب يدخل معانا في القروب حياه الله و بالذات إذا كان من الدفعة السابقة اللي هيا دفعة 13 عشين نستفيد من خبرته و ندعيله اللي حاب يدخل يراسلني عالإيميل و يعطينا رقمه abdulazizfouadhalwani@gmail.com أو يكلمني خاص @abdlazizhalwani
ملاحظة:القروب بس للأولاد ☺

[مزكوم]

أحد عنده خبر متى يتاح تسجيل المواد ؟..

[OmarBa]

شمال جدة مو معتمدة من abet اذا انفصلت
اما الان فهي معتمدة
والاعتماد ذا علي حد علمي مايفيدك الا برا السعودية سواء كنت بتكمل دراسة او غيره

[zabran77]

السلام عليكم ورحمة الله وبركاته
يا جماعة الخير انا الى حد الآن ما فاهم السافله
طبعا انا جايب في الرياضيات 100 من 100 والفيزياء 98 والإنجليزي لفل 4 جايب 96
الي ابغا اعرفه ليه كاتبين لي لم تحقق الرغبه هندسه الفرع الرئيسي

[حكاية ناي]

الموزون العام كم ؟