شاركنا : ماهي اصعب مادة في السنة التحضيرية

[Ebtihal AlGhamdi]

المواد بصفة عامة سلسة وحلوة

بالنسبة ليّا
أسهل المواد : رياضيات وكيمياء وفيزياء
أمتع المواد وأجملهم : أحياء

صراحة كنت أحبهم وأحب محاضراتهم واستمتع وأتشوّق لكل معلومة أتعلّمها عنهم ..
مذاكرة اختباراتهم اذا بتحبهم ابداً ما حتحس بالتعب وحتستمتع وانت بتدرسهم.


أسوأ المواد وأكثرها صعوبة كانت الإحصاء و الاتصال

الإتصال قد تكون أسهل المواد الأدبية لكن المواد الادبية دائما ما كانت تتعبني من دخلت المدرسة
محاضراته ثقيلة عالنفس رغم انو الدكتورة للامانة كانت ممتازة
ومذاكرته اخدت مني مجهود عظيم
والحمدلله انو عدا وباذن الرحمن اخر مادة ادبية تدخل حياتي

الاحصاء كان غلس رغم اني احب الحسابات بس هوا المادة العلمية اللي ما تقبلتها

بس الحمدلله كلهم عدوا بحلوهم ومرهم.. = )

وأخيراً حنتخصص بالتخصص اللي نحبه ونوجّه تفكيرنا عليه
والله يطعم كل واحد بالتخصص اللي يطمح له يارب ^__^

[Yasmina95]

المشاركة الأصلية كتبت بواسطة sojustme هههههههههههههههههاي لعب عيال ها انت ماطبيتي بالغامدي واسئلته تدرسين تدرسن تحفظين تفهمين شبتر شبتر وبالاختبار كانك ماذاكرتي المنهج لانه يجيب افكار جديدة طبعا احنا طبينا فيه على اساس انه سهل واصلا مذاكرتها قليلة اقل مادة تذاكريها الاحصاء بس تركات مفتوحة اسئلة مباشرة مافيه كان يقول الاسئلة المباشرة هذه بالثانوية ههههههههههه بس الاختبار النهائي الحمد لله عوضنا وماصعبها وحط كم سؤال بس وجاب من الافكار الجديدة اللي بالدوري بس خلاص عرفنا هرجتها ههههه الحمد لله والاحياء ممتعة اللي يعرف انقلش على فكرة لانها تطفش لان كلماتها صعبة ويبيلها ترجمة والترجمة تطفش هههههه

والله معليش حتى احنا الأسئلة حقتنا تجي بشكل غير مباشر ، وشفت نموذج من الغامدي واحد من الأولاد حطو بسكاو
حليت أسئلته اقدر أقولك انها متوسطة يعني تنحل مو داكا الشيء الصعب

بس برضوا لعب عيال 😋

[لهيب الزهور]

انتوا الحين تسمعوا كلامنا عن المواد وتحسدونا عبالكم اسئلتنا سهلة

والله بجد الأسئلة فيها لف ودوران وكثير رسوب حصل في الاحصاء الترم الأول

وشفنا اسئلتكم للمذاكر يقدر يجيب درجة كويسة بالراحة

هذا غير البونس الفظيع اللي يعطونكم اياه آخر الترم

الفرق مو في مستوى صعوبة الاسئلة ،، الفرق في الدفارة والاجتهاد

على قول ياسمين لعب عيال ،، والله لو تشوفوا البنات كيف بيذاكروا

[وحييييد]

احصاء ونقلش 102

[د/ندى]

الماااث اصعب ممماده ويجيبولك اسئلة مدري كيف كانو يقولك اتحداك تعرف تتححل
والاحصااء اخرج من الاختبار اقول حجيب فل مارك وانصدم بعدين من الدرجهه
احلى مادة ههيا الكككيمياء والاحياء ولو ان الاحياء يبالو حفظ كتير ودسم بس المعلومات سهله
امما باقي الموادد فكانتتت زي العسسل والحمدللله (الحاسب - الاتصال - الفيزياء - الانقلش )

ودي

[wafa al7arbi]

اكتر ماده كنت مستثقلتها ((الريــــــااااضـــيـــاااات))
واكتر ماده خسفت معدلي وللاسف (الانقليش!!) *مع اني أبدا ماأشوفوا صعب*
الباقي كلو سهل وa+ الحمدلله

[رفّات حُلم]

بالنّسبة لي :
* الاحيَاء : مادّة تتعب في الحفظ!
نفسيًا : تتعب منها لأنها كثيرة!
خاصّة لو كُنت تراكم زيّي متلًا
مسكينة رجلي تعذّبت عشان احفظ
وأما النطق حدث ولا حرج
* الاتصال & الحاسب : اسهل مادّتين حقيقي
مُزاكرة آخر الليل كفاية =$ .
* الرّياضيات : نوعًا ما سهل أثناء المُزاكرة!
والاختبار طامّة كبرى :( .
* الفيزياء & الكيمياء & الاحصاء : مُمتعين وقت المُزاكرة خاصّة، وحتى أسئلتهم حلوة صراحة :$
* الانجلش : المادة اللي تخسف المُعدل من فين ما تعرف :(

[منصور رده]

اكيد الاحصاء اولا ثم الاحياء لان ابصراحه العيب مو فينا العيب فيهم ..اللغه لها دور في الماده

[sereeno]

بالنسبالي ..

كـأسئلة الرياضيات كاان أجرمهههاااا .. لكن كمذاكرة عموما كنت استمتع فيه وأحبو لاني أحب الحسابات بالرغمم من داا أكررره شي إسموو فيزياء من يوووومممي معنو كان سهل ..

بالتــالي الاحصااء كاان ممتع جدا برضووو وسههل ولكن كنت أجيب العيد بالجزء النظري منو
معنو فالمراجعه كنت أكتشف أنو لو ركزت حبيتين كنت حعرف المطلوب بالزبط قبل لا اتسرع

الاحياء أنا مشككلتي معااه الزهايمر .. يعني لو ما اراجع أنسسسسى .. والحمد لله درجاتو قميييلةة

حااسب اتصال حباايبي الاتنين .. مذاكرتهم تكون بنفس ليلة الاختبار بالنسبالي وكلهم نتايجهم زي الفل ولله الحمد ..

الزوووبد ..

رياضيات وبعدهاا كيميا دول أرزل حاقة

[غروور انثئ]

بالنسبة لي كانت اصعب مادة هي الاحصاء اذاكر مزبوط لكن انصدم بالاسئلة
وهي كانت اقل مادة عندي بس الحمد لله أني عديتها
اما الكيمياء والفيزياء والرياضيات بالنسبه لي اعتبرها من اجمل المواد ومذاكرتها كانت جدا ممتعه
اما الاحياء كان عيبه الوحيد انو مرررره كثير ويبغاله حفظ اول بأول
والحاسب والاتصال مواد جدا سهله وتذاكر ليلة الاختبار..