درستوا خطة ب الترم الأول ؟ تعالوا ساعدوني :)

[Yasmina95]

^
ايوه صحيح
المواد المذاكرة فيها دسمة جدا اكتر من خطة أ واللغة فيها مهمة مرررة
لانه المواد كلها بالإنجليزي بحفظها و بمذاكرتها
بالذات الاحياء اشدد عليه مرة كتير :)
خصوصا انو جميع مواد خطة ب فيها درجات إضافية هههههه شيء حلو


بالتوفيق يا حلوين ^__^

[Positive]

^
موا شكرًا عسل
بس عندي سؤال
دحين في الاحصاء والكيمياء والأحياء الأسئلة موحدة مع قسم البنين ؟؟

[Yasmina95]

^
لا مو شرط ، الاولاد عندهم منسق مادة لوحدهم
كمان منسق الاحياء كان يبغى يلغي فكرة انو عند البنات 10 بونس و يحذف بداله جزئية -_-"
طبعا مع نفسه ، الحمدلله المنسقة ما وافقت

ف هما غير و احنا غير ، كل واحد له منسق مادة

[Positive]

أفضل استاذات خطة أ
الحاسب : أنا كنت مع بسمة السلمي الله يعطيها العافية انسانة تعطي المنهج حقه
وشرحها يثبت ف المخ
الفيزياء : سناء أباضة اذا كنتِ معاها بإذن الواحد الأحد تأخذي معاها +a وأنتي مغمضة بس
المادة تحتاج مذاكرة اول بأول لانه الدروس تعتمد على بعض سناء أفضل أستاذة بشهادة الجميع
مهارات الاتصال : أميرة النمر * انسانة ولا اجمل من كذا مراااا شرحها جميييل يدخل القلب
بصراحة وقت المحاضرة احس نفسي العب مرا انبسط وقت محاضرتها وأتفاعل معاها الله يساعدها
الرياضيات : غادة ، صراحة مرا مرا ما ناسبتني ما ادري العيب مني يمكن
بس ما افهم منها ولا شي الله يستر من دي المادة . د ليندا الزبن صاحباتي حضروا لها
وقالولي جداً شرحها جميل بس للأمانة أنا ما جربت !
الله يستر وتطلع درجة الرياضيات وتفرحني شوياا
الله يوفقكم :)

[Somaiah Yousef]

يعطيكم العافية بجد مآقصرتوو

وحتى خطتنا مفتوح لها موضوع لحاله والبنات والشباب مآقصرو

رآح آتكلم عني شخصيآ ,, انا مو من النوع اللي اذاكر اول بأول ,, وفي محاضرات الاتصال والفيزياء بس سرحانةة


الحآسب
المذاكرة من السلايدات والكتاب ,,
وللمعلومية السلايدات مو نفس ترتيب الكتاب ,, يعني لاتلخبطو نفسكم وتمسكوهم مع بعض
اول شي السلايدات بعدين الكتاب

6 اختبارات
3 عملي 65 درجة
3 نظري 35 درجة
5 درجات بونس اسئلة
في الاختبار النظري 10 درجات و 20 سؤال

استاذتي حليمة سمرا روووعة وعسل وتسوي مراجعة قبل العملي


مهارات الاتصال
المذاكرة قراءة من الكتاب

الاختبار النهائي 40 درجة
النصفي 30 درجة
30 درجة تكاليف

التكاليف :
* اختبار استماع 5 درجات " مقطع وعليه اسئلة "
* اختبار قراءة 5 درجات " قطعة وعليها اسئلة "
* حوار 5 درجات
* برزنتيشن 5 درجات
*سيرة ذاتية وخطاب تقديم 5 درجات
*مقال نقدي 5 درجات

استاذتي اسماء الزهراني
افضل استاذة أميرة النمر وهي المنسقة كمان وتعمل مراجعة


الفيزياء
المذاكرة من ملخص هناء فرحان واسئلة الدوري والتست بانك
اصعب فصل ممكن يواجهك الفصل الخامس والباقي حلووو
وماراح اقل تكرار للثانوي ,, شي اسهل من الثانوي ,, وكلو مسائل وقليل فيه الاسئلة النظرية


افضل استاذة سناء اباظة


الرياضيات

مادة ممتعة وجميلة
المذاكرة من الكتاب بس
وممكن الوورك شوب لو عندك وقت

استاذتي ليندا الزبن خطييرةة .. محظوظةة لو انتي معاهها

المواد سهلةة وجميلةة وبالتوفيييق لكم

[Positive]

^
حبيت أضيف لكم شي
مهارات الاتصال الأسئلة موحدة للبنين والبنات
والأسئلة فيها كم لفة فلازم تكوني فاهمة كويس
انتبهوا لا تحفظوا لا تحفظوا لا تحفظوا
المادة قراءة فقط
الأشياء اللي تتحفظ التعاريف فقط لاغير
كل معلومة اقرأوها بتركيز وبس :)

[Somaiah Yousef]

اي والله مهارات الاتصال عقدتي بعد الانجليزي
هما اللي خسفولي نسبتي :)
الحمدلله

[لهيب الزهور]

يعطييييكم ألف عافية حبيباتي

بجد ماقصرتوا فيونكة وبوستيف

الله يسعدكم ويسهل عليكم كل صعب بخطة ب

وتقدروا تجيبوا أعلى المعدلات وتنزل لكم الرياضيات والفيزياء وتفرحكم




شكررررررا من اعماق قلبي

[Mirinoxd]

خوفتوني من مهارات الاتصال :(
خصوصا انو فيه درجات في يد الدكتورة
ويوم شفت حوار :"""""""""(
يعني انا وبنت نقعد نتكلم؟ wtf!
واختبار استماع؟
انا كنت احسب عرض و تتكلمي قدام الشعبة وخلاص ><!
الله يستر ويحطوني مع دكتورة طيبة وتراعي ف الدرجات :0

والحاسب بنات كتير اشتكوا منو وانو الدكاترة مايشرحوا
بس ردودكم غير
يارب يحطوني مع وحدة عدلة
حرام مادتين زي دي تافهه تضيع درجاات

[Positive]

^ بالعكس المادتين سهلة اذا ذاكرتي
اممم ترا الحاسب ادونا ف اختبار العملي الثالث ثلاث أسئلة بونس عليها 5 درجات
أسئلة جدا تافههة تخيلي تأخذي 5 درجات وأنتي مغمضة ههههههههههه
ومهارات الاتصال يعتمد عليك ف المذاكرة
التكاليف ما يبغالها سهلة جدا
والله يسهل لنا وندخل التخصصات اللي نبغاها
ويبعد عنا الناس الأنانية << تعبت من دي الفئة