من أسباب عدم تنزيل الإسئلة للمنتدى

[الحربي 1111]

أعتمدو على أنفسكم وذاكرو يأخواني ليش ننتظر رحمه أسئله معاده ولا رحمه دكتور يدفنا ب60 الحل الثاني أعتمدو على الكرنكو بعد الله تعدي بمشيئة الله

[شبيه الريـــح]

ياشباب هذا الكلام والله يرفع الضغط لكن الحل عندي ونربي هالمكتبة اذا كان هذا اسلوبها الفاضح ...

الدكاتره جزاهم الله كل خير يحاولون يتساعدون معانا لكن فيه ناس تقول لا تساعدهم مايستاهلون بسذاجتهم ...


أول حاجة وأهم حاجة يوصل خبر للمكتبة إن هالطريقة وهالتصرف ضايق الطلاب ولاااابد من التوقف عنه حاااااالاً ..

ثاني شي اذا اصرت المكتبة على طريقتها نقاطعها ومانشتري منها أبداً وهذي الطريقة راح تعميهم وماحد يقدر يلزمنا نشتري من محل بالقوة بس المهم نكون يد وحدة وبهالطريقة غصب عنهم يتوقفوووون عن هالتصرفات الي ترفع الضغط

وش رايكم ياشباب بهالطريقة ؟

أحس إنها أفضل طريقة لوقف أي شي يضرنا ..

وللمعلومية ياشباب انا إن شاء الله خريج لكن نبغى الفايدة للي بعدنا ولازم نحب لاخواننا مثل مانحب لانفسنا ...

احتراماتي ...



أبو يوسف ...

[hno0oi]

جزاك الله خير يـآ ابـو فهد ,,
مانقــول غير حسبي الله ونعم الوكيل علييهم
ضروري تشوفو حل معـآهم
يجب اتخاذ القرار المنـآسب
يامشرررررفين

[سبيعي صعب]

كلام شبيه الريح صحيح .. والمذاكره ما وقغت على ملخصات بن سينا ..
المنتدى فيه ملخصات كافيه ووافيه ما يحتاج نروح للمكاتب ولا غيرها بالنسبه لي من بعد الفصل للاول من بعد السنه التحضيريه ما شريت من المكتبات
اسحبووو عليها .. بصراحه حركه بايخه منهم ارسال رسايل للطلاب بوصول الاسئله .. والدكاتره متساعدين معنا وهذول بيخربون علينا الله لا يوفقهم ..

[غليــص]

طيب يعني اللي عنده اسئله ما ينزلها حشمة هالمكتبة

تزين باذن الله
فلاح اااااااااااااااااااااااااااااااااااذبح

[بدايتي]

المشاركة الأصلية كتبت بواسطة رصد ماشافوهم وهم يسرقون شافوهم وهم يتحاسبون أنتم الحين لفتم النظر أكثر بنشر مثل هالمواضيع لا ومقدمين شكوى لوزارة التجارة !!!!!!!!! أنا أستغرب كيف إدارة المنتدى ساكته على هذا الوضع أغلب المواضيع في المنتدى عن أسئلة الاختبارات وتصوير الاسئلة ونادرا ماتجد موضوع جديد للاستفسار عن معلومة أو حل مسألة وكأننا مانشتري كتب ولا نذاكر بس ننتظر الاسئلة محلولة وجاهزة نحفظها قبل الاختبار بكم يوم والجهد العظيم اللي نبذله هو دخول الاختبار وتظليل الاجابات فقط مع إحترامي الشديد للمنتدى والقائمين عليه أصبح وضع المنتدى مخزي وضرره على الطلاب وخصوصا طلبة الانتساب أكثر من نفعه

مع احترامي انت مريض و تدعي المثالية

وهذا أحد الأدلة

[asd997]

المشاركة الأصلية كتبت بواسطة بدايتي مع احترامي انت مريض و تدعي المثالية وهذا أحد الأدلة

لييش يبو فهد رديت عليه الناس اللي زي كذا طنشها

[ابو منصوري]

اقترح يكون فيه ايميل للمنتدى يتم ارسال اي اسئله عليه ويقوم المشرف بتكليف احد بحلها ويتم تنزيلها قبل الاختبار بيوم محلوله جاهزه ولادارة المنتدى الدعوات الخالصة والشكر

[ااابو يزيد]

الكلام كثر والاقترحات كثيره


والامر اكثر من بسيط



اخونا اسد واغلب الشباب ماهم مقصرين فاهمين للناس هذي وينزلون النماذج قبل الاختبار بيوم او يومين

ولاكن هالناس هذي فهمت لنا وعرفت جدول الطلاب وعرفت متى ننزل الاسئلة بالمنتدى ومرابطين اكثر من الطلاب

والمصيبه الكبرى يرسلون على الجوالات طيب ياصديق انت وياه لو جوال احد الدكاتره مسجل عندك ع النظام وش الفايده


ماقدر اقول الا

همسهــ باذن كل طالب يبي درجه عالية

اذا انت مذاكر المادة ماراح تفرق معك لو نزل النموذج قبل الاختبار بخمس ساعات حتى كثيره على المذاكر ومناسبه للي يبي يحفظ النموذج

فا تكفى التزم الصمت بالمنتدى لين يقرب وقت الاختبار وراح تشوف الناس الطيبه والي فيهم فزعه مايقصرون بتنزيل الاسئلة

[احمد الدلبحي]

المشاركة الأصلية كتبت بواسطة بدايتي مع احترامي انت مريض و تدعي المثالية وهذا أحد الأدلة

هههههههههههههههههه صيدة مجننوووووووووووووونه
اهنيك يابداياتي