إختبار مادة الإحصاء .... سهل سهل جداً صدقوني والوعد بكره .

[990099]

ياشباب,,, ترونا على باب الله مثل هالاسئل جت في تحليل الاحصائي وتنحنا قدامها وانا عن نفسي بالذات كنت كني قاعد اقراء طلاسم ,,,

ياحبذا احد من اهل العلم والدوافير يحل هالاسئله لتعم وتزيد الفائدة

فهد ياحبذا تنزل رقم حسابك بكرى بعد الاختبار كان طلعت الاسئلة زي ماتفضلت ههههههههههه

[Arif]

فهد كلمه بسيطه ابيك تفهمها زين وابيك تاخذها بحمل الجد ( اذا انت ودك تزيل الرهبه من الاختبار .. جزاك الله خير .. لاكن اذا انت قاعد تشد في اعصابنا واحنا في ا هالحاله ترى ربي ماراح يوفقك وراح تلقاها في دنياك)

ملاحظه: الرأي يعبر عن صاحبه ولا يعبر عن المجموعه

[hssoon]

والله اتمنى الاسئله تكون سهوله

الواحد ماعاد له خلق

اسبوع كامل ضغط دراسه

ان شاء الله يكون الاختبار سهل ويعدي على خير

[>KhoLooD~]

انا حملت كل المحاضرات وطبعتها

بس احس انها كثيرة مرة

وانا ما قد حضرت ولا محاضرة للاحصاء -بسبب الظروف-

والصدق اني ماني فاهمة ولا شي

وان كان بتقولون ان الاحصاء يعتمد على التحليل الاحصائي الى حد كبير

بقولكم اني حتى التحليل الاحصائي ماني فاهمته !

الله يعديها على خير

وبالتوفيق للجميع

[*ورده*]

فهد احسك قاعد لاعضاء المنتدى شكلك كنت عريف الفصل ايام الا بتدائي والمتوسط

>> وحده اخطاء املائيه
>> والثانيه دافوره وماتبغاها تجيب الميه
>> والثاني تبغاه يروح يذاكر احسن لو من المواضيع والردود
اممممممم والله يستر من الباقي

طيب بنشوف اذا الاسئله جات بكره نفسها او لا

[فــهــد]

اخوي عريف الله لايقولها اني اشد بأعصاب اخواني في المنتدى لا وربي ظلمتني وانا ماشديت اعصابك لو تلاحظ قايلك وللزملاء في المنتدى اللي ماراح يذاكر راح يحس بكل سؤال يمر عليه بيكون صعب واني اقول الاسئله سهله ارجع اقولك الوعد بكره

حسووووووون كله يوم هانت خل خاتمتها مسك

خلود سؤال بس بسيط انتي يوم حضرتي اختبار التحليل الاحصائي كنت بكامل قواك العقليه شلون تحضرينه وانتي مو فاهمه شي طيب شلون حليتي طيب شلون وشلون وشلون اقول خلود اتركي عنك لعب البلايستيشن وركزي بكره

ورده انا ابوهم اليوم مدري احسهم عيالي كلهم مثل الاب كل شوي داخل على عياله بالغرفه ذاكروا يروح ويرجع ذاكروا ههههههههههههههههههههههه

[ابو تركي 2]

فهد والله عندك بلا من جدَ!َ!َ!
اقول ليش ماتنزلها لنا وتكسب دعواتنا هالفجر
عشرين بس حق النجاح
شقلت

[فــهــد]

ابو تركي وش عشرين على كيفك درجة النجاح النجاح من 60 يعني يبيلك تجاوب على 25 سؤال بكره لان الاسئله عددها 40
اقول رح ذاكر بس وتعوذ من ابليس ومن هنا للمغرب يمديك تسوي بحث عن مادة الإحصاء وتجي تعرضه لنا هنا قبل تروح للإختبار

[ابو تركي 2]

فهد اسمعني
بالله وش تستفيد تخبي عن اخوانك

[فــهــد]

أبو تركي ياشين ورا ماتروح تذاكر ومذاكره سريعه يعني قانون وطبق وتعريف واقراه بس بتركيز شوي وعني انا بشوفك اذا شاء الله بكره وجاي ابتسامتك من البحر الاحمر للخليج العربي

داون نير الله يوفقك حتى لو هي كثيره التعاريف اهم شي تفهمها لان المسئله اختيارات واذا فهمت التعريف عرفت وش تختار

العموم انا الحين بطلع من المنتدى والوعد بكره بعد الإختبار ....
أسئل المولى عز وجل أن يوفقكم جميع في الاختبارات واختبار بكره بالذات وتكون النتايج مرضيه والتصحيح مرضي للجميع ...