لكل طلاب وطالبات السنة التحضيرية

[skydiver]

النسبة للترم الاول حتى انا كان عندي تسويف في المذاكرة غير طبيعي ع بالي زي ايام الثانوي الجميلة اذكر رحت اختبار الفيزياء الفاينل و باقي كل شيء ملخبط في راسي لأني دوبني خلصت المذاكرة الاساسية

وما زال التسويف الى الان فيني ما نتعلم ياخي

وهذا الترم كمان خلصت مذاكرة الدوري الاول حق الاحياء صبحية الاختبار بس حمد لله حليت

*نصيحة : أهم شيء تتعلم من أغلاطك مو بس تكتبها > النصيحة لي قبلكم
ولا تنسوا تتوكلوا ع ربنا قبل كل شيء

بالتوفيييق و شكرا ريما ع الموضووع

[3zzouzz]

آكبر غلط في حيآتي , مو هذه السنة بس :
اني ما جبت شهادة توفل ، وبدأت كورس الانجليزي من لفل 2
( طبعا رحت اختبار تحديد المستوى مواصل وقعدت اطقطق ونمت على الكيبورد ) :(
لذلك :
يا عزيزي طالب دفعة 14 : بأي طريقة كانت ، حاول انك ما تدرس انجليزي في الجامعة
جيب توفل ، جيب توفل ، جييب توووفل ... لو تزوره تزوير , جيب توفل !!
لو تشتريه بفلوس من امازون ، اي شيء !!
نصيحتي لا تاخذ كورسات الانجليزي في الجامعة ، ركز على موادك بدل تضييع وقتك في اتفه كورس
اخذته في الحياة ( مو تافه يعني سهل ، يعني ماله اي داعي ) ...
درجة وحدة بسس فصلت بيني وبين معدل ( 5 من 5 ) ... بسبب انجليزي لفل 4
وبصراحة انا تهاونت في المادة لأني كرهتها وطفشت من الدوام الطويل ، ولما وصلت لفل 4
صرت اسحب كثير ، في النهاية جبت 94 في المادة ( واحس انهم ظلموني في اختبار الكتابة )
وما قدرت اجيب الـ 5 ، لكن الحمد لله على كل حال والخيرة فيما اختاره الله
اتمنى اللي يقرأ هذا الرد ما يكرر خطئي :)

[Dhmey]

نصيحة المواد السهلة لا تفرط الa+ فيها مثل مهارات اتصال حاسب احصاء خصوصا و انها تنحسب لك ب3 ساعات... و اختبار تحديد المستوى جاوب عن كل شيء لا تستهبل لا تبداء من البداية لفل1 راح تتعب كثير ... لمن خلصت الانقلش ارتحت كثير لدرجة معد احس اني طالب في الجامعة و تفرغت للمواد الثانية و الانجلش سلاح ذو حدين ممكن يرفع معدلك و ممكن ينقصه مع اننا نقعد 3 او 4 ساعات يوميا في الجامعة محاضرات انقلش الا انهم يحسبونها بساعتين فقط و شكرا على الموضوع

[قياس ×]

اممممم اكبر غلطة اني دخلت السنة التحضيرية في البداية وانا شايف نفسي وبثقة زيادة عن اللزوم ههههه


دخلت على اساس ان تخصصي مضمون خلاص ... وطبعا اعتقدت هالشيء بسبب الانجازات الي حققتها في ال 3 سنوات الاخيرة بفضل الله سبحانه وتعالى خلت عندي ثقة بشكل غير طبيعي .


هالشيء خلاني اخسر درجات في الاختبار الدوري الاول من الترم الاول وحسيت نفسي ضائع واسأل نفسي: "انا فين؟ ايش صابني" هههه


احب اقول لكل واحد جاب نسب عالية في الثانوية + التحصيلي + القدرات ، ولكل شخص حقق انجازات وحصل على جوائز في هالفترة ... ان هذا كله ما راح يدخلك الا سنة تحضيرية بدون تخصص . التعب الي في الثلاث السنوات الاخيرة ما راح يدخلك التخصص الي تبغاه ابدا .



اجتهدوا من الان عشان توصلوا لاهدافكم .



والله يوفق الجميع .

[tex]

1- لو مستواك جيد بالانجلش فلا تترد في حذفه بتاتاً........بتاتا!!!!
وبهذي الفقرة اتكلم عن تجربة مريرة صدقني.

---

2- المواد السهلة زي مهارات الاتصال والحاسب هذي برأي مواد وضعت لتساعدك بالمعدل حرام عليك لو جبت اقل من A/A+.

---

3- ذاكر...ذاكر...ذاكر...ذاكر...

انسى دلع الثانوية تماما..انت بمرحلة مختلفة الان.

---

4- من تجربة شخصية مجربة بكل المواد الي درستها...اقدر اقلك من مافي DN بالجامعة...الا بالمستوى الرابع من اللغة الانجلزية هذا لو تجاوزت الايام المسموحة بالغياب بدون عذر راح تضتطر تعيده..فانتبه ( ليفيل 4 )

اما باقي المواد فfeel free انك تسحب بدون خوف حتى لو الدكتور توعد لك بالDN لانهم يقولونها للتخويف..

الحالة الي تحصل وتاخذ فيها دي ان هي اما يفوتك اختبار الفاينل وما اضن في شخص ساذج كفاية ليفعل هذا.


P.S: استمتع بالمكافئة وحاول تقتسد فيها من البداية عشان تنمي فيك حب التوفير وما تكون صريف وتاكلها على راسك زي بعض الناس لاحقا...اتكلم من تجربة هنا

[قياس ×]

بخصوص الانجلش ، بالعكس انا اشوفه يرفع المعدل والنسبة بشكل جيد لكن طبعا اذا كان مستواك جيد جدا


انا الحمدلله بديت بالمستوى الرابع وجبت فيه 97 وكانت مفيدة الحمدلله .


موفقين .

[Roza S]

بالنسبة لي أخطائي أغلبها كانت بالترم الأول و بالدوري الأول بصفة خاصةة و الحمدلله قدرت أتفاداها بالترم الثاني و مررا ارتحتت الحمدلله ^^

أول غلط : دخلت الجامعةة و أنا ببالي فكررة إنو السنة التحضيرية مهما شديتي حيلك فيها مسستحيل تجيبين معدل كامل و إنو أسئلة الاختبارات بالجامعة تجي طلاسم و أسئلة تعجيزية و من برررا المنهجج و بلا بلا بلااا , المهمم هذا كلاام لا يمت للحقيقة بصلة و إنو الوحدة لو اجتهدت و ذاكرت ونظمت نفسها حتقدر تجيب أعلى معدل و تقفل عالمية بكلل المواد ^^


ثاني غلط : بديت السنة بنفسيةة محطمةة جججدا ( لأني طالبة سكن و بعدت عن أهلي و صحباتي )و ما كان لي نفسس أبدا إني استقبل المعلومةة فكنت بمحاضرة الماث اسمع لكلام الدكتورة و ماني عارفةة ايش بتتكلم عننه و كنت أححس إنني خلاص ما ينفعع أفلح بالجامعة و هذا مستوايا , فإذا شفتو نفسكم مو فاهمين شي أو حسيتو بصعوبة لفهمم المنهج فهذا شي طبيعي و أتأكدو إنها مسألة وقت على بال ما تتعودو على المصطلحات و المنهجج و على فكررة منااهج الجامعة نفسس مناهج الثانوي و أحسسن كمان ^^

* نصيحتي : ادخلوو الجامعة و انتو متفائلين و متحمسين و ابعدو عن راسكم فكرةة إني ما أفهم و إنو دراسة الجامعة صعبة , صدقوني التحضيري أسهل سنة جامعية ^^


ثالث غلط : إني كنت أرجع من الجامعة و ما أفتح ولا كتاب و لا أراجع ولا حاجة مع إنني ما عندي أي شي أعملو و كنت فاضيةة جججدا .

* نصيحتي : إذا رجعتو من الجامعة راجعو المحاضرة و أتأكدو إنكم فاهمين مو شرط تذاكرو كل يوم بيومه ولكن أتأكدو إنكم فاهمين الدرس عشان ما تتنكبو أيام الاختبارات =)

رابع غلط : واللي كان بينهي على مستقبلي الدراسي ألا و هو إني ما ذاكرت المواد قبل الاختبارات و خصوصا الانقلشش و مصطلحات الانقلش .


* نصيحتي : إذا كنتو مثلي من النوع اللي ما يعترف بالمذاكرة أول بأول , فلو أبوها بأول الأسابيع لا تذاكرو حاجة بس افهمو الدرسس و انتهينا , و قبل الاختبارات بأسبوع أو أسبوعين بالكثير أمسكو المواد بكل جد و ذاكرووها على إنو بكرا اختباركم , بالتالي ليلة الاختبار تصير ليلة مراجعة و تثبيت الحفظ و الفهم و صدقوني بتمر عليكم فترة الاختبارات وانتو مرتاحين نفسيا و ما حتكونو قلقانين و هذا أهمم شي ^^

خامس غلطة : واللي الحمدلله بس لازمتني بالدوري الأول , ( كنت أشتت نفسي بالملخصات ) , نصيحتي لا أحد يذاككر من المخلصات و خصوصا البنات يمكن الأولاد بيستفيدوو منها لكن أنا عن نفسي ما زادتني إلا خوفا و تشتتا , المنهج اللي بيعطونا هوا كاافي و واافي و واضح , الملخصات تجي فيها حاجات برا المنهج و طرق حل ثانيةة و ممكن تلخبطي فيها .

بالرياضيات عندكم الكتاب و الورك شوب و نماذج اختبارات سابقة و الفيزيا عندكم أمثلة الكتاب و الشيك بوينت و البروبلمز و نماذج الاختبارات السابقة >> بتفهمو عليا إذا أخذتو المادتين هذي ^^


اممممم هذا أغلب اللي افتكررره و إن شاء الله لو حضرني شيء آخر قلتته ^^

و بالتوفيق لدفعة 14 ^^

[Roza S]

أووه نسيت أقول لصاحبة الموضوع , الله يجززاكي كل الخخير و الله يجعله بموازيين حسناتكك ^^

و إن شاء الله دفعة 14 تقررأ ردودنا و تستفييد منها ^^

[رونــا]

غلطي بدأ بتحديد المستوى انا مستواي زين بالانجليزي ولله الحمد بس عابطت بالاختبار قلك انو يرفع المعدل وللي صار العكس
و كمان غلطي اني اعتمدت ع المدرسة الخاصة ونسيت اعتمد ع نفسي فالترم الاول لما بس كنت اركز ع استاذة البيت وماذاكر الا لما تيجي عندي كانت دراجتي مو مرة ذاك الشي بس الترم الثاني لما اعتمدت ع نفسي وشديت حيلي واول بأول ذاكرت واراجع نهاية كل اسبوع الحمدلله حسيت كل مجهوداتي ماراحت ع الفاضي
و الشي الاضافي لكل البنات والاولاد الي قبل ما يروحو الجامعة يسالو عن الدكتور زين ولالا يفهم ولالا احس الافضل ماتسالو هاد السؤال لانو يختلف من شخص لشخص قد يكون الشخص الي نقبلت عندو تفهم منو ويوضح اكثر من اي شخص ثاني بس بنظر الاغلبية مايفهم ولا يشرح فتنقل من عندو بس لان الاغلبية مافهمو منو , فانصحكم انو تجربو او وتشوفو و بعدين تحكمو :)
ولكل الي يبي يجيب معدل الشغلة مرة بسيطة لا تغلطون غلطتنا شد حيلك وذاكر ترا والله كل جهد تسويه والله في هالسنة مايضيع ابداا ربي ماهيضيع تعبك هالشي اانا اقولو وانا ع تجربة وربي لما تذاكر وتختم المادة قبل الاختبار باسبوعين غير لما تختمها قبل الاختبار بساعات , فلذلك لا تشتت نفسك بكثرة الكتب والملخصات فكل الي عليك انو تركز ع الكتب والمحاضرات الجامعية اهم شي واذا فهمتها وحفظتها زين ساعتها شوف الملخصات مو تذاكر منها فقط لتثبيت المعلومة و تسهيلها و طبعا النماذج الاختبار مرة كويسة تفيدك لتعرف كيف طريقة الاختبار وطريقة الاسالة وتساعدك بشكل آكثر
ان شاء الله ي رب يوفقنا ويرزقنا الهدف الي اتمنياه من 13 سنة ويفرح اهلنا فينا ونعوضهم ونرفع راسهم ونرفع امتنا
بالتوفيق للجميع الله لا يضيع تعبكم ان شاء الله

[ريهانه]

السلآم عليكم ورحمةة الله وبركاته

يعطيك العافية ريما ع الموضوعَ
اللي فهمتوا صراحة انو انا حكون من الدفعةة 14 اذا ربي كتب وقبلونيَ < قولوا ان شاءالله

ممم وكمان موضضوع انو الكل يقول تجربتوا صراحة هالاختبار حق الانجلش الي بتقولوا عليه
باين انو صعبَ ><
ان شاءالله اعديه بدون اصابات

المعدل اللي عرفته انه من 5 ..
لكن انا شايفة فيه درجة موزونة وكذا لما حنتخصص

ايش يعني درجة موزونه ؟
ياريت احد يشرحلي لانو مافهمتها .. :(