استفسار بخصوص اختبار المفاضلة ماجستير محاسبة

[Ghelatee]

وماانسى قالتلي فالاخير زي دايمن هادي النتايج لسا مااتصدقت فمافي أي شي أكيد لدحين..

بس مااعتقد بتتغير ..

قبلو اوراق ترشيح بنات من تخصصات تانية وبنات بتقادير جيدجدًا وأعطوهم أمل وفالاخير أستبعدو التخصصات الأخرى واستبعدو كمان اختبار المفاضلة وفاضلو فقط على حسب معدلات بنات المحاسبة وفقط تم قبول 15 طالبة .. و 5 انتظار مااعرف ايش مصيرهم بالزبط ممكن لو اعتذر احد من المقبولات!!

ايوة وقلتلها متى بتعلنو النتايج قالت هما حيدقوا عل البنات المقبولات فقط ...!!!

هادى الكلام على لسان دكتورة نهال الجندي وربي شاهد على كلامي..

[Smart Accountant]

شفتي اسمي.؟

[wuooof]

معليش سؤال محرج بس كم معدلك انا معدلي
4.41

[angelfofo]

من بين خمسين طالبه او اكتر ماقبلو غير 15؟؟؟ حسبي الله ونعم الوكيل
طيب ليش يفتحو المجال للتقديم ازا مارح ياخدو غير دا العدد وبس الطالبات اللي تقديرهم ممتاز
الله يوفق الجميع ويكتبلنا الخير

[Ghelatee]

wuoof

إنتي قدمتي على ماجستير محاسبة؟؟

إذا قدمتي وكان تخصص البكالوريوس مو محاسبة فما أخدوا إلا البنات يلي تخصص في البكالوريوس محاسبة

بس زي ماقالت برضو مافي شي أكيد مع انو نزل انهم أعتمدو الاعداد المذكورة للدراسات العليا

الحمدلله على كل حال ( بس أبغى أفهم شرط التوفل واختبار القبول ليش حطوه ) !!! فالأخير أخدوا بالمعدلات بس..

[wuooof]

لا تقولي والله زعلت انا تخصصي ادارة اعمال دولية
والله قهرررررررررر
بس ايش نقول حسبي الله ونعم الوكيل

[angelfofo]

انا تخصصي لغة انجليزية ..أكيد الأولوية للطالبات اللي تخصصهم محاسبة وبالتحديد الممتازات الله يوفقهم يارب
ويعوض الباقيين خير
بس ليش البهدلة دي اختبار توفل بعدين اختبار القدرات ونتمرمط عشان التوصيات والمستندات
يعطو الواحد امل عالفاضي وبعدين يلغو الاختبار ويقبلو على اساس المعدلات والتخصص
بس مضيعة وقت..
الحمدالله على كل حال..

[Ghelatee]

أنا من رأي إنو مانسكت بس مو عارفة ايش انسب طريقة حتى لو ماجاب نتيجة بس اسمو انو حاولنا نوصل اعتراضنا

نوفر كل الشروط المطلوبة وفالاخير مايسألو عن الشروط والله حرام حتى التوفل صارو يخلو بنات يوقعو تعهد

كيف يفاضلو فيه على شي مو مضمون :s

والله لمن شفت الشروط فرحت بس بعد ماشفت التطبيق انصدمت قبول البعثات أسهل بمراحل بس مو كل مين يقدر يروح

حسبي الله ونعم الوكيل

[Ghelatee]

بنات عن نفسي رسلت خطاب لعميد الكلية على انو طريقة المفاضلة ماكانت متماشية مع الشروط المطلوبة وفيها ظلم لكثير من الطالبات يلي حابة ترسل الخطاب تقلي أرسلها هوا عالخاص

ماارح يفرق لو ماصار شي كدا كدا مو مقبولين بس لو جاب نتيجة ساعتها الحمدلله

الله يسهل ويييسر :)

[angelfofo]

ارسليلي الخطاب عالخاص..نحاول ليش لا..فكرة جيدة تسلمي