حديثي مع وزارة الخدمة المدنية ومن ثم وزارة التعليم العالي

[ماليزي]

المشاركة الأصلية كتبت بواسطة الاتجاة المعاكس الكلام في المنتديات ما راح يجيب نتيجة لازم نقدم شكوى ونرفع طلب لمدير الجامعة يعدل المسمى (الى انتساب مطور ) مثل باقي الجامعات عشان تنحل مشكلتنا .. انا ان شاء الله بروح للجامعة يوم السبت ومعي كم واحد اتمنى من الشباب اللى بجدة يحضرون ويقدمو معانا شكوى وكذلك البنات يروحون العمادة او الادارة المهم نقدم يوم السبت الشكوى .. الكلام بدون فعل ما يعطي نتيجه وشكرا

ارجوا منك اخوي الاتجاه المعاكس انك تروح لو لحالك لمدير الجامعة ولا ترضى بأقل منه ...حتى لو ماراح احد معك....روح انت لحالك وجبلنا الحل النهائي ووش راح يوصلون له....وزودنا بالمنتدى بالابديت ... عشان حنا من الرياض نتحرك مرة ثانيه.
على فكرة بالأمس كان احد الزملاء راح للتعليم العالي وطلب منهم حل ...فقالوله خل مدير الجامعة يصدر قرار بأنهم يكتبون انتساب مطور وحلو المشكلة وخلصنا

[شبيهة البحر]

السلام عليكم ورحمة الله وبركاته..
لاحول ولاقوة الا بالله مع هذه الجامعة ..منجد الواحد مايعرف يرتاح في دراسته
إسم على الفاضي..والله صراحة حقهم شكوى وإعتراض وتسحيب وتسفيل..شغالين
نصب على خلق الله..ياخي حتى العلم صار بطلعة الروح ياربي مايضيع لنا تعب
أشكركـ أخي ماليزي على جهدكـ والله يوفقكـ ..وبصراحة مع كلام الإتجاه المعاكس
لابد من حراكـ تجاه مايحدث ولانزحف عن الموضوع حتى نستطيل حقوقنآ المسلوبة
إلى الأمام قدماً أيها الزملاء والزميلات*

[ŠĥỜŚĥộ]

طيب ماينفع نرسل لمدير الجامعه رسالة ع البريد ونرسل له خطاب يحكي له مشكلتنا والخ

ونعطيه فرصصصصصه لشهر بعد الاختبارات نسسسوي هجوم ع الجامعه > خصوصا اللي من جدة
الشباب يروحون لعمادة التعليم عن البعد والبنات لقسسسم الطالبات بس يكون بيوم واحد عششان يحسسون بقيمه المشكله ويتحركون يشوفون لها حل

بس المشكله كيف نجمعهم >> انا ممكن اجمع البنات بس الشباب صعبه :(

مير الله يسهلها يارب
هالحين شدو حيلكم الاختبارات ع الابواب > والله هالموضوع مسبب لي قلق عاجزتن اركز بس كل ماأتذكر انه كل شي مكتوب ومقدر .. اتوكل ع الله واقول ربي يسهلها واحنا نسسوي اللي علينا ونعمل بالاسباب

وبالاخير يد وحده ماتصفق لازم يكون مجهود جماعي عششان المصلحة بتكون للجميع هذي مشكلتنا ولازم نحلها ونتحرك لها ... ولا ترا سنوات عمرنا وفلوسنا وتعبنا وشقانا بيروح برمشه عين

والله يوفقنا وينصفنا ياااااااااااااااااااااااارب

[غاوية دراسة]

"" وقال بأن هناك ممثلين على مستوى وكلاء وزارات الخدمة المدنية والتعليم العالي والتربية والتعليم والمالية بخصوص النظر بجميع شهادات التعليم عن بعد والانتساب المطور ...هل تعتمد بالترشيح بالوظائف أم لا ..وصدقني ان جميع الوزارات مهتمين بموضوعكم جداااا وراح يبت ويفصل به عن قريب"".



الظاهر ومن كلام مدير التصنيفات في وزارة الخدمة المدنية أن اللجنة شكلت للتعليم عن بعد وللانتساب المطور أي للبرامج المصدرة حديثا في الجامعات باختصار !!
يعني لو غيرنا مسمى الشهادة لانتساب مطور ممكن نبقى بنفس المشكلة والمعضلة واللإعتماد

اخ ماليزي متاكد انه الادمي قال للتعليم عن بعد والانتساب المطور ؟؟

بانتظار الرد

وانتظروا ياجماعة لاترفعوا بمطالبات اسمية لما نتاكد

[ماليزي]

المشاركة الأصلية كتبت بواسطة غاوية دراسة "" وقال بأن هناك ممثلين على مستوى وكلاء وزارات الخدمة المدنية والتعليم العالي والتربية والتعليم والمالية بخصوص النظر بجميع شهادات التعليم عن بعد والانتساب المطور ...هل تعتمد بالترشيح بالوظائف أم لا ..وصدقني ان جميع الوزارات مهتمين بموضوعكم جداااا وراح يبت ويفصل به عن قريب"". الظاهر ومن كلام مدير التصنيفات في وزارة الخدمة المدنية أن اللجنة شكلت للتعليم عن بعد وللانتساب المطور أي للبرامج المصدرة حديثا في الجامعات باختصار !! يعني لو غيرنا مسمى الشهادة لانتساب مطور ممكن نبقى بنفس المشكلة والمعضلة واللإعتماد اخ ماليزي متاكد انه الادمي قال للتعليم عن بعد والانتساب المطور ؟؟ بانتظار الرد وانتظروا ياجماعة لاترفعوا بمطالبات اسمية لما نتاكد

بكون دقيق معك في ذي....الرجال جيته اناقشة بالتعليم عن بعد وذكرلي ماقلته لكم سابقا ....ولكن مع انفعالي معه قلتله ان التعليم عن بعد اقدم من نظام الانتساب المطور المقدم من جامعة الملك فيصل ...يعني اذا انكم ماعتمدتوا التعليم عن بعد كيف تعتمدون نظام الانتساب المطور من جامعة الملك فيصل...ناظر للسكرتير تبعة وهو بنفس الوقت سكرتير اللجنة المشار لها في الأول وقاله هل وضعنا الانتساب المطور من ضمن القائمة قاله نعم وضعناه من ضمن جدول المناقشة...هذا ماقاله والله اعلم

[دعوه خشوع]

المشاركة الأصلية كتبت بواسطة ماليزي بكون دقيق معك في ذي....الرجال جيته اناقشة بالتعليم عن بعد وذكرلي ماقلته لكم سابقا ....ولكن مع انفعالي معه قلتله ان التعليم عن بعد اقدم من نظام الانتساب المطور المقدم من جامعة الملك فيصل ...يعني اذا انكم ماعتمدتوا التعليم عن بعد كيف تعتمدون نظام الانتساب المطور من جامعة الملك فيصل...ناظر للسكرتير تبعة وهو بنفس الوقت سكرتير اللجنة المشار لها في الأول وقاله هل وضعنا الانتساب المطور من ضمن القائمة قاله نعم وضعناه من ضمن جدول المناقشة...هذا ماقاله والله اعلم

صدقت خلك دقيق ههههههههههههههههه من كثر الدقة ماندري ونتختار انتساب ولاانتظام مطور لانروح للعمادة مباشرة بدون ولااجهزة االاعلام وراك ناشبة ياغاوية دراسة له خليه يدقق شايل همنا كللنا ماحق بصراحة

نايس سبيتش اند يو مست ويلكم اني تايم

[HELLO KITTY]

السلام عليكم

انا طالبة انتساب .. وقبل فتره قرأت موضوع بجريدة سبق عن واحد مدري وش اسمه من القبول والتسجيل يقول فيه ان نظام الانتساب راح ينتهي بعد 4 سنوات وراح ينتهي تدريجيا

وقرات الكثير عن التعليم عن بعد الى ان قررت التحويل بعد الاستخاره ..

الان كلامكم اوقفني ..

كيف التعليم عن بعد غير معتمد .. والانتساب معتمد .. والاخ يقول حينتهي تدريجيا ويكون مكانه التعليم عن بعد

يعني كيف !!!

هل ابقى على الانتساب .. ولا احول ؟؟!!!!


عدت كلامي يمكن احد يرد علي :(

[روتشيد]

ياشباب برأيي الحل يكتب بالشهادة (إنتساب مطور) ... واللي يقول مو معترف اقوله كلامك غلط
جامعة الإمام والملك فيصل يكتبونها للخريجين ... هل سمعتوا واجهوا مشاكل مع وزارة الخدمة المدنية أو التعليم العالي؟ مع العلم أن الجهة المشرفة في جامعة الإمام أو الملك فيصل على البرنامج هي عمادة التعليم عن بعد ... الإنتساب المطور هو إنتساب عادي لكن المقررات إلكترونية فقط ... أنا أستبعد الإعتراف بالتعليم عن بعد على الأقل خلال العامين المقبلين.. لعدم تحقيق الجامعة لشرط الحضور 25% لمقر الجامعة، وهذا الشرط بلائحة التعليم عن بعد الصادرة من المقام السامي ...
نصيحة لوجه الله سهل جدا يا أخواني ركزوا على المطالبة بتغييرمسمى الشهادة (لإنتساب مطور) أو حتى لو تحبوا (إنتساب) فقط ... خلونا عمليين ...وهذا الحل بيد الجامعة ... ولا حتى ياخذ ساعه منهم وانتهينا!
مع خالص التقدير لكم...

[روتشيد]

لقد ورد إلى عمادة التعلم الإلكتروني والتعليم عن بعد بالجامعة العديد من التساؤلات عن موضوع هل الشهادة التي نحصل عليها من برنامج التعليم المطور للإنتساب والمقدم من جامعة الملك فيصل معترف بها أو لا؟؟؟
أود أن أوضح للجميع أن الجامعة لم تبدأ في برنامج التعليم المطور للإنتساب إلا بعد أن أخذت الموافقات الكاملة والرسمية من وزارة التعليم العالي والجهات ذات العلاقة على البرنامج، والجامعة خرّجت أعدادا كبيرة من الطالبات على الإنتساب التقليدي والعديد منهم متوظف سواء في مجال التعليم أو غيره من المجالات ذات العلاقة بعمل المرأة، والتعليم المطور للإنتساب هو نموذج مطور ومحدث للإنتساب التقليدي استخدمت فيه التقنيات الحديثة لتسهيل العملية التعليمية والإرتقاء بها لضمان جودة التعليم من خلالها، فهو بالتالي يأخذ مميزات النظام السابق إضافة إلى ما فيه من مميزات أخرى أتاحة الفرصة للطلاب / الطالبات الإلتحاق بالبرنامج وتلقي المعرفة العلمية في تخصصات عدة على مستوى المملكة العربية السعودية وخارجها ، كما أتاحة الفرصة لهؤلاء الطلبة التواصل مع اساتذتهم بشكل دائم ومستمر يماثل مايتم بالنسبة لطلبة الإنتظام، كذلك سهلت عليهم عملية تقديم الاختبارات المطلوبة في نهاية كل فصل دراسي قريبا من مقار إقامتهم.

لذا فليطمأن الجميع أن برنامج التعليم المطور للإنتساب المقدم من جامعة الملك فيصل وشهاته معترف بها من الجهات ذات العلاقة.

مع تمنياتي للجميع بالتوفيق والسداد

منقول من الدكتور
عبدالله النجار
عميد التعليم الالكتروني والتعليم عن بعد
جامعة الملك فيصل

[ماليزي]

المشاركة الأصلية كتبت بواسطة روتشيد ياشباب برأيي الحل يكتب بالشهادة (إنتساب مطور) ... واللي يقول مو معترف اقوله كلامك غلط جامعة الإمام والملك فيصل يكتبونها للخريجين ... هل سمعتوا واجهوا مشاكل مع وزارة الخدمة المدنية أو التعليم العالي؟ مع العلم أن الجهة المشرفة في جامعة الإمام أو الملك فيصل على البرنامج هي عمادة التعليم عن بعد ... الإنتساب المطور هو إنتساب عادي لكن المقررات إلكترونية فقط ... أنا أستبعد الإعتراف بالتعليم عن بعد على الأقل خلال العامين المقبلين.. لعدم تحقيق الجامعة لشرط الحضور 25% لمقر الجامعة، وهذا الشرط بلائحة التعليم عن بعد الصادرة من المقام السامي ... نصيحة لوجه الله سهل جدا يا أخواني ركزوا على المطالبة بتغييرمسمى الشهادة (لإنتساب مطور) أو حتى لو تحبوا (إنتساب) فقط ... خلونا عمليين ...وهذا الحل بيد الجامعة ... ولا حتى ياخذ ساعه منهم وانتهينا! مع خالص التقدير لكم...

كلامك محل التقدير والاحترام اخوي روتشيد ولكن الواقع غير...كل جامعة تؤكد بأن نظامها معتمد وهذا للتسويق ... وهذا ماقالوه لنا عمادة التعليم عن بعد في البداية لأنهم يتقاضون مبالغ ضخمة على التدريس والاشراف ...ولما رحت لوزارة التعليم العالي نفوا هذا الكلام جملة وتفصيلا.
لو رحت معالي مدير جامعة الملك عبدالعزيز وسألته عن برامج الجامعة قالولك انها معتمدة وتروح للتعليم العالي يقولون لك هذه البرامج غير معتمدة من الوزارة وبالتالي فانها غير معتمدة من الخدمة...
اما قضية الانتساب والانتساب المطور ...فأنا بقولك شغلة ...انا موظف حكومي وخذ هذي من خبرتي معهم...أي كلمة تضاف او تحذف تلغي اعتماد او تضيف اعتماد....يعني الخدمة كانت معتمدة عندها شهادة الانتساب اذا اضفت كلمة مطور لها تعتبر ليست شهادة الانتساب العادية المعتمدة سابقا لأنك هنا اضفت مطور....ادري بتقول هذا تعقيد وتخلف ...لكن قانونيا هذا الكلام الصحيح وموظفوا الحكومة بطبيعتهم يحبون الفلسفة والتعقيد فراح ينشبون لك على هالكلمة الزايدة...ودنا بانتساب حاف وكفى الله المؤمنين شر القتال.