لقااااء الطلاب ،، وشرح (( آلية التسكين )) ..!!

[ultraviolet]

و الله يا ان ناون حسستيني انك وحدة من المسؤولين حقون الجامعة و بالزات التسكين
ما شالله ما هذا الكم الهائل من المعلومات اللي عندك ؟
عجبتني الطريقة " المسال " اللي حطيتيه
بس برضو و الله شي يخوف .. ما تدري مستقبلك فين راح يكون

[ROoOFaNA]

كانهم بيلعبوا بينا بولينج

[υикиσωи]

المشاركة الأصلية كتبت بواسطة rugadi و الله يا ان ناون حسستيني انك وحدة من المسؤولين حقون الجامعة و بالزات التسكين ما شالله ما هذا الكم الهائل من المعلومات اللي عندك ؟ عجبتني الطريقة " المسال " اللي حطيتيه بس برضو و الله شي يخوف .. ما تدري مستقبلك فين راح يكون

لوووول ...والله ضحكتيني يا بتي
بسس دا الكلام تركي ع ما اعتقد اللي قالووو ...

واناا انسانة عقلي تنكة ...ما يمشي بدون امسلة ...

امممم ... واللهي سهلة الواحد لو يبااا يفكر بطريقتهم ... ما يبالها ... بسس يحضرلهم لقاائين ما بين مية لقاء سوووها واللي ما خرجنا من ولا واحد بأدنى فائدة ...

[.SuperGirl]

المشاركة الأصلية كتبت بواسطة rayyan1444 ما في شي جديد نفس الهرجه يعيدوها ويكرروها في الجدول اللي حاطيني انو المفروض كل عميد يجي يتكلم لربع ساعه ولا شفنا شي انا اقلكم ايش صاار اول ما دخلت الساعه 7 مسوين معرض للكليات زي الترم الاول كل كلية يعلموك ايش فيها وكيف الدراسه فيها .. الخ وبعدين رحنا للقاعه تقريبا 7 ونص اول شي القران الكريم بعدين كلمه المدير ( نفس الهرجه ما زاد شي) بعدين كلمه عميد القبول والتسجيل ( نفس الهرجه ما زاد شي ) بعدين المسرحيه بعنوان رابع ثانوي ( يعني السنة التحضيرية صعبة زي الثانوي ) وااللي كانت نهاية المسرحية انو طلاب خطة ب فشلوا بسبب صعوبة المواد بالترم الاول وطلاب خطة أ صاروا دكاترة ومهندسين ورجال ناجحين وووووووووبس( عندي مقاطع فيديو من الحفل بس ما اعرف احطها بالمنتدى ) ملاحظة :: انا لمن رحت لمعرض القبول والتسجيل قالوا لي القبول اللي على b+ راح يدخل المنافسة للقبول بكلية الطب ويمكن ما ينقبل ....... طيب اللي يحصل على c وش مصيره ما اقول الا حسبي الله ونعم الوكيل كان معكم مراسلكم من قلب الحدث

جزاك الله خير يا دوك
ويارب احسن دوك


دعواتي لك

[dr.hope]

المشاركة الأصلية كتبت بواسطة rooofana كانهم بيلعبوا بينا بولينج

هوينها وتهون يا روفا

الله معانا وما حيضيع لأحد تعب

[" أبو عبدالله "]

كلمة حـــق

جهود تشكر عليها الجامعة

[.SuperGirl]

المشاركة الأصلية كتبت بواسطة bo0ozy متأثر وبس ؟؟!! اتااريكي ماتعرفيني كككك امممم .. بقوولكم شي ،،، بس مستحي ،،، انا رحت <<< حاسس انو ارتكب جريمة مدري ليه طيب حشرحلكم كل شي افتكرو ،،، اول شي رحت الجامعة وشكلها في الليل مرة موحش وتحسي انك في صحرا وتسمعي صوت كلاب واشياء كدا كأنها جن !! وطبعا ً مافي أحد جا ،، مباراة الاتحاد والهلال طبعا ً مسوية أزمة في الشعب الجامعي !! ،،،، المهم ،،، عاملين الملتقى زي كأنو ( معرض الحارثي ) ،،، كل كلية عندها ركن وقاعدة تعرض وتوري الطلاب ايش تبيع !!! اقصد ايش الهدف من وجودها يعني ،،، انا رحت لقيت شي اسمو اختبار ذكاء مهني ،، درجتو تساعدك على تحديد تخصصك ومستقبلك المهني والوظيفي ،،، طبعا ً التسجيل بـ 200 لكن للمنسوبين حق الجامعة ببلاش ،، فقلت يالله يا اينشتاين زمانك ،، سجل وجرب حظك ،، المهم ،، بعد ما سجلت ،، رحت لعمادة شؤوون الطلاب ،، تصدقو اللي يجيب فوق 4.5 للسنة التحضيرية ياخد مكافأة وشهادة تفوق ،،، خخخ حسسوني اني بمدرسة المهم بعدين رحت لركن التسجيل والقبول وهناك سمعت خبر مخزي ومحزن ورفع ضغطي وقهري،،، يقولك ،، اللي مثلا ً يجيب في كل المواد a+ ،، ولكن في عنده مادة وحدة من متطلبات الطب b فهادا ما حينقبل في كلية الطب ولا يطالعو فيه ،، لانو أخل بشرط من شرووووطها ،، على الرغم الطالب اللي يجيب في كل المواد b+ ينقبل ولكن تكون الافضلية للنسب الموزونة ،،،، وججججع قههههر ،، بس مشي الحال ايش تقول ؟!؟ بعدين رحنا القاعة حقت المؤتمر واللي فيها كان العميد او واحد زيو كدا بيتكلم ،، انا المشكلة اتأخرت شوية فما حضرت من البداية ،،، بس اللي عرفتو ... انو الطب والكليات حيبدأ الكلام عنهم من بكرة .. لكن اليوم بس كدا كان ضياع وقت وتمهيد ،،، وانو الطلاب اللي لاسمح الله رسبووو في الاختبار في الترم الصيفي ،، ليهم فرصة الين الترم الاول في السنة الجية كمان ،، لكن بعدين خلاص طي قيد !! فجأة كدا ... لقيناهم بيعملو مسرحية .. وكان عنوانها اللي اتزكرو .. مباراة رابعة ثانوي ،،، او شي من هذا القبيل ،،، وكانت تدور أحداث هذه المسرحية حول ،،، << حس نفسو في كتاب ألف ليلة وليلة !!! انو في فريقين ،، فريق ( أ ) وفريق ( ب ) << واللي هوا احنا اهئ اهئ اهئ ،،، وطبعا ً فريق ألف عندهم مدرب مرة اووووكي . ويساعدهم .. ويقوولهم لاتخافو في المباراة حعطيكم ( رفعات وتمريرات ) وانتو بس عليكم ( تسجلو أهداف ) ،،، واذا صعب عليكم الموضوع مرة ( حديكم ملخصات ) ،، يعني لاتكتبو وتتعبو نفسكم ،،، وفي الصعيد المقابل ،،، فريق باء عندهم مدرب عصبي وهمجي ،، وقاعد يهزئ ويسبسب .. ويطرد المتأخرين من حصة التدريب ،،ويعطيهم حرمان ،،، ولكن في نفس الوقت .. في ولدين عندهم مصلحة معاه وجابوولووو رخصة السواقة وكدا ،، فبالتالي كان متعاطف ومتسامح ومتساهل معاهم ،،، وطبعا ً قالهم ( انتو مستحيل تسجلو 90 هدف ) ،،، انتو بالقوة لو سجلتو ( 70 ولا 80 ) هدف ،، عشان لا تصيروو أحسن مني وفي نهاية المسرحية ... جابو طلاب الفريقين ،،، لقينا فريق أ ،، مهندسين ودكاترة وطيارين ،، وفريق ب ،، مشردين في الشوارع << الله يستر بس وبعد ما خلصت المسرحية اللي والله كانت في الصميم .. وبررررردت قلبي .. وهزأت في الجامعة والدكاترة بس بطريقة مرحة ورااااائعة وكانت مثال للنقد البناء ،، فجأة كان في سحب على الجوائز كككككك أقووولك داخلين مسابقة ولا حروف وألوف ؟؟؟ المهم بعدين خلصنا وكل واحد راح على بيتو .. ومحد استفاد اي شي بس ضاع الوقت والمباراة والبنزين ،، وهادا ملخص أحداث هذا اليوم بالنسبالي ،،، وسييي ياااا

شكككككككككككككككككرا
يابوزي
الله يوفقك وان شاء الله ربي يرزقك افضل مستقبل

[dr.hope]

قمة الاستغراب

لمن واحد جايب في كل مواده A+ وما يتوفق في مادة وحدة ولو نفترض انها احياء ويجيب فيها b

بينما شخص اخر يجيب في كل مواده b+ والثاني يدخل في مفاضلة الكليات الصحية والاول يروح يدور تخصص ثاني

مع انو الاول معدله أعلى بكثييييييييييييييير من الثاني

حاجة غريبة جدااااا

[ROoOFaNA]

المشاركة الأصلية كتبت بواسطة dr.hope هوينها وتهون يا روفا الله معانا وما حيضيع لأحد تعب

والله الواحد صبره نفذ

مافي اجابات شافيه ومافي مراعاة لحالاتنا النفسية بسبب سنتهم التحضيريه

الحمد لله رب العالمين اني ما رحت اللقاء شفت خمسة بنات اثنين منهم يبكوا

ورايحين يسحبوا ملفاتهم زعلت عليهم

الله يسهلهم امورهم ياااااااااااااااااااارب
إذاجلسوا في الجامعه
ويعوضهم رب العالمين الأفضل إذا خرجوا منها

[dr.hope]

المشاركة الأصلية كتبت بواسطة rooofana والله الواحد صبره نفذ مافي اجابات شافيه ومافي مراعاة لحالاتنا النفسية بسبب سنتهم التحضيريه الحمد لله رب العالمين اني ما رحت اللقاء شفت خمسة بنات اثنين منهم يبكوا ورايحين يسحبوا ملفاتهم زعلت عليهم الله يسهلهم امورهم ياااااااااااااااااااارب إذاجلسوا في الجامعه ويعوضهم رب العالمين الأفضل إذا خرجوا منها

شوفي روفانا

في زي دي المواقف يبان الانسان اللي عنده قوة تحمل ويبان صبر كل واحد فينا

في ناس من الترم الاول ما قدروا يتحملوا وانا بتكلم عن اللي ما اتحملوا مو اللي راحوا يدوروا فرصة ثانية

وناس سحبت وما زالت تسحب هذا الترم

وفي ناس لسا ما زالوا اقوياء ومتحملين واحنا منهم وان شاء الله نستمر

صح انو في تخبط كبيييييييييييييير وكل واحد يقول كلام وما في شي واضح

بس في النهاية لازم نعرف حاجة في الدنيا دي

احنا مسيرين ولسنا مخيرين

وكل شي مكتوب

والله يعيننا وانتي يا روفانا دايما ما تكوني متفائله وخليكي كدا دايما

ولا تخلي الشيطان يدخل قلبك ويوسوس ليكي وكوني على ثقة انو اذا المسؤلين والجامعة ماهم عارفين شي

ربنا عارف كل حاجة وعارف كل واحد فين حيكون بعد نهاية السنة هاذي