بشرى ساره للجامعيين المنتسبين ان شاء الله تتحقق

[fna]

انا انتساب متخرج كاتبين لي انتساب


بس مايمنع تحاولون يمقن :d اذا الغوا نظام الانتساب يرحمونا ويقولون خلنا نشيل كلمه انتساب لانه خلاص مستقبلا ماراح يكون هالنظام ساري


الوكاد نبي افعال ونبي ناس تتحرك وربعاً تعانوا ماذلوا

[ساكو]

قويه يحطون لنا انتظام ..!!
معليش محنا زيهم ابدا
صحيح نبغى مساواه لكن مو بالاسم يعني حنا ماصحينا الفجر ؟
ماحضرنا محاضرات يوميا ؟
ماجلسنا تحت الشموس 6 شهور ؟
مامرضنا وتمرمطنا ع الاعذار ؟
معلييييش يلغون كلمة انتساب مثلآ
لكن لايبدلون ويحطون انتظام
يخلونها فاضيه حنا والانتظام زي بعض
بس نكون انتظام وحنا نايمين لا ..
وان كانت جهودنا دبلات الانتظام لايعني مساواتنا فيهم
لااعترض ولا معاها لكن هذا هو الواقع ..
الشئ الاهم جامعتنا المصون دائم متأخره بمثل هالقرارات ودائم الجامعات الاخريات اسبق منا
واقرب مثال الرسوم الجامعيه فيه قرار بإعفائها واسترجاعها للطلاب وللحين مافي اي تجاوب !!
جامعة ام القرى رجعت لطلابها الرسوم ووو وحنا ؟؟

لآتعلييييييق

[*Abu ALHANA*]

لا يهم كثيراً بالنسبة لي كتبوا انتظام او انتساب

الاهم هو ماذا حصلت عليه من علم خلال هذه المرحله

الآن عندما تتقدم على اي وظيفة يجب ان يدعمها الواسطة كثيراً

ومن ثم سيكون هناك مقابلات شخصية تحدد الاجدر والاحق بالوظيفة

سواء ان كان منتسب او منتظم

ان ادعم الموضوع ومعكم قلباً وقالباً

ونتمنى ان نحصل ع الوثيقة ومكتوب بها طالب متخرج فقط

كل الود للجميع ....؛

[شدندن]

صحيح ساكو بس يشلونهاا تكفي ,,
الله يكتب اللي فيه الخير لنا يارب ,,

[roody k.a.u]

طيب إذا حيلغو نظام الانتساب نهائيا !!
هل يعقل ان يكتبو في شهاداتنا انتساب << يعني بعد 10 سنين اذا جينا نشتغل حيقولو هذا كبير كان متخرج على ايام نظام الانتساب !!
مانبغاهم يكتبو إنتظام بس على الاقل إذا حيلغو نظام الانتساب رجاءً لايظلمونا ويكتبو إنتساب لانها حتسير الكلمة غريبة مع الوقت

[عيوني حزينه]

ان شاء الله يلغونها

[مانع اليامي م]

ما سمعنا هو ان فيه توجه لألغاء الأنتساب وهذا الكلام له اكثر من سنتين .....اما تغيير طريقة الدراسه ومسمياتها من منتسب الى منتظم وهو يدرس انتساب فلم نسمع عنها .....وثق بان هذا الشي مستحيل ......
تحياتي.................

[faafee]

نبي يكتبون طالب متخرج وكثر خيرنا

لاانتساب ولاانتظام

على الفكره المنتسبين اغلبهم يذاكرون ويفهمون باعتمادهم على نظام البحث
اوهذا النظام الي يطبق حاليا فالجامعات المتقدمه
يعني ابد مانجحنا بفلوسنا والله انه تعب وسهر

مااقلل من جهود الانتظام لكن حنا بعد نتعب اذا الانتظام يتعنون للجامعه ويسمعون المحاضره وربي الشاهد اني ابحث فالنت عن كل مايتعلق بموادي كلنا نتعب وكلنا نسهر وكلنا مارح نتخرج الا بمجهود يعني مفروض ينكتب طالب متخرج وبس وشو له التفصيل !! ولما سمعت انه الانتساب ماينفع يصيرون معيدات بالجامعه تعجبت جدااااا ليش! هل المنتسبين معاقين مثلا! هل يصعب علينا نوصل المعلومه مثلا! ليش هالظلم كل ترم نشيل هم الرسوم اقلللل شي من حقنا اكون معيده واسترجع مادفعت بمعاناه ابي سبب مقنع ليش المنتسب مايكون معيد بالجامعه انا اتكلم عن الطالبات ماادري اذا الطلاب زينا او لا يحسسونك بكلمة منتسب وكانه خط احمممر وكانهم يقولون حصل على الشهاده بفلوسه لكن ف الحقيقه ولاعمري حسيت اني دافعه زي مثلا احساس لما نكون ف مدرسه اهليه ولاعمري حسيت اني مرفهه من ناحية الدراسه او انه الضغط اخف لاني ادفع لا وربي نفس احساس وانا انتظام الا اشد قلق وخوف وبحث لانه مافيه احتكاك بالاستاذات

انا سألت استاذه قالت ينفع تصيرين اداريه لو تبين بس معيده لا تحطمت لاني كنت اطمح اكون معيده وانا كنت انتظام ولو ادري ماحولت انتساب بس ماكنت اعرف
شي غريب ...
الحين صارو يختبرون قياس للمقدمين على وظايف الجامعه واختبار وظيفي وانجليزي وتعقيد كالعاده
طيب
دام الموضوع فيه اختبار يخلون المقدمات على الوظائف خريجات الانتساب يختبرون زيهم زي خريجات الانتظام وحسب النتايج ياخذون الافضل هذا الطبيعي

لكن اذا كانت الجامعه الي رح نتخرج منها ورح تختم لنا شهاداتنا هي اول جهه تشكك بقدراتنا وماتبي تقبلنا وظيفياً كيف نلوم الجهات الاخرى

اعتذر على الاطاله بس موضوع حلو ويستحق النقاش والتثبيت لكن اتمنى مايكون نقاش دون جدوى

المعلمين الدفعه الي قبل الي فاتت جابو محامي وانتدبو مجموعه لكن كلهم وقعو انهم مع هالمجموعه وكلمو اعلاميين عشان المسئولين لما يدرون انه الحدث يتصور يهتمون واخذو موعد وراحو لمسئول لكن مااعرف مين هو وطالبو بحقهم وربي شاهد على كلامي وخطيب اختي واحد منهم الحين تثبتو جميعهم في قرى مختلفه وهم سنين يدهم على خدهم ينتظرون

نلتمس العذر للمسئولين يمكن موقاصدين ولكن يمكن مسئولياتهم كثير وهم بشر يسلون وينسون اذا صحيناهم وذكرناهم مايقصرون انشا الله لكن ثقو محد حريص عليك اكثر منك انت نفسك اذا انت مافيك حيل تتحرك وتطالب بحقك لاتلوم غيرك اذا حطك بالارشيف

انا اولكم والله ابدأ بنفسي قبلكم لكن انا بنت ورغم اني بنت انا قد قلتلكم ابوي يقدر يروح لمكتب مدير الجامعه ويناقشه في اي قضيه نبيها بس لازم يكون ماخذ ارقام جامعيه كثيره مننا حنا طلاب وطالبات انه صوتنا معاه ونطالب بالشي الفلاني وحنا هنا لو احد مننا يعرف يكتب خطاب يكتبه ويرسله لي مع الارقام الجامعيه وقد كتبت ذا الكلام ولاحياة لمن تنادي

الله المستعان يد وحدها ماتصفق

[mirota]

والله مايفرق منتسب و منتظم لشهاده وحده يعني كلنا من نفس الجامعة ومعتمده اعرف ناس منتسبين الحين يحضروا دكتوراه في دول اجنبيه

[نايل الرشيدي]

faafee



اشكرك علي الرد الاكثر من الرئع


ياليت كل العالم مثلك

وصدقتي يد وحده ماتصفق .


اتمني من المشرفين مره اخرى ان ينظروا في الموضوع ويكون محل نقاش واسع

لانه والله في مصلحتنا

؟؟؟؟؟؟؟؟