بدأ الحذف والاضافة

[روروروز]

شكرًا مس جي جي
حابه أسالك حتبدي دوام من يوم السبت ولا بعد اسبوع

[miss_jeje]

المشاركة الأصلية كتبت بواسطة روروروز شكرًا مس جي جي حابه أسالك حتبدي دوام من يوم السبت ولا بعد اسبوع

انا ما عندي شي يوم السبت بس ان شاء الله الناس الي داومت السبت تجي و تخبرنا اذا الدراسة الفعلي بدات ولا لأ
و من الي سمعته فهمت ان دكاترة الماستر يبدؤا الجد من اول اسبوع

[روروروز]

شكرًا مس جي جي
باريت الي يروح السبت يقول لنا التفاصيل

[miss lulu]

المشاركة الأصلية كتبت بواسطة ازهار السوسن هلا وغلا فيك حبيبتي ما تحسي ان المواد كتيره عليك انا نصحتني وحده متخرجه من الماستر تقولي اول ترم خدي مادتين ومع الدوره البديله مره كفايه يعني شوفي الجدول دحين من 8 لما 1 ويقولو ان الدوره البديله من 2 ونص لما 4 اعتقد انو ضغط مره كبير غير التكاليف الي راح تكون وكمانه ماده نصوص اجتماعيه مو سهله وتحتاج وقت مره طويل للمذاكره وب النسبه لدكتورات صدمه انا تعبت مع د/ خيريه كاظم ود/ سهام العزب عندي يا قلبي دوره بديله عموما اتفقنا انا وصحبتي نعمل الجدول دا ونشوف كيف الوضع ما ينفع نفتح موضوع تجمع خاص فينا

بالنسبة للمواد أنا بس حابة أعرف عن ايش تتكلم مادة تصميم البحث الاجتماعي

أما حكاية التكاليف إن شاء الله مع تنظيم الوقت نقدر عليها

وفكري بيها كدا ولا كدا راح يجي ترم تضغطي نفسك أنا أشوف 3 تمام مع الدورة البديله

حتى الدورة يقولوا سهل مو ديك الصعوبة

ههههههههه اما الدكتورات انا درسوني أهم شي إنهم مريحين ف التعامل وشوي يبغالنا نشد حيلنا مع تكاليف د/ خيريه ><

كدا ولا كدا الحذف والإضافة متوفر إلى يوم الاثنين ونستشير اللي سبقونا وحتى الدكتورات

أكتر شي شايله همه نصوص إجتماعية خاصة مع فطاني

إن شاء الله أسلوبها تمام وتراعي الفروق الفردية

ياقمر متى رايحه بكره ؟؟

[miss lulu]

المشاركة الأصلية كتبت بواسطة طموحهـ ولكنـ ماشاءلله عليك يامس لولي الله يوفقك . هو صحيح الدور مو داخلة بالمعدل بس لازم اجتاز 70 درجة [color="blue"]وكمان لازم تكون نفسيتي تمام مع اول ترم في الجامعة لان انا مو مرتاحة مرة في الجامعة فاضطرت اخذ مادتين يمكن نفسيتي تزداد سوء [/color]>> احلفي وعشان كمان اقدر اجيب معدل عالي عشان ابني علية في المستويات الباقية >> تفكير سليم ومنطقي

آميييييييييين وإياك يارب

وإن شاء الله تجيبي أكتر من دي الدرجة لا تشيلي همها أكيد بيراعوا الفروق الفردية

لا حببتي أن شاء الله تنبسطي هونيك وتتعرفي ع جروب جديد

في دكتورة ف قسمكم اسمها سامية كان رئيسة الدبلوم تبعي مره أخلاق وعسل

لا إن شاء الله يارب تكوني مرتاحه ومبسوطه وشي طبيعي تمر علينا أيام وقت الدراسه نكون طفشانيين إنت استشيري الدفعة اللي قبلك وهما إن شاء الله يفيدوك

انا أشوف مادتين قليلة

ولو شايله هم التكاليف طول عمرنا بنعمل تكاليف وف الدبلوم كنا 7 مواد ومره ضغط وتكاليف بس أهو الحمدلله عدينا

ياعسل بتروحي السبت ؟؟

[طموحهـ ولكنـ]

8 8 8 8

ايوة بروح السبت بس . عشان اسجل بالدورة

وباقي الايام اجااازة ماني رايحة ههع

[miss lulu]

المشاركة الأصلية كتبت بواسطة طموحهـ ولكنـ 8 8 8 8 ايوة بروح السبت بس . عشان اسجل بالدورة وباقي الايام اجااازة ماني رايحة ههع

طمنيني اش عملتي روحتي للجامعه اليوم ولا لأ ؟؟

تمنيت أقابلك النهارده ^_^

[روروروز]

يابنات احد راح الجامعه اليوم
نبغا نعرف في دوام هذا الاسبوع ولا لا
بالنسبه الدوره حتبدا يوم السبت ان شاء الله

[روروروز]

الدوره البديله حتكون يوم السبت والاثنين الأربعاء من الساعه ٢،٣٠ الى ٤،٣٠
وتبدأ بإذن الله يوم السبت القادم
اعتقد انها شعبه وحده وبس هذا الموعد المتوفر
بالتوفيق للجميع

[عنفوان الصبا]

دورة اللغة كما ذكرتن ثلاث أيام في الأسبوع من 2:30 إلى 4

وهي شعبتين :
قاعة ( 355 ) وقاعة ( 333) في مبنى عمادة الدراسات الأرضي كما ذكرت لي أستاذة انتصار

كل قاعة سيعلق عليها كشف بأسماء الطالبات فيها

بالتوفيق وملتقانا الدورة بإذن الله