أسئلة لكل معيدة ومعيدة ( نرجو التفاعل والمساعدة )

[آلميآسه]

الاخت smily

بما انك معيدة علم نفس حابه اسألك ...

تركيزهم وقت المقابله كان على ايش اكثر ... الخبرة ؟ الدورات ؟ الشخصية ؟ .... او غيرهاا

انا ماقدمت ولا مره بس حابه اقدم متخرجة من سنه و معاي دبلوم تربوي .. ولسى حختبر ستيب ان شاء الله لمن يفتح . وماعندي الا دوره و مافيش خبره ..

[أطفال]

السلام عليكم ورحمة الله

كل عام وانتم الى الله أقرررب ...

سؤال لأختي الاستاذة Smily

أنا طالبة علم نفس وأريد أن أكون معيدة بإذن الله
سؤالي كيف أقدر أصير زيك معيدة بعد توفيق الله سبحانه ؟؟

أعطني من فضلك وبعد أذنك أسباب أو عادات أو قدوات تشعرين أن لها أكبر الفضل بعد الله في تحقيقك هذا الهدف ؟؟

ماذا عملتي مع شروط المفاضلة المعدل70% - الشخصية 5% - الثقافة العامة 10 % - تطوير الذات 5% الانجليزي 10% كيف تمكنتي منها أو -بعد إذنك طبعا - تقوليلنا قد ايش كان نصيبك منها ؟؟؟وماذا عن المقابلة ؟

ع اي أساس يعرض قسم علم النفس الإعادة ؟ دوريا ؟ حسب الاحتياج ؟

نصيحة أخيرة لي ولكل فتاة طموحة

مع خالص شكري وامتناني


آآآآآسفه جدا كثرت عليك يا أستاذة

[smily]

اهلا وسهلا
حبيبتي المياسة
المقابلة الهدف منها اولا واخيرا هو التعرف على شخصيتك ومناسبتها للمهنة
لان الشهادات والدورات وكل شي حيكون واضح عندهم في ملف تقديمك
كوني واثقة من نفسك ..احيانا تنطرح اسئلة بعيدا جدا عن المجال العلمي ..الهدف منها معرفة المستوى الثقافي وكشف اللباقة وترتيب الافكار (يعني مافي جواب صح او خطأ)..وبما اانك متخرجة من فترة ..حيسألوكي يمكن ماذا فعلتي بعد التخرج ..ماذا ترين في نفسك بعد كم سنة وهل تعتبرين نفسك احسن وحدة لهذه الوظيفة .
بالتوفيق لكي يارب


اختي اطفال
ركزي على دراستك ومعدلك وحققي الشروط المطلوبة من شهادات لغة وكذا

المشاركة الأصلية كتبت بواسطة أطفال ماذا عملتي مع شروط المفاضلة المعدل70% - الشخصية 5% - الثقافة العامة 10 % - تطوير الذات 5% الانجليزي 10% كيف تمكنتي منها أو -بعد إذنك طبعا - تقوليلنا قد ايش كان نصيبك منها ؟؟؟وماذا عن المقابلة ؟ بس حابة اقلك شي ..ترا مو كل شي يقاس بالمسطرة والمتر التيسير من الله ..ولو كنتي ضعيفة في نقطة ..قوي نقطة ثانية ..اما تقسيمك كذا ماحيساعدك بس حاجاوبك . المعدل ..وهذا اللي من المفروض تكوني مركزة عليه الحين وتحافظي عليه الانجليزي...الشهادات اللي حتاخذيها تطوير الذات..دورات اللي حترفقيها بملفك+مدى تاثيرها بشخصيتك اللي حيختبروها خلال المقابلة اما باقي الاشياء ..ماتتقسم كذا لانها كلها يحكم عليها من خلال مقابلتهم لك وبالنسبة للمقابلة ..جاوبت المياسة عليها ..وايضا في كذا موضوع كان لي بعض المشاركات على نفس الموضوع ع اي أساس يعرض قسم علم النفس الإعادة ؟ دوريا ؟ حسب الاحتياج ؟ كل قسم يعرض وظايفه على اساس الاحتياج وليس دورياا ..(ليه يوظف وهو غير محتاج؟؟) وغالبا مايتم حصر الاحتياج وعرض الوظائف في نهاية السنة (ليس دائما ولكن غااااالبا) نصيحة أخيرة لي ولكل فتاة طموحة التوفيق اولا واخيرا بيد الله ..نجتهد صحيح ونحافظ على مستوياتنا الدراسية ..لكن مانحصر طموحنا في شي واحد ..لان يمكن مايكون نصيبنا فيه .لذا نجنب انفسنا شر تحطم الاحلام والشعور بتلاشي الفرصة المعيدية وظيفة من بين وظايف كثرة متاحة خاصة لعلم النفس اللي يدخل في كذا مجال ممكن الشخص يشتغل فيه سواء تعليمي او اداري مع خالص شكري وامتناني آآآآآسفه جدا كثرت عليك يا أستاذة

ولو العفو ياقلبي ..وبالتوفيق

ورغم اني تعبانة شوي والله الا اني ماقدرت ماأرد عليكم

دعواتكم لي بالتوفيق

[مطلع الفجر]

أختي smily اسأل الله أن يوفقك في الدنيا والآخرة لكل ما تصبوا إليه نفسك بما فيه كل الخير ويرزقك كل ماتتمنين من حيث لا تحتسبين اللهم آمين

مشكورة على ردودك والله يكثر من أمثالك وينفعك بكِ أينما كنتِ

[آلميآسه]

ششششششكرا smily ربنا يوفقك ..

بالنهاية هي وظيفة حابين نجرب حظنا فيهاا كبقية الوظائف ^-^

[أطفال]

شكرا أستاذة ٍSmily
وجزاك الله كل خير على تفاعلك معنا

[smily]

اهلين حبايبي

مطلع فجر .. اللهم آمين .شكرا على الدعوة الحلوة..ولكي بالمثل يارب

المياسة ..العفو.. وبالتوفيق

أطفال .العفو ..ويجزيك ربي كل خير

[كيميائية العام]

الى الأخوات
أنا حابة أسأل بالنسبة لوظائف المعيدات هم تركيزهم عن الدورات الى تطور الشخصية مثل ورشات العمل ولا الأهم دورات اللغة الأنجليزية والحاسب؟
وكمان اذا كانت درجة الاستيب حسب موقع قياس متوسط وتم أخذ دورات لغة في مستوى اقل هل من لافضل تقديمها أو لا؟

[مطلع الفجر]

المشاركة الأصلية كتبت بواسطة كيميائية العام الى الأخوات أنا حابة أسأل بالنسبة لوظائف المعيدات هم تركيزهم عن الدورات الى تطور الشخصية مثل ورشات العمل ولا الأهم دورات اللغة الأنجليزية والحاسب؟ وكمان اذا كانت درجة الاستيب حسب موقع قياس متوسط وتم أخذ دورات لغة في مستوى اقل هل من لافضل تقديمها أو لا؟

اللي أعرفه بالدرجة الأولى دورات الحاسب أو دبلوم الحاسب هذي مفروض تكون عندك شهادة فيها .

وبالنسبة للغة الإنجليزية هما خلاص وضعوا شرط اختبار اللغة اللي يحدد مستواكِ فيه من خلال درجتك في الإختبار ، فما أعتقد دورات اللغة صارت تهمهم ، بس ممكن يعتبروها إن اعتبروها من الدورات التطويرية ..ومفروض درجتك في اختبار ستيب ماتقل عن 50 في أسوء الإحتمالات ماعرف ممكن يتغاضوا عن أقل من كذا إذا كان مستوى درجتك في المتوسط أو لا.

عموماً قدمي كل شهادات الدورات اللي عندك في ملف وبس ماراح يجوا يقولولك نبغى هذي الشهادة وهذي مانبغاها !!أهم شيء عندهم وقت التقديم الشهادات الأساسية اللي يحطوها في شروط التقديم عند الإعلان عن الوظيفة تكون موجودة في ملفك وباقي الشهادات تعتبر أشياء زايدة تاخذي عليها نقاط في المفاضلة إذا كانت عندك .

بالتوفيق ..ودعواتك

[كيميائية العام]

شكرا لك يامطلع الفجر بالنسبة لدرجة الستيب 58
و الدورات للتطوير ورفع المفاضلة أنا قصدي اذا كانت دورة اللغة الانجليزية بعد الاستيب وكان المستوى المأخوذ فيها أقل ما تأثر على الستيب
لانو انتي عارفة المعاهد يحطوكي في مستوى قليل علشان تدرسي أكثر