خلع بوابة جامعة أم القرى (بشيول) واقتحام المبنى

[RHF]

يووه

الصراحة من جد قهر يقولولك مقبول ، ولمن تروح هناك ، كل حاجة تشوفها تقفل قدامك ، وكل ما تيجي تعطي قسم اوراقك يقولك اكتفينا < دا النظام في ام القرى



والصراحة انا اشوف من حق اي شخص يدرس ، سواء كان نسبتو عالية او واطية ،


لاكن للاسف احنا عندنا انظمة مدري كيف ، يخلي الواحد يتعامل بالقوة عشان ياخد حقو في التعليم

ولاكن ، انا ما حبيت فكرة انو البنات يسوو الحركات البايخة دي !!!

الصراحة انا ما ارضا على نفسي اوقف و اضارب بدي الطريقة ، وسط الرجال ، واكسر باب ، وفوق كدا يصوروني !!!

مالها داعي

[Majed7]

إنتــوا حطو نفسكم مكانهم .. يمكن تسوونـ أكثر من كذا !

تلــقوا البنت تذاكر وتجتهد وتطلع بنسبة حلوة عشان تدخلـ هالجامعه - ونسبتها تأهلــها - .. ويمكن أهلها ما راح يخلوها تدرس بجامعه برا مكه وفي الأخير بعشوائية يضيعوا عليها القبول !!

هذا الشيء مفروض يكونـ عبرة لـ جامعة أم القرى ..

لأنيـ سجلت بجامعه الملك سعود وإجراءات القبول سهلة جدا .. وبعدها فصلت وسجلت بجامعة الملك عبدالعزيز - إجراءات القبول أسهل وأسرع من جامعه الملك سعود - ..

وبرضوا العام رحت مع صاحبي عشان يرسل أوراقه لجامعه البترول .. نص ساعه وخلص :)

ويمكن الجامعات الثانية نفس الشيء إلا أم القرى ..

[توونآ]

المشاركة الأصلية كتبت بواسطة girl.k.s.a ههههههههههههههاإاإاإاي لما اعمل حركات غبية وأأذي البشر بالطريقة البشعة هادي كدا أنا اقولك لك الحق انك تدعي عليا . . لكن ما همتني دعوتك لاني الحمدلله مو عاملة شي يضر البشرية

اهااا طب كويس
وما اقول الا ان شاء الله ما تنحطي بموقف زي كذا
وتدرسي وتتعبي وفي الاخير تعلقي شهادتك بالمطبخ :)
لكِ ودي

[صَخَب الْأَبْجَدِيِّة]

كل الطرق سدت مابقي إلا هالطريق لهم .
بصراحة مالومهم الواحد أقصى حلمه أن يُقبل بالجامعة وإذا ماقُبل ينكسر خاطره ويتحطم حلمه وتبداء رحلة البحث عن وظيفة أو معهد أو . إلخ
فمن باب أولى ينكسر الباب

[عموريAHLI]

افتح ياسمسم ابوابك نحن البنات

وربي حالة

اقوياء و ف نفس الوقت تستاهل الجامعة ماجاها من تخريب وفوضى

واتوقع هذه بداية قوية للسنوات القادمة اذا ماصار تعديل حقيقي وزيادة نسبة القبول

ف مش غريب العام الجاي نشوف احداث زي هذه في ام القرى وغيرها

واساساً التصحيح عندنا مايجي بالطيب ابداً , يلزم له العين الحمراء

شكرا لك







.

[جوزائيه]

الصراحه ماالومهم
نسب عالية وبالاخر اصحاب النسب المتدنيه يقبلوهم لان عندهم واسطة
والي تعبانة وكارفه ماتقبل وربي قهر وظلم ,,
لكن اسلوبهم مو حلو في التكسير والاعتداء
لو عملوا اعتصام قدام الجامعة بدون تكسير وضرب يكوون انعم وارقى هههههههههه

[رنيم سليمان]

لم أفهم



ماهي الطريقة المُستخدمه لديهم في القبول ؟

ألا يُوجد استمارات المواعيد للِمقبولات فقط كما يحدث مَعنا ؟

أم أن القبول لديهم - عشوائي - حَسب من يَدخل أولًا !

[lovely one]

^^ بالنت قالولهم كلها مقبولين لكن من راحو الجامعة قلولهم كلكم اقلبو وجيهكم ما عدا الي عندها واسطه

[RHF]

الطريقة كيف

مسلن يوم السبت النسب من 95 ل 100 اوكي ؟

يروحو كل الاولاد اللي نسبهم كدا ، طبعن اغلبيتهم يدخلو تخصصات صحية

يعني تاني يوم النسب من 90 ل 94 ، حيلاقو التخصصات الطبية كلها قفلت ، يدخلو هندسة مسلن

تالت يوم ، من 89 ل 85 ، يكون باقي التخصصات التانية

وكل يوم يقفل يقفل

عبال يوصلو نسب ال 80 يكون كل شي قفل

( طبعن التقسيم دا من راسي ، لاكن لمجرد التوضيح فقط )

[ALEMBRA6OR]

وعليكم السلام ورحمة الله وبركاته


اذا هذول الجنس الناعم حنا وش نسوي ..؟

والله بنات هاليومين يخوفون كل يوم طالعين بقضية وذبح وتقطيع ..

أقدر شعورهم وأتمنى لهم التوفيق والحياة ما توقف عند الجامعه والأمور ما تنحل بهالطريقة .

المشكلة عندنا كل الخريجين يبغون جامعه .؟ البلد محتاجه فنيين مهنيين مكينايكيين ...الخ , اما كلنا جامعة ..!!

كل دول العالم كذا حول 40% من الخريجيين جامعة والباقيين ومعاهد كليات تقنية - طبية ..الخ .

ع العموم أشكر القوات على تواجدها وتنظيم الوضع خخ .