سعودي حاصل على شهادة الماجستير يعمل بائعا للخضار !

[الشــامخ]

شخص معه ماجستير يشتغل بالخضره مستحيل .. لا وبراتب لايتجاوز 1500 ريال .. اتوقع انه اشتغل هـ الشغله عشان الاعلام ..!! طبعا انا مااقلل من شان الوظيفه بس الرجل معه شهادة قليل في هـ الزمن يحصل عليها ..
وانا اعرف مدير التوظيف بمستشفى الحرس الوطني بالرياض .. وسئلته عن طريقة القبول السريعه بالمستشفى قال اهم شي يكون المتقدم للوظيفه معه لغه .. واخينا ابو خضار هذا اتوقع انه فلته بالانقليزي .. يعني يقبوله زي السلام عليكم .. وبدون ماجستير .. بس مثل ماقلت لكم الشخص يبغا تصير صجه اعلاميه ..!!
عموما يعطيك العافيه على الموضوع

[مَـزٍآج ..}..]

المشاركة الأصلية كتبت بواسطة الشــامخ شخص معه ماجستير يشتغل بالخضره مستحيل .. لا وبراتب لايتجاوز 1500 ريال .. اتوقع انه اشتغل هـ الشغله عشان الاعلام ..!! طبعا انا مااقلل من شان الوظيفه بس الرجل معه شهادة قليل في هـ الزمن يحصل عليها .. وانا اعرف مدير التوظيف بمستشفى الحرس الوطني بالرياض .. وسئلته عن طريقة القبول السريعه بالمستشفى قال اهم شي يكون المتقدم للوظيفه معه لغه .. واخينا ابو خضار هذا اتوقع انه فلته بالانقليزي .. يعني يقبوله زي السلام عليكم .. وبدون ماجستير .. بس مثل ماقلت لكم الشخص يبغا تصير صجه اعلاميه ..!! عموما يعطيك العافيه على الموضوع

طيب مدام انك محلل خطير للدرجه دي مآ شآء الله عليكـ . .

تواصل مع الجريدهـ وخذ رقم الادمي ووظفه في المستشفى . .

واذا مافيك حيل تتواصل مع الجريده انا مستعد اتواصل معاهاا واجيب رقمه . . لكن تضمن الوظيفه له ؟ ولا مجرد كلام

قال صجه اعلاميه قال !!

[eng. abdu]

شي غريب, بس اتوقع ان التخصص غير مرغوب فيه او انو الدوائر عندها اكتفاء وغالبا شهادة الماجستير مالها اهميه في التوظيف

[بيو كيميائية ^_^]

أنـا أختي خريجة نـظمـ معلومات بكالوريس وتوظفت وبدون واسطة

بس أول جلست سنة كامـله وين ماتروح يقولون نبي خبرة وعلى نهاية السنة تمـ قبولهـا

والشركة اللي كانت فيها كانوا يبون خريجين نظم أو تقنية سعوديين ومو مهم الخبرة اسم الشركة itm في الخبر

وهي من الشركات الكونتراكـت مع آرامكو

والحين هي غيرت الشركة وصارت في شركة اسمها وبرو لأنها أفضل وبرضو كونتراكت مع آرامكو

يعني هو لو بحث في كل مكان لقى +شيء ثاني هو ماصار له شيء من تخرج

بس أكثر شيء يقهر لما يقولوا يبون خبرة وهم يجيبون هنود من برا ويعلمونـه

الله يرزقه إن شاء الله

[نوره الغامدي]

و الله لو انه متخرج من البطحا بتقدير مقبول جداً كان لقى له وظيفة من أول شهر لو يبي .. هذا فقط اذا كان عنده واسطة

, اقولكم اليوم اختي راحت تحلل دم , المهم خلصت الأرقام و قفلو الجماعة و اختي حللت الحمدلله , الا يجي واحد ضعيفوف يقول أبي أحلل ؟ قالو له : معلييييش قفلنا , ما فيش مجال !
.. و بعده جا واحد ثاني شكله من الربع و قالو له : هلا و الله .. ترى خلصنا بس يلآ عشانك بس ! يعني الواسطة هذي فـ كل مكان و فـ كل شي حتى فـ أتفه التفاهات !

بس شكل هـ الجامعي الماستري ( غلبان ) ماله سند :) عشان كذآ راح يتعب و هو يدور .. أصلاً هو دوووبه متخرج يعني يبيله يصبر شوي و يتحمل ! بالرغم من انه تخصصه مطلوب جداً و من الخارج كمان .. بس الله يعينه ! هو شغله الحالي موب عيب و لا شي , بالعكس ماشاء الله عليه الله يقويه و يعطيه العافيه ’ بس الأفضل له عشان يكتسب خبره انه يشتغل فـ الشركات أو المؤسسات , ان شاء الله لو بنفس الراتب .. موب مهم أهم شي الخبره ثمـ ن الخبره ! يعني يُفترض انه يشوف أنحاء بلادي و يلف كل مدينة و النت كمان مليان ’ و ان شاء الله ربي يعطيه خير و يرزقه :/

انتو ليه مستغربين !؟ ترى الوظايف أرزاق من رب العالمين , و ربي فيه واحد متخرج عربي و متوظف اللحين , و الثاني صيدلة و موب لاقي وظيفة له أربع سنين !

و يا كثرهم اللي متخرجين من جامعات و يشتغلون فـ بقالات و عمال نظافة ’

( لو تجري جري الوحوش , غير رزقك ما تحوش ) و الواحد يسوي كل اللي يقدر عليه و الله ولي التوفيق :)


و يا بلادي واصلي


/


جزاكِ الله خيراً ’

[قاهر المتكبرين]

خليه يروح كنتاكي .. جنب الكاشير فيه بانر معروض فيه تدريب منتهي بالتوظيف المؤكد 100% في مجموعة كبيرة جداً من المطاعم والشركات التابعة لشركة كبيرةً جداً جدأً نسيت اسمها أظن الشايع أو أمريكانا شي زي كدا .. التدريب فيه مكافأة ألف وخمسمية تقريباً (قد راتبه دحين) وبعد التوظيف الوظيفة لا تقل عن اربعة آلاف ريال ..

والله اللي يبغى يلاقي .. قسم بالله اللي يبغى يلاقي .. بس شكله له 3 شهور في الخرج (مدينة نائية مافيها فرصة وظيفية لحامل ماجستير) واشتغل بائع خضار .. يعني بحث عن وظيفة لـ 3 اشهر فقط في قرية نائية وجا قال مافي وظائف! الموضوع واضح جداً وما يحتاج كل هذا التهويل .. لو يشغل مخه يلاقي وظيفة زي الحلاوة .. ياخي تعال جدة ودوّر! أو حتى الرياض أقربلك ..

[رنيم سليمان]

إذا رأيتم الأمر من منظورِ آخر

سنؤكد بهذا المثال بأن : الأرزاق بيدِ الله



قَد يرزق الله الانسان من خير الدنيا بواسطة أو بدون

ويسخر لَهُ مايشاء من خلقه حتى يَتوظف والعكس صحيح

جميع هذه الأقدار مكتوبه مِن عند الله



أتذكر الموقف الذي حدث بين أخي وأبي

حينَما طلب أخي من أبي أن يتوظف في أرامكو مع أخيه الأكبر أو في لوبريف مَعه

فقال لَه لن تكون مَعنا إلا بمُعدلك ، قرر أنتِ قُبولك من عدمِه وليس أنا = )



لا نعلم ما ظروف هذا الشاب لكن أتوقع إذا بحث بشكل أكبر

لوجد مايستحق وأكثر بإذن الله .



وهذا لا يعني نفي خطأ المسؤولين عن توظيف أمثال هذا الشاب خاصة بعد نزول هذا الخبر

بارك الله فيهم وكتب لَهم أجر عِلمهم وكافأهم بِما يستحقون قريبًا يارب ~



عروقي شمالية


شُكرًا لَكِ = )

أسأل الله أن يرزقنا وإياكِ من حيث لا نحتسب ~

[خالد2007]

اشبهم ابتعثوه لكي يدرس ويتعلم

البعثة لتغيير العقول والمفاهيم فقط

ولكن لو كنت في محلة وبا الفعل ما تقدر جهدي ارجع دربي لا استرالي واخذ الجنسبة الاسترالية
يا اخ فهد قريبي حصل علي شهادة من الاتحاد الفدرالي الامريكي في هندسة الطيران المدتي قسم محركات
جاء للسعودية احسن عرض جالة مهندس متعقد مع الخطورة السعودية اقصد الخطوط السعودية

رجع دربة امريكا واحتظنوة وزوجوة ووجنسوة وعايش ملك براتب 20 الف ربال سعودي
ويقول ماني خسران الا اهلي ومكة

[Al-Thaqafi]

معليش شباب لكن أنا أشوفكم مكبرين سالفة الواسطة ومعطينها اكثر من حجمها .. !

أنا ما أقول مافي واسطات بالسعودية وبالوظائف وما أقول إنه مافي أشياء ما تصير إلا بالواسطات , لكن مو لـ هالدرجة !

كل ما صار شيء قلته واسطة وما واسطة , هذا ما عنده واسطة .. ! هالشاب الله يوفقه يا رب ويحصل اللي فيه له الخير مو يعني ما انقبل خلاص علطول عشان الواسطة !!

إذا البعض نظرته انه مافي شيء يمشي بـ هالبلد غير بالواسطة هذي وجهة نظره , لكن لا يقعد يحطم بالناس الطموحة والمتفائلة بـ هالكلام .. !

اتوكّل على الله وافعل بالأسباب وان شاء الله خير .

[الشــامخ]

المشاركة الأصلية كتبت بواسطة مَـزٍآج ..}.. طيب مدام انك محلل خطير للدرجه دي مآ شآء الله عليكـ . .

هلا والله اخوي مزاج .. انا ماني محلل ولا اقراء الكف انا انسان بسيط جدا .. شي بديهي رجل معه ماجسيتر تقنية معلومات ومن الخارج بعد ..ورايح يعمل بسوق الخضره بـ 1500 ريال مو منطق نهائيا.. يعني مدام انه رضي بهذا المبلغ ماتفرق معه يشتغل اي شغله ... ليش مايتوظف بشركه بـ 1500 ريال لو بثانويه اهم يكسب منها خبره تفيده ..!!

المشاركة الأصلية كتبت بواسطة مَـزٍآج ..}.. تواصل مع الجريدهـ وخذ رقم الادمي ووظفه في المستشفى . .

ههههههههههههههههههههههه اضحك الله ضرسك .. وش رايك اختبر عنه بعد .. واروح اداوم عنه .. ويوصله راتبه لين محل الخضره

المشاركة الأصلية كتبت بواسطة مَـزٍآج ..}.. واذا مافيك حيل تتواصل مع الجريده انا مستعد اتواصل معاهاا واجيب رقمه . . لكن تضمن الوظيفه له ؟ ولا مجرد كلام

مزاج انا مستحيل اكلم احد .. تدري ليه ..!! لان راح انتظر لين ماتتخرج انت واخذ شهادتك بيدي واوظفك انت .. انت احق منه بالوظيفه لان يجمعني فيك المنتدي ..شفت صلة القرابه بيننا كيف قوية ..

المشاركة الأصلية كتبت بواسطة مَـزٍآج ..}.. قال صجه اعلاميه قال !!

عموما انتهى النقاش مابي اسمع منك شي .. رجاء لاترد