كل واحد عنده استفسار عن المكرمه يدخل هنا ..

[ميمي_غامد]

المشاركة الأصلية كتبت بواسطة كتمان قد اسمعت اذ ناديت حيآ ولكن لا حياة لمن تنادي مازالو بعض الاعضاء يكتبون مواضيع جديده ومكرره واستفسارات بسيطه ومازالت الحوسه مستمره

استغربت من كلامك هنا ع بالي احد رد على موضوعك طلعتي انتي اللي معلقه
لاتزعليين بس موضوعك قديم واستفسارتو مكرره
في موضع الاخ سلووم موضح كل شي عن المكافأه من اول صفحه لاخر صفحه وبس شكرا
ماعدا كم مبلغها ؟؟ ومتى تنصرف؟؟
لان العلم مو عندنا عند المسؤولين

[كتمان]

المشاركة الأصلية كتبت بواسطة الماجد 123 الله يعطيك العافيه اخ كتمان وانا عندي سؤال هل يحق للطالب المنتسب من بدايه الفصل القادم انه ياخذ مكافاه شهرين ولالا يعني هو مقبول انتساب ابتداء من الفصل القادم

طيب عندك رقم جامعي ارسلوه لك ولا للحين ؟؟

وتقدر تدخل على الاوديس ولا ؟؟

اذا كان تقدر من حقك تآخذها والله يكتبلك فيها الخير لانهم في التعهد قالو الموظفين فقط هم اللي مالهم حق ياخذون غيرهم عادي يآخذ ..

ياليت اذا عندك رقم جامعي وتقدر تدخل على الاوديس تجرب تدخل على الرابط وتقدم وعلمنا ايش يصير معاك عشان الطلاب المستجدين يستفيدون ..

موفق ان شاءالله ..

[كتمان]

المشاركة الأصلية كتبت بواسطة ميمي_غامد استغربت من كلامك هنا ع بالي احد رد على موضوعك طلعتي انتي اللي معلقه لاتزعليين بس موضوعك قديم واستفسارتو مكرره في موضع الاخ سلووم موضح كل شي عن المكافأه من اول صفحه لاخر صفحه وبس شكرا ماعدا كم مبلغها ؟؟ ومتى تنصرف؟؟ لان العلم مو عندنا عند المسؤولين

لا ليش ازعل بعدين يا اختي الهدف من موضوعي مساعدة اللي عندهم مشاكل ومافي مشكله اذا في موضوع للأخ سلوم أو غيره بس للأسف مع انك تقولين في غيري منزل موضوع ومع هذا مازال بعض الاعضاء ينزلون مواضيع استفسارات عن المكافأه وكل واحد اسئلته مكرره وفاتحلها موضوع كامل ومايفكر انو في ناس ثانيه منتسبه قاعده تسجل وصايره معاها مشاكل في التسجيل وفي ناس حامله مواد وعندها مشاكل وفي ناس متخرجه وبرضو عندها مشاكل ومحتاجين انو مواضيعهم تكون مرفوعه عشان الكل يشوفها ويساعدهم لكن اذا استمر الحال انو كل واحد ينزل استفسار عن المكافأه بموضوع ساعتها المواضيع المهمه راح تروح بالصفحات اللي ورا ومحد راح يشوفها ولا يجاوب اللي يستفسرون عنها ..

اتمنى تكون الصوره واضحه .. هدفي المساعده فقط واتاحة مجال للناس الستجده والمتخرجه واللي حامله مواد في طرح مشكلاتهم ..

[صمت الجراح]

أختي كتمان..
الخطاب أنا أكتبه ولااذا راح ابوي يكتبون له الخطاب
بالنسبه للحساب انا معاندي حساب وسجلت بحساب ابوي وصورت هويته الوطنيه
يعني لازم ازيد عليها بطاقة العايله كضمان يعني..


ايه ورقة الdhlوالتعهد اطبعهم وارسلهم مع الاوراق فاهمه قصدك حبيبتي..

مشكوره ع رحابة صدرك

[Dalo.z]

آمممممم‘ تخيلؤآ يسسسًؤؤن لنآ زيَ آلآنتظَآمم‘ . .
بعد آسسسًبؤعَ آخدؤ مكرمتهمَ "
يَ ربْ يسَؤن لنآ زيهمَ ، في ننننَآسْ محتآجينهآ ؤآلله \ (f) ~

+ يُ ربْ يصرفوؤههههَآإ قريبْ ، قُريب آؤيَ . .

[كتمان]

المشاركة الأصلية كتبت بواسطة صمت الجراح أختي كتمان.. الخطاب أنا أكتبه ولااذا راح ابوي يكتبون له الخطاب بالنسبه للحساب انا معاندي حساب وسجلت بحساب ابوي وصورت هويته الوطنيه يعني لازم ازيد عليها بطاقة العايله كضمان يعني.. ايه ورقة الdhlوالتعهد اطبعهم وارسلهم مع الاوراق فاهمه قصدك حبيبتي.. مشكوره ع رحابة صدرك

لا ياقلبي ماتكتبين انتي .. خلي ابوك يروح البنك يقولهم ابغى خطاب برقم حسابي وراح ياخذون منه الهويه حقته وعلى طول يطلعون له ورقه كلها كلام انجليزي وفيها رقم الايبان حق ابوكي ورقم حسابه واسمه ويختمونه من البنك ترى لاتشيلين هم مايآخذ وقت انا رحت البنك الاهلي وكلها كم دقيقه وطبعولي الورقه واذا كان ابوكي بنكه الاهلي في واحد هنا رد بموضوعي يشتغل بالبنك يقدر يساعدك بموضوع الخطاب ..

بالنسبه لبطاقة العايله ايوه زيديها ضمان عشان لايجلسون يتعذرون لك ويقولون اوراقك ناقصه ..

[كتمان]

المشاركة الأصلية كتبت بواسطة dalo.z آمممممم‘ تخيلؤآ يسسسًؤؤن لنآ زيَ آلآنتظَآمم‘ . . بعد آسسسًبؤعَ آخدؤ مكرمتهمَ " يَ ربْ يسَؤن لنآ زيهمَ ، في ننننَآسْ محتآجينهآ ؤآلله \ (f) ~ + يُ ربْ يصرفوؤههههَآإ قريبْ ، قُريب آؤيَ . .

يارب بس ما اتوقع لكن نتفائل فيهم خير يمكن تضبط هذه المره ..

[محمد عبدالله الشهري]

طيب انا ابي اعرف كيف يعرفون انه الموظف اخذ مكافئه يوم يحطون تعهد

[كتمان]

المشاركة الأصلية كتبت بواسطة محمد عبدالله الشهري طيب انا ابي اعرف كيف يعرفون انه الموظف اخذ مكافئه يوم يحطون تعهد

أخوي السالفه مجرد تخويف لا أقل ولا أكثر ..بعدين اذا انت موظف وما انصرفت لك مكافأه قدم ماعليك منهم يعني هم قالو الموظفين اللي حصلو على المكرمه وبعدين ترى ثلاث ارباع الموظفين قدمو ..

[أم زهور]

السلام عليكم
انا ابغى اتاكد وش المستندات المطلوبه
1-تعهد
2- الحساب باسمي اجيب خطاب من البنك انه الحساب باسمي ويكون الخطاب مختوم
3- صورة من كرت العائلة علما انه ماعندي بطاقه احوال
كذا صح المستندات ولا ناقصه